Сумын мэдээ - www.Choibalsan.mn

"Шинь Шинь" ХХК хүчингүй лицензээр газрын хэвлийг тоносоор байг уу?

khulan — Mon, 31 Oct 2022 13:37:30 +0800

УИХ–ын гишүүн асан, Ардчилсан намын тодотголтой Р.Бадамдамдин эрх мэдэл, өөрт байсан мэдээллээ ашиглан авсан Улааны ордын нийт нөөцийн 82 хувь нь хамаардаг 247 А лицензийг 2 сая доллараар “Шинь Шинь” ХХК-д зарсан гэдгээ мөрдөн байцаалтанд мэдүүлсэн байдаг бол нийт нөөцийнх нь 18 хувийг хамаардаг “ДСД Жаргалант” ХХК-ийн эзэмшлийн 1562 Х тоот лиценцийг эзэмшигчид нь мэдэгдэлгүйгээр бусадтай хуйвалдан зарсныг нь дараах шүүхийн шийдвэрүүд болон процессын үйл ажиллагаанууд нотолно.

БГД–ийн Иргэний хэргийн анхан шатны шүүх /ИХАШШ /-ийн 2011 оны 08 дугаар сарын 29-ний өдрийн 1465 дугаартай шийдвэрээр “ДСД Жаргалант” ХХК-ийн 1562 Х тоот тусгай зөвшөөрлийг хуурамч гарын үсгээр буюу хууль бус хэлцлээр бусдад шилжүүлснийг тогтоожээ. Энэхүү шийдвэрийг үндэслэн Ашиг малтмалын газрын 2012 оны 11 дүгээр сарын 27-ны өдрийн 58 дугаар шийдвэрээр “ДСД Жаргалант” ХХК –ийн 1562 Х тоот тусгай зөвшөөрлийн талбайд “Шинь Шинь” ХХК–д олгосон 1089А, “Хунбөө” ХХК–д олгосон 13555 А тоот тусгай зөвшөөрлүүдийг хүчингүй болгосон байдаг юм.

“Шинь Шинь” ХХК-иас “АМГ нь 58 дугаартай шийдвэрийг гаргахдаа өөрсдийг нь байлцуулаагүй нь хууль зөрчсөн, 10089 А тоот тусгай зөвшөөрлийг сэргээлгэмээр байна” гэсэн утга агуулгатай нэхэмжлэлийг захиргааны хэргийн шүүхэд гаргасан байна. Захиргааны хэргийн 3 шатны шүүх уг нэхэмжлэлийг хэлэлцээд АМГ нь 58 дугаар шийдвэрийг гаргахдаа “Шинь Шинь” ХХК-ийг байлцуулаагүй процессын алдаа гаргасан гэж үзэн хүчингүй болгосон ч 13555А, 10089А тоот тусгай зөвшөөрлүүдийг олгосон Ашигт малтмалын хэрэг эрхлэх газар /АМХЭГ/-ын холбогдох шийдвэрүүд нь хууль бус хэлцэлд үндэслэсэн болох нь БГД-ийн 2011 оны 8 дугаар сарын 29-ний өдрийн 1465 дугаартай шийдвэрээр нэгэнт тогтоогдсон тул 10089 А лицензийг сэргээгээгүй юм байна.

Ийнхүү гурван шатны шүүхийн шийдвэрүүд гарсны эцсийн дүнд “ДСД Жаргалант” ХХК-д 1562 Х тоот тусгай зөвшөөрлийг анх олгосон АМХЭГ-ын 1999 оны 9 дүгээр сарын 21-ний өдрийн 210 дугаартай шийдвэр хүчинтэй хэвээр үлдэж, уг лицензийг бусдад хууль бусаар шилжүүлсэн бүх захиргааны шийдвэрүүд хүчингүй болсон байна.

Улсын Дээд Шүүхийн 2014 оны 132 дугаар тогтоолыг үндэслэн Дүүргийн иргэний хэргийн анхан шатны 2 дугаар шүүхийн 2015 оны 04 дүгээр сарын 10-ны өдрийн 02327 дугаартай шийдвэрээр “ДСД Жаргалант” ХХК-ийн 1562 Х тоот тусгай зөвшөөрлийн хүчин төгөлдөр үйлчлэх хугацаа 5 жил 8 сар 10 хоног болохыг эцэслэн тогтоожээ.

Гэвч өнөөдрийг хүртэл холбогдох албан тушаалтнууд нь Дээд шүүхийн шийдвэрийг үл гүйцэтгэж, харин "Хунбөө" ХХК-д хууль бусаар давуу байдал олгосон Захиргааны хэргийн анхан шатны шүүхийн шүүгч Ц.Сайханцэцэгийн даалгаврыг ягштал биелүүлснээр "Шинь Шинь" ХХК Дашбалбар сумын нутгийг хүчингүй лицензээр зогсолтгүй тоносоор байна.

