ДОРНОД АЙМГИЙН "СУМДЫН ЗАЛУУЧУУДЫН УРЛАГ, СПОРТЫН БАГА НААДАМ" АМЖИЛТТАЙ ЗОХИОН БАЙГУУЛАГДЛАА

2018/06/27, 07:31 0

Дорнод аймгийн сумдын залуучуудын эв нэгдэл, нөхөрлөлийг бий болгох, урлаг спортын авъяас чадварыг нээн илрүүлэх замаар түүх соёлын биет болон биет бус өвийг сурталчлах, түгээн дэлгэрүүлэх, эх оронч үзлийг төлөвшүүлэхэд зорилгоор "МОНГОЛ ТАНДАА ЗҮТГЭЕ” уриан дор залуучуудын урлаг, спортын бага наадмыг аймгийн Засаг даргын Тамгын газраас санаачлан 2018 оны 06 дугаар сарын 22-24-ний өдрүүдэд Халхгол суманд амжилттай зохион байгууллаа.

Уг арга хэмжээнд аймгийн Залуучуудын хөгжлийн салбар зөвлөлийн дарга бөгөөд Засаг дарга М.Бадамсүрэн, Засаг даргын орлогч Ш.Ёл, Хууль, эрхзүйн хэлтсийн дарга Ц.Баяржаргал, аймгийн ИТХ-ын тэргүүлэгч Б.Тэгшжаргал, ГБХЗХГ-ын дарга Э.Жавхлан, Халхгол сумын ИТХ-ын дарга Ц.Насанхүү, Халхгол сумын Засаг дарга Х.Хүрэл-Эрдэнэ нар оролцож нийт оролцогч залуучуудад үйл ажиллагаанд идэвхтэй оролцсонд талархал илэрхийлж амжилт хүслээ.

Урлаг, спортын бага наадам дараах төрлүүдээр зохион байгуулагдлаа. Үүнд:

 Мэндчилгээ -Гэрийн даалгавар

 Ардын дуу /Гоцлол/

 Эстрад дуу /Гоцлол/

 Гоцлол бүжиг

 Хамтлаг бүжиг /Монгол/

 Цэрэгжилтийн буухиа тэмцээн /Тусгай хөтөлбөрөөр/

 Волейболын тэмцээн

 Үндэсний бөхийн барилдаан

 Сурын харваа

Уг наадамд 10 сумын нийт 250 гаруй залуучуудын төлөөлөл оролцож авхаалж самбаагаа уралдуулан өрсөлдөж дараах байруудыг эзэлсэн байна.

1-р байр Халхгол сум

2-р байр Дашбалбар сум

3-р байр Матад

Тус үйл ажиллагаанд ГБХЗХГ-ын дарга Э.Жавхлан "Залуучуудын оролцоо, манлайлал” сэдвээр илтгэл тавьж газрын мэргэжилтнүүд Гэр бүл, хүүхэд, залуучуудыг дэмжих чиглэлээр төрөөс хэрэгжүүлж буй бодлого, хөтөлбөрүүдийг танилцууллаа.

Мөн Эх орончдын өлгий нутаг Халхгол сумын түүхэн дурсгал, өв соёлыг залуучуудад танилцуулах аялалыг Ялалтын музей, Буйр нуур, Их бурхант цогцолбор, Хээрийн үзүүллэгийн музей зэрэг маршрутаар зохион байгуулж залуучуудын мэдлэг, оюунд хөрөнгө оруулалт болохуйц сайхан арга хэмжээг Музейн дарга Л.Мягмарсүрэн чиглүүлж ажиллалаа.

Идэвх санаачилгатай оролцсон сумдынхаа нийт залуучуудад урлаг, спортын өндөр амжилт хүсье!

ЕРӨНХИЙ ЗОХИОН БАЙГУУЛАГЧ:

ХАЛХГОЛ СУМЫН ЗАСАГ ДАРГЫН ТАМГЫН ГАЗАР

ХАМТРАН ЗОХИОН БАЙГУУЛАГЧ:

ГЭР БҮЛ, ХҮҮХЭД, ЗАЛУУЧУУДЫН ХӨГЖЛИЙН ГАЗАР

URL: http://www.choibalsan.mn/index.php?newsid=27639

Танд манай сайт таалагдаж байвал Like дарна уу. Танд баярлалаа

Танд мэдээ таалагдаж байвал Like дарна уу.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд choibalsan.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг манай сайтын зүгээс устгах эрхтэй!