Алслагдсан бүс нутгуудын шатахууны үнийн зөрүүг бууруулах зорилгоор Засгийн газар 2015 оны аравнэгдүгээр  сарын 09-ний өдрийн 438 дугаар тогтоолоор онцгой албан татварын хувь хэмжээг баруун, зүүн болон төвийн бүсэд ялгавартай тогтоох шийдвэр гаргасан. 
Энэ хүрээнд өнгөрсөн долоо хоногт баруун бүсийн аймгуудад шатахууны үнэ буурч нийслэл хотоос ялимгүй зөрүүтэй болсон юм. 

Тэгвэл өнөөдрөөс манай аймагт шатахууны үнэ буурч Улаанбаатар хоттой адил үнэтэй боллоо.Тодруулбал  АИ92 бензин хуучин 1880 төгрөгөөр зарагддаг байсан бол 1660 төгрөг болж байна. Шатахууны үнийг нийслэлээс алслагдсан бүс нутагт татварын бодлогоор зохицуулан хямдруулах тухай саналыг зүүн, баруун хязгаар нутгаас сонгогдсон Х.Болорчулуун, С.Бямбацогт нарын гишүүд санаачлан хэлэлцүүлж, УИХ-аас Засгийн газарт санал хүргүүлсэн нь ийнхүү бодит ажил хэрэг болжээ.

---