Өнөөдөр аргын тооллын 2015 оны Нэгдүгээр сарын 23. Баасан гараг. Билгийн тооллын XVII  жарны "Тийн ялгуусан" хэмээгч модон морин жилийн өвлийн дунд улаан хулгана  сарын 3. Сугар гараг. Чөдөр одтой, 8 цагаан мэнгэтэй шарагчин гахай өдөр. Өдрийн барилдлага Шид. Шүтэн барилдлага Тийн мэдэхүй. Өдрийн наран 8 цаг 24 минутад мандан, 17 цаг 27 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, шинэ ажил эхлэх, зэрэг дэвших, сан тавиулах, угаал үйлдэх, нялхасын хурим хийх, хийморийн дарцаг хатгахад сайн. Газар малтах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно хэмээжээ.

* * *Өрнийн зурхай * * *

Хонь (3/21-4/19)

Амьдралын эрч хүч их байна, гэхдээ та илүүдэл энергиэ зөв зарцуулахгүй бол асуудалд орооцолдож магадгүй. Ямар нэг том төсөл эхлэхээсээ өмнө судалгааны ажил дээрээ алдаа эндэгдэл гаргахгүй байхыг хичээ. Хэн нэгний санаатай санаандгүй үйлдлээс болж эвгүй байдалд орж болзошгүй байна. Хайртай хосын дунд хардалтаас болж хэрүүл маргаан дэгдэж болзошгүй гэж одод сэрэмжлүүлж байна.

Үхэр (4/20-5/20)

Хянуур өдөр. Эрүүл мэнд сайн байхгүй ч гэлээ энэ нь түр зуурынх байх болно. Харин уур бухимдал, тэсвэр тэвчээргүй байх нь асуудлыг шийдэхэд илүү их хүндэрэл бэрхшээлийг бий болгодог гэдгийг сана. Хэдийгээр танд өвчин мэдэгдэхгүй байгаа ч элэгний шинжилгээ өгөхөд илүүдэхгүйг анхаар. Гэхдээ өөрийхөө нууцаас бусдад дэлгэхгүй байсан нь дээр. Танд итгэдэг хэн нэгэн буруугаар ойлгож мэднэ. Ямарч тохиолдолд өөрийн үйл хөдлөлөө хяна.

Хамтатгах (5/21-6/21)

Хүнд өдөр. Энэ өдөр эрх ашиг, сонирхол сонголтоо хамгаалах, зорилгодоо хүрэх гэж оролдох болно. Таны дотоод ертөнц үнэн бодит байдалтай зөрчилдөх болно. Урд өмнө байгаагүйгээр тэсвэр тэвчээр гаргаж, биеэ барихыг сануулж байна. Эс тэгвээс таны нийгэмд эзлэх байр суурь болон материаллаг байдалд нөлөөлнө. Хүүхдүүддээ анхаарлаа хандуулахыг зөвлөж байна.

 Мэлхий  (6/22-7/22)   

Анхаарал, сэрэмжтэй байх өдөр. Энэ өдрийг өнгөрөгч ажилд зориул. Худалдан авалт хийх, амьдрах орчноо өөрчлөх, засвар хийх зэрэгт таатай өдөр. Та хамгийн ердийн эрхэлж буй зүйлд өөрийн уран бүтээлч авъяасыг нээж чадна. Магадгүй та нууцаар хүсч мөрөөдсөн зүйлд амжилт гаргана. Таны бодлоор бодитоор аз жаргалтай болгож чадах юм. Хэт ядрахаас сэргийлж зайлсхий. Учир нь энэ нь таны эрүүл мэндэд туйлын муугаар нөлөөлнө.

Арслан (7/23-8/22)   

Та тогтворгүй, хайнга байж мэдэх өдөр. Томоохон хэргээс илүүтэйгээр таныг цухалдуулж болох гэр бүлийн жижиг сажиг асуудлууд болон мөнгө санхүүгийн хүндрэлтэй нүүр тулгарч болзошгүй. Танд цаг зав, хүч чадал дутагдах учраас болж буй үйл явдалд үнэн зөв үнэлэлт дүгнэлт өгөхөд хэцүү байх нь. Тэд таны ааш занг зөөлрүүлж, аз жаргал, амар амгаланг бэлэглэнэ.

