Дэлхийд ганцхан байдаг "Ferrari 365 P Berlinetta Speciale” загварын машиныг дуудлага худалдаанд оруулахаар болжээ. Дуудлага худалдааг зохион байгуулагч "Gooding&Company” машиныг 20 сая ам.доллараас эхлэн дуудахаар болсноо зарласан байна. Энэхүү машиныг 1966 онд цор ганцхан загвараар үйлдвэрлэсэн аж. Уг машины онцлог дөрвөн дугуйндаа хөтлөгчтэй ба эд ангийг нь нэг ч удаа солиогүй гэнэ. "Ferrari” компани 1971 оныг хүртэл автомашинаа хөнгөн цагаанаар бүрж үйлдвэрлэдэг байсан гэдэг. Энэ нь 1970- аад оны авто уралдаанд "Ferrari”-ийн загварууд гайхалтай амжилт үзүүлэх үндэс болжээ. "Ferrari” компанийг 1929 онд Энзо Феррера гэгч байгуулсан байна.

---