Хятадын баруун хойд нутагт археологчид Хятадын их цагаан хэрмийн үлдэгдэл болох урьд нь мэдэгдээгүй байсан шинэ хэсгийг олж илрүүлсэн байна. Нийтдээ 10 км үргэлжлэх, есөн хэсэг бүхий энэ үлдэгдэл Ганьсу муж болон Нинся-Хуэйн автономит тойргийн хил дээр байжээ хэмээн China Daily мэдээллээ. 
Нинся-Хуэйн автономит тойргийн орон нутгийг судлах музейн ажилтнуудын олж илрүүлсэн эртний энэ байгууламж манай эриний өмнөх 221-206 онд Цинь гүрний үед баригдсан байх гэж энэ музейн тайлбарлагч байсан Жоу Синхуа хэлсэн байна. Энэ байгууламжийн өндөр нь таван метр юм байна.