Охин (8/23-9/22)   

Ердийн өдөр. Өнөөдөр таны хувьд бүхний анхаарлын төвд байх тул үйл хөдлөлөө анхаарч яваарай. Хутга сэрээ унах, шил хагарах нь мууг зөгнөх болно. Гэр бүлийн хүрээнд бага зэргийн хэрүүл маргаан гарч болзошгүй. Өөрийн байр суурийг баттай хамгаалан, тайван амгалан байхыг одод зөвлөж байна. Ажил төрөл тань таны бодож байгаа шигээр нэг их дордоогүй байна. Зүрхээ сайн гамнахгүй бол энэ амьдралд чинь хүрэлцэхгүй байж мэдэх нь.

Жинлүүр (9/23-10/22)   

Ачаалалтай өдөр. Хамаатан садан дотны найз нөхөдтэйгээ анхаарал болгоомжтой харилцаарай магадгүй үл ойлголцолд хүрч болзошгүй. Хэн нэгнийг уучлах эсвэл сэтгэл хөдлөлөө уяан байлгах нь шинэ өндөрлөгт хүрэх энергээ хадгалж байна гэсэн үг. Хэн нэгэн танаас тусламж эсвэл зөвлөгөө авахыг хүснэ. Ихэнх хүмүүс сэтгэл санаагаар унах тул цаг хугацааг тохь тухтай гэртээ байж өнгөрөөхийг зөвлөж байна.

Хилэнц (10/23-11/21)   

Шинэ ажил үйлс эхлүүлэх, төлөвлөгөөгөө биелүүлэх, хамтын ажиллагаанд таатай байна. Гэнэтийн мэдээ таныг үйлдлээ хянахад эсвэл ажлын чиг үүргээ өөрчлөхөд хүргэнэ. Та шинэ амьдралын эмчилгээний тухай бодож болох юм. Шинээр эхлэхэд төгсгөл үнэхээр шаардлагатай болохыг анхаар. Хэрвээ та алдсан зүйлдээ өөрийгөө гонсойж гутрахыг зөвшөөрвөл та хэзээ ч урагшлахгүй.

Нум (11/22-12/21)   

Хуурмаг зөвлөгөө эсвэл худал мэдээллийн нөлөөгөөр санхүүгийн хүндхэн асуудалд орж болзошгүй бөгөөд ойр дотныхонтойгоо муудалцах сэтгэл санаагаар унах эсвэл гэмтэж бэртэж болзошгүй байна. Өнөөдөр та далдын хүч болон ховсдол гэх мэт далд ертөнцтэй бүү холбогдоорой. Энэ нь аюултай бөгөөд хар хүчний муу нөлөөнд автаж болзошгүйг анхаарна уу.

Матар (12/22-1/19)   

Эгзэгтэй өдөр. Хөл дээрээ бат зогсож чадсан, нөхцөл байдлыг зөв үнэлдэг, бодит орчноос тасраагүй хүмүүс л амжилт олно. Оддын байрлал таагүй байгаатай холбоотойгоор ажил үйлс бүтэлгүйтэх, харилцаанд асуудал үүсэх, муу мэдээ ирэх зэрэг олон таагүй явдал тохиолдож болзошгүй. Та өөрийн хүч, боломжоос давсан ажлыг барьж авах хэрэггүй.

Хумх (1/20-2/18)   

Мэдлэг хуримтлуулах, нийгмийн харилцаа болон тааламжгүй асуудлуудыг шийдвэрлэхэд таатай өдөр. Магадгүй та энэ өдөр хайртай хүнээсээ бэлэг авна. Од гараг танд эрүүл мэнддээ анхаарахыг зөвлөж байна. Өнөөдөр та хөнгөн гунигт автах магадлалтай. Спиртийн төрлийн ундаанаас татгалзах нь зүйтэй. Өнөөдөр өөрийгөө хайрлах хэрэгтэй. Таны гадаад төрх хүйтэн хөндий байдалтай харагдах учир ойр дотны хүмүүстэй харилцах харилцаанд таагүй байдал үүсэж болзошгүй.

Загас (2/19-3/20)

Амьдралын эрч хүч дээд цэгтээ хүрнэ. Гэхдээ сэтгэл санаагаар унах эсвэл таагүй мэдээ дуулах болно. Магадгүй хайртай хүнтэйгээ харилцаагаа хүндрүүлнэ. Үйл явдалд яаран бүү дүгнэлт хийх гэж эсвэл дипломат харилцаа үүсгэх гэж бүү оролд. Зүгээр л орхи энэ бүхэн болох ёстой зүйлс юм. Зөн совин тань харин юу хийхийг заагаад өгнө. Худалдаа хийхдээ горьдлого төрүүлсэн ашиг олно гэсэн элдэв ятгалганд анхаарал болгоомжтой хандахыг сануулж байна.
 

URL: http://www.choibalsan.mn/index.php?newsid=7497