Шинжилгээний цэгт амиа алдсан иргэн Дорнод аймгийн Цагаан-Овоо сумын харьяат 56 настай эрэгтэй байжээ. Түүний хувьд өнгөрсөн долдугаар сард уушгины хорт хавдрын 4-р шат гэж оношлогдон Улаанбаатар хотод эмчилгээ хийлгэж байгаад наймдугаар сард сумандаа ирсэн байна.

Хэд хоногийн өмнөөс бүсийн оношилгоо эмчилгээний эмчийн хяналтад орохоор аймгийн төвд байр түрээслэн амьдарч, гэрээр эмчилгээ хийлгэж байжээ. Харин есдүгээр сарын 7-ны өглөө өрхийн эмнэлэгт үзүүлж, хавдрын тасаг руу явах замдаа дүүтэйгээ хамт шинжилгээний цэгт очиж тест тавиулсан байна. Шинжилгээ эерэг гарч эмээ авахаар зогсож байхдаа цус алдаж газар дээрээ амь алджээ.

---