Өмнөхийг ЭНД ДАРж уншина уу

Үргэлжлэл бий...

Эх сурвалж: BOLOD.MN

Дорнод аймгийн 13 сумдын дундах воллейболын тэмцээн болно.

tugsuu — Mon, 01 Nov 2021 18:51:54 +0800

"Шинь Шинь" ХХК үйлдвэрлэлээ зогсоохгүйн тулд ковид тархсныг нууж байгаа юу?

khulan — Sat, 04 Sep 2021 13:23:31 +0800

Дорнод аймгийн Дашбалбар сум, Сэвсүүл Жараахай багийн нутагт Улааны холимог металлын ордыг эзэмшдэг БНХАУ-ын 100 хувийн хөрөнгө оруулалттай “Шинь Шинь” компанид ковидын нөхцөл байдал хүндэрсэн талаар орон нутгийн эх сурвалжаас мэдээлжээ. Тодруулбал, "Шинь Шинь" компанийн үйлдвэрлэлийн баазын бараг бүх хэлтэст ковид тарсан ч нууж байгаа гэх мэдээлэл байна.

Нөхцөл байдал хүндэрч ажилчдын хувьд өндөр эрсдэл бий болсныг, мөн өвдсөн хүмүүс нь ямар байдалтай байгааг анхаарлын гадна үлдээх оролдлого хийж байна гэх хардлага бий болжээ. Учир нь Дашбалбар сумын ковидын нөхцөл байдлын мэдээн дээр тухайн байгууллагад эерэг гарсан тохиолдлууд нэмэгдэхгүй байна гэсэн юм. Үүний цаана тус компанийн зүгээс үйлдвэр хаагдана гэж үзсэн байх магадлалтай хэмээн эх сурвалжийн зүгээс тайлбарлаж, энэ асуудлыг Аймгийн онцгой комисст цахим хуудсаар дамжуулан уламжилж, анхаарлаа хандуулахыг хүсчээ.

Бид энэ талаар эргэн мэдээлэх болно.

"ХОТ ХООРОНД ЗОРЧИХ ТҮР ЖУРАМ"-ЫГ ТАНИЛЦУУЛЖ БАЙНА.

tugsuu — Tue, 19 Jan 2021 10:07:15 +0800

СУМДТАЙ ЦАХИМ ХУРАЛ ХИЙЖ, ҮҮРЭГ ЧИГЛЭЛ ӨГЛӨӨ

tugsuu — Thu, 14 Jan 2021 12:31:04 +0800

Халх голын нутагт гарсан түймэрт 150 га газар шатжээ

khulan — Mon, 12 Oct 2020 12:37:40 +0800

Дорнод аймгийн Халхгол сумын Ялалт багийн “Шорвог” гэдэг газар буюу аймгийн төвөөс зүүн зүгт 320 км, сумын төвөөс баруун зүгт 40 км-т хээрийн түймэр гарчээ. Түймрийн дуудлагыг өчигдөр /2020.10.11/ 14:34 цагт хүлээн авсан байна.

Тус аймгийн Халхгол сум дахь Гал түймэр унтраах, аврах 62 дугаар ангийн алба хаагчид, орон нутгийн иргэд ажиллаж мөн өдрийн 15:35 цагт түймрийг бүрэн унтрааж иргэн Б-т хүлээлгэн өгчээ. Гал түймэрт 150 га хээрийн талбай өртөж шатсан байна.

Баяндун суманд үндэсний бөхийн барилдаан болов

marsbold — Tue, 10 Jan 2017 16:56:01 +0800

Монгол Улсын Шинэ үндсэн хууль батлагдсаны 25-н жилийн ойн өдрийг тохиолдуулан Үндэсний бөхийн барилдаанд 20 бөх авхаалж самбаа, уран мэхээ сорин барилдсанаас
I байранд Баян-Уул сумын харъяат Сумын заан Д.Бат-Эрдэнэ
II байранд Баян-Уул сумын харъяат Сумын начин Н.Гансүх
III байранд Баян-Уул сумын харъяат Сумын начин И.Дондогдорж
IV байранд Баян-Уул сумын харъяат Сумын начин Б.Ган-Од

V байранд Баяндун сумын харъяат Сумын начин Д.МөнхЭрдэнэ нар шалгарлаа.

