Өнөөдрийн байдлаар коронавируст халдвараар өвчилсөн 370 иргэн эдгэрч эмнэлгээс гарчээ. Хөнгөн хэлбэрээр өвдсөн хүн эдгэснээс хойш долоогоос арав хоногийн дараа халдвар тараахаа больж байгаа учир долоо хоногийн дараа нийгмийн харилцаанд хэвийн орж болно гэв. Хувь хүний дархлааны онцлог, вакцинаа хэзээ хийлгэсэн зэрэг хоёр шалгуурыг үндэслэж, УОК-ын журмын дагуу эдгээд эмнэлгээс гарсан иргэдийг долоо хоног тусгаарлаж байгаа юм. Ийнхүү эдгэрч гарсныхаа дараа халдвар тараасан тохиолдол бүртгэгдээгүй байна. Гэхдээ мутацилагдсан өөр вирусээр өвчлөх магадлал бий гэдгийг анхаарууллаа.

Түүнчлэн өдөрт хоёроос гурван хүн шинж тэмдгийн дуудлагаар халдвартай нь илэрч байгаа бол аймгийн хэмжээнд эх үүсвэр нь тогтоогдоогүй 15 голомт байна гэж мэдээлэв.

URL: http://www.choibalsan.mn/index.php?newsid=35587