Монгол телевизээс зохион байгуулдаг "Авъяаслаг Монголчууд” теле шоуны бүртгэл, шалгаруулалт Дорнод аймагт өнөөдөр эхэллээ. Бүртгэлийг аймгийн ХДТ дээр хийж байна нэгдүгээр шатанд оролцох авъяастнуудыг шалгаруулна. Оролцогчдыг бүртгэл өнөөдөр маргааш хоёр өдөр үргэлжилнэ. Бүртгүүлэх хүмүүсээс ямар нэгэн хураамж авахгүй. Товч анкет бөглөн 4 хувь цээж зурагтайгаа ирэхэд болно гэж шалгаруулалтын багийнхан хэлж байлаа. Хэрэв баг, хамтлагаар оролцох бол хүн бүр тус тусын анкетыг бөглөж мандатаа авах юм байна. Нас, хүйс харгалзахгүй бүртгэнэ. Би авъяастай гэж бодож байгаа хэн бүхэнд шалгаруулалтын үүд хаалга нээлттэй аж. Уг шоу төслийн багийнхан улсын хэмжээнд баруун, зүүн, төвийн бүсүүдэд шалгаруулалтаа явуулж байгаа юм. Зүүн бүсийн шалгаруулалт ийнхүү Дорнод аймгаас эхэллээ.

Н.Мөнхсайхан