Хүүхдийг төрснөөс сургууль төгсөх хүртэл нь энергийн сорогч бий болдог. Хөгжлийн энэ үеийг хүн бүр туулдаг байна. Ялангуяа өсвөр насанд энэ эмгэг улам их тодрон илэрдэг аж. Иймд хүүхдийн сэтгэл зүйг бүр нялхаас нь эцэг эхчүүд анхаарч байх хэрэгтэй. 

Эцэг эхийн хайр хүүхдэд их дутагддаг. Өдөр бүр амттан авч өгч бай гэсэн үг биш. Түүнийг ойлгох, ертөнцийг танин мэдэхэд эцэг эхчүүд туслах үүрэгтэй. 

- Эцэг эхчүүд уурласан үедээ хүүхдэд муу, бохир энергиэ цацдаг. Хачирхалтай нь өсвөр насны хүүхэд үүнд тайвширдаг. Учир нь тэр муу энергиэр өөрийгөө цэнэглэж байгаа юм. 

- Гэрт авсан муу энергийг хүүхэд үе тэнгийнхэн, орчин тойрондоо цацдаг. Хэл амаар доромжлох, хараалын үг хэлэх, хэрүүл шуугиан дэгдээх, энэ бүхэн гэрт авсан бохир энергийн үр дүн юм. 

- Хүүхдийн энергийн соролт (вампиризм) амьтан, ургамлыг үзэн ядах, үе тэнгийнхэн болон эцэг эх ойр дотныхондоо ширүүн авирлах зэрэг хандлагаар илэрдэг. 

- Хүүхдийг байнга гомдоох, сэтгэл зүйг нь шархлуулахад сөрөг энерги хуримтлагддаг байна. Тааламжгүй харьцаатай гэр бүлд өссөн хүүхэд уур хорслоо жишээ нь нохойнд гаргадаг. Нохой, муур эсвэл өөрөөс нь чадал муутай дорой хүүхдэд хатуу харгис хандах нь бий. Арван хоёр насанд хүүхэд өөрийн сонирхол, үзэл бодлыг чөлөөтэй илэрхийлж байх ёстой. Энэ насанд спорт, техник, урлаг байгаль, ном гэхчилэн хүүхдийн сонирхолын хүрээ бий болдог. Хэрэв тэр юу ч сонирхдоггүй, догдолдоггүй, сэтгэл болон оюун ухаанаа хөгжөөхийн тулд ямар ч хүчин чармайлт тавихыг хүсдэггүй бол хүүхдэд энергийн соролт (муу энерги) төлөвшин тогтсон гэж болно. Тиймээс цэцэрлэг, сургууль гэхээс илүү эцэг эхчүүд юуны өмнө хүүхдийнхээ ёс суртахууны хүмүүжилд анхаарал тавьж байх нь зүй 
  
Уйтгартай намрын навчис уйлагнан унахыг харж зогссон Ундраа хөмсгөө зангиджээ. Угаасаа л тэр ийм баргар, бухимдуу, уцаартай царайтай явдаг болохоор мөчрөө гөвөх модод хүртэл түүнийг андахгүй. "Аан, нөгөөдөх чинь урвайгаад, уурлаад л явж байна” гэж дөрвөн улирал тойрч суугаад ярианыхаа сэдэв болгож амжжээ. 
  
Дааж дийлэхээргүй их уур бухимдлыг зүрхэндээ арай ядан тээж, харсан, уулзсан болгоноо элдвээр харддаг болохоор байнга бие нь өвдөнө. Эцэг эхээс заяасан махан бие нь яаж ч хичээгээд түүний энэ дарамтыг үл дийлнэ. "Энэ ажил угаасаа бүтэхгүй дээ", "Энэ залуу яг намайг тэнэг гэж бодож байгаа”, "Энэ хүн миний мөнгийг илүү төлүүлэх гээд л байна даа” гэсээр уулзсан бүхнээ хар бодлоор үднэ. 
  
Харин бодол бүхэн нь түүнийг мөрдөнө. "Аан, эзэн өөрөө бүтэлгүйтье гэж хүсээд байгаа юм байна”, "Аан, энэ ажлыг бүтээж болохгүй юм байна шүү” гэсэн даалгаврыг Ундраагийн оюун санаанаас хуулбарласаар өнөөг хүрчээ. Үр дүнд нь энэ сайхан охинд бүтэж байгаа юм гэж ганц алга. 
  
Үргэлж л бухимдана. Уурлана. Ажил нь бүтэхгүй байна гэж хавь ойрынхондоо уцаарлана. 
  
Харин Баярмаа огт өөр. Бүх юм сайхан болно. Энэ бол түүний хэлэх дуртай үг. Хэцүү байсан ч, баяртай байсан ч өөртөө ингэж л хэлд 
  
Нэгэн удаа гар утсаа хулгайд алдчихаад байхдаа ч өөртөө ингэж л хэлж байсан. "За яахав, утсаа алдаа л биз. Бүх юм сайхан болно оо. 
  
Үүнээс ч сайхан утастай болно” гэж өөртөө хэлсээр байсан. Удалгүй илбийн юм шиг зүйл байгууллагынхаа шилдэг ажилтнаар шалгарч, сүүлийн үеийн загварын утсаар шагнагдаж л байсан. 
  
Түүний хэлсэн бүхнийг бодол нь дагана, биелүүлнэ. "Аан, эзэн энэ ажлаа бүтээнэ гэж байгаа юм чинь би бүх чадлаараа бүтээх ёстой юм байна”, "Аан, эзэн их мөнгөтэй болъё гэж хүсч байгаа юм байна, мөнгөөр бороо оруулаад өгье” гээд л... Тийм болохоор Баярмаагийн амнаас "Бүтэхгүй байна”, "Болохгүй нь” гэсэн үг барагтай бол унахгүй шүү. 
  
Бодол биеллээ олдог гэдгийн учир шалтгаан бүхэн энэ аж. Бод, дандаа сайхныг бод. Хэцүү байсан ч хүссэн сайхан зүйлээ бодвол амжилт, аз жаргал өөрөө гүйгээд л ирнэ. Харин муу зүйл бодож огт болохгүй. Бодол бүхнийг бодлын хүч сонсч байдаг. Тэр бидний хэлсэн бүхнийг даалгавар хэмээн хүлээн авдаг.