Эрдэнэс Тавантолгой компани сүүлийн үед нилээдгүй асуудалтай байгаа. Гадны өрөө тэглэх гэж бусдын царайг царайчлахын хажуугаар туслан гүйцэтгэгч компаниудадаа 60 гаруй тэрбумын өрөнд уначихсан. Учраа олохгүй суугаа. Үүний хажуугаар тус компаний дарга асан Энэбишийг шалгаж байгаа юм. Гэвч мөрдөн байцаалтын явцад саад учруулж гадагшаа явсан учраас хэргийг түр түдгэлзүүлээд байгаа гэнэ.

БНХАУ-ын төрийн мэдлийн Чалко компанитай байгуулсан гэрээг хууль хяналтынхан шалгаж "Эрдэнэс Тавантолгой” компаний захирал асан Энэбишийг АТГ-аас шалгаж эхэлсэн. Хэрэг дөнгөж шалгагдаж эхлэхэд Энэбиш гадагшаа явж оргон зайлсан учраас хэрэг шалгах явцад хүндрэл учирчээ. Эрдэнэс Таван толгой ХК-ийн гүйцэтгэх захирал асан Энэбиш нарын хүмүүсийг 1,6 тэрбум төгрөгийн үнэтэй самосвол маркийн 10 машин, хэрэгцээгүй дугуйг төр болон орон нутгийн төсвөөр худалдан авч шахааны бизнес хийсэн гэж үзэж байсан. Тухайн үед Б.Энэбиш хэлэхдээ "уурхайн олборлолтын ажлын шаардлага, худалдан авалтын үйл ажиллагааны батлагдсан төлөвлөгөөний дагуу хүнд даацын том машины дугуйн тендер зарласан. Тендерээр авсан дугуйнууд стандартын дугуйнууд гэж байсан ч хууль зөрчсөн гэдэг үнэн хэмээн хуулийнхан тайлбарлаж байна. 

Том даацын 10 машины тухайд ажлын зайлшгүй шаардлагаар тендерийн хуулийн зохих зүйл, заалтын дагуу хийгдсэн гэдэг. "Эрдэнэс Тавантолгой” компани нүүрсний экспортоо 2011 оны наймдугаар сард эхэлж, батлагдсан уулын ажлын төлөвлөгөөгөөр тэр ондоо багтааж 1 сая тонн нүүрс олборлох ёстой байсан. Чалкотой нүүрс нийлүүлэлтийн том гэрээ байгуулж, тэднээс борлуулалтын орлогоо урьдчилан 50,100 саяар цувуулж авч байсан юм. Засгийн газар сангийн яам "Хүний хөгжлийн сан”-д оруулах мөнгөө хурдан оруул, орлогоо тасалдуулж, УИХ-аар батлагдсан төсвийн хууль зөрчивөө гээд шахад дарамтлаад байсан учраас ийм алхам хийчихлээ гэж байсан. Ийнхүү анхнаасаа зөв удирдан залаагүй Эрдэнэс Таван толгой өнөөдөр хүндхэн байдалд шилжчихээд байгаа нь энэ юм. Гэтэл будлиан хутгасан Энэбиш гадагшаа явж хэргийг удаашруулсан байна.

Эх сурвалж : Холбоо.мн

URL: http://www.choibalsan.mn/index.php?newsid=1335