Баяндун сумын Яргай багийн Иргэдийн нийтийн хурал

marsbold — Thu, 01 Dec 2016 10:15:56 +0800

Дорнод аймгийн Баяндун сумын Яргай багийн Иргэдийн нийтийн хурал болж өндөрлөлөө. Хуралд сумын ИТХ-ын дарга Б.Баатарцогт, засаг дарга Х.Хүрэлчулуун, засаг даргын орлогч Л.Батчулуун, МЭҮТ-ийн мэргэжилтэн Б.Бат-Эрдэнэ нар оролцлоо. Хурлаар багийн ИНХ-ын дарга болон тэргүүлэгчид, засаг даргыг сонгох асуудлуудыг хэлэлцэж ИНХ-ын даргаар М.Мөнхзориг, багийн Засаг даргаар Б.Жадамба, тэргүүлэгчдээр Д.Батцэцэг, Б.Баярмаа, Б.Баяржаргал, Т.Пүрэвсүрэн нар сонгогдон ажиллахаар боллоо

Багийн ИНХ-ын дарга нарын цугларалт боллоо

marsbold — Fri, 20 May 2016 17:50:41 +0800

Багийн ИНХ-ын дарга нарын сар бүрийн графикт цугларалт 2016 оны 05 дугаар сарын 20-ны өдөр болж
Хурлаар:
1. Цаг үеийн мэдээлэл
2. Багийн ИНХ-ын дарга нарын ажлын тайланг хэлэлцэж санал бодлоо солилцож ажиллаа.

Цугларалтанд ИТХ-ын дарга З.Зоригтбаатар, нарийн бичгийн дарга М.Гансүх нар ажлын чиг үүрэг өгөв.

Сумынхаа түүхт 60 жилийн ойн баяр наадмын хурдан ИХ НАС, ХЯЗААЛАН морьдын 6 - 30 байрыг доорхи гэр бүлүүд хандивлана.

marsbold — Mon, 25 Apr 2016 11:04:43 +0800

Их нас 6-10 байрыг - Сумын сайн малчин Тэхийн Чойжиллхам агсаны Үр хүүхэд, ач, зээ нар
Их нас 11-20 байрыг - Дэлгэр багийн иргэн Сургууль, цэцэрлэгийн ахмад ажилтан Лувсанжамцын Нямбуу үр хүүхдүүдийн хамт
Их нас 21-30 байрыг - Цагаанчулуут багийн залуу малчин Отгоны Ганбаатар гэр бүлийн хамт
Хязаалан 6-10 байрыг- Сумын алдарт уяач Цэнд-Аюушийн Цэнджав, сумын алдарт уяач Цэнд-Аюушийн Сүхчулуун нар гэр бүлийн хамт
Хязаалан 11-20 байрыг Аймгийн хошой аврага хадланч Цэнд-Аюушийн Чойсүрэн агсаны Үр хүүхдүүд
Хязаалан 21-30 байрыг Сумын сайн малчин, сумын алдарт уяач Дугарын Энхбаяр гэр бүлийн хамт тус тус гардуулна

Хот, хөдөөгийн сурагчид ялгавартайгаар амарна

marsbold — Mon, 04 Jan 2016 18:44:44 +0800

Ерөнхий боловсролын сурагчдын өвлийн амралт эхлэх гэж байгаатай холбогдуулан Сайдын тушаалаар хөдөө орон нутаг болон

хотын сурагчдын өвлийн амралтыг ялгаатай тогтоож өгчээ. Үүнд:

Ерөнхий боловсролын сургуулийн нийслэлийн 6-9 дүгээр ангийн сурагчид ирэх долоо хоногоос буюу нэгдүгээр сарын 5-аас 25-ыг хүртэл, 10-12 дугаар ангийн сурагчид нэгдүгээр сарын 12-оос 25-н хүртэл тус тус амрах гэж байна. Бага ангийнхан буюу 1-5 дугаар ангийн сурагчдын амралт 2015 оны арванхоёрдугаар сарын 22-ноос эхэлсэн юм.

Харин орон нутгийн сургуулийн 1-5 дугаар ангийн сурагчид нэгдүгээр сарын 12-оос хоёрдугаар сарын 1-н хүртэл, 6-9 дүгээр ангийн сурагчид нэгдүгээр сарын 12-оос 25-н, 10-12 дугаар ангийн сурагчид энэ сарын сарын 12-оос 18-н хүртэл тус, тус амрах ажээ.

Цагдаагийн дэд даргаар ахлуулсан ажлын хэсэг сумдад ажиллаж байна

magnai — Wed, 04 Nov 2015 10:19:56 +0800

Цагдаагийн газрын дэд дарга, цагдаагийн дэд хурандаа Т.Ганзоригоор ахлуулсан ажлын хэсэг сумдад ажиллах хугацаандаа цагдаагийн хэсгийн ажил байдалтай танилцаж, гэмт хэргээс урьдчилан сэргийлэх ажлын тухай мэдээлэл, замын хөдөлгөөний шинэ дүрмийг танилцуулж, мэдээ мэдээлэл хийж, иргэдээс Цагдаагийн газрын үйл ажиллагаатай холбоотой санал, асуулга, судалгаа авч ажиллаж байна.

dornod.net

“Монголын” Цэвэгмид 100 нас хүрлээ

magnai — Thu, 26 Mar 2015 19:19:49 +0800

Шинжлэх ухааны академийн академич, Онц бөгөөд бүрэн эрхт