ОХУ-ын иргэдийн бараг тэн хагас нь "McDonald`s” түргэн хоолны газруудыг хаах хүсэлтэй байдаг гэнэ. Энэ талаар санал асуулгад оролцсон хүмүүсийн 49 хувь нь хэлжээ.

Сонирхолтой нь дэлхийд хамгийн олон салбартай түргэн хоолны газраар огт үйлчлүүлдэггүй иргэ­дийн 53 хувь нь хаах хүсэл­тэй байгааг суд­­лаачид тэм­дэглэсэн бай­на. Тэгвэл шар­сан төмс, гамбур­гер идэх дуртай, "McDonald`s”-аар үйлч­лүүлдэг хү­мүүсийн 44 хувь нь түргэн хоолны газрыг хаах хэрэгтэй гэж хариулжээ. Иргэд түргэн хоолны газрыг хаах хамгийн гол шалтгаан бол чанаргүй, амт муутай хоолоор үйл­чилдэг газар Орос даяар байх шаардлагагүй гэж үзэж байгаа явдал юм.

Харин зарим хүн нийтийн хоолны салбарт үндэсний хоолоо хийдэг зоогийн газруудыг нээх нь улс оронд хэрэгтэй гэж үзсэн гэнэ. Гэвч санал асуулгад оролцогсдын 33 хувь нь "McDonald`s”-ыг хаахыг эсэргүүцжээ. Тэдний ихэнх нь 18-24 насныхан бөгөөд түргэн хоол­­ны газ­раар үйлчлүүлдэг аж. Ер нь сүүлийн үед ОХУ-д "McDonald`s” түргэн хоолны газартай холбоотой хэл ам их гарах болсон бөгөөд эрүүл ахуйн шаардлага хан­гаагүй зарим салбарыг хаа­сан бай­на.

---