Нийгмийн Ардчилал Монголын Залуучуудын Холбооноос жил бүр уламжлал болгон зохион байгуулдаг "Алтан сарнай" оны тэргүүн наадам 14 дахь жилдээ зохион байгуулагдах гэж байна.

Энэ удаагийн наадам "Үндэсний үйлдвэрлэлээ дэмжье" уриан дор зохион байгуулагдаж байгаа бөгөөд салбар бүрийн оны онцлох хүнийг нэрлэж "Алтан сарнай" цомыг гардуулдаг билээ. Өмнөх "Алтан сарнай" цомын эзэд нь тухайн оныхоо хамгийн шилдэг бүтээн байгуулалт, урлаг спорт, улс төр, хүмүүнлэгийн салбарын шилдгүүд тодорч алдаршиж байсан бөгөөд энэ удаад ч 2014 онд Монгол Улсын төдийгүй дэлхийн хэмжээнд алдаршиж буй Монголчуудын нэрсийг наадмын ALTANSARNAI.mn сайтад хандан иргэд нэрлэж байгаа бөгөөд удахгүй санал өгч эхлэх гэж байна.

Эрхэм уншигч та дээрх хаягаар орж оны шилдгийг нэрлэх боломжтой бөгөөд удахгүй эхлэх санал хураалтад оролцох боломжтой юм. Наадам 2014.12.31-нд Улаанбаатар зочид буудалд болно.

URL: http://www.choibalsan.mn/index.php?newsid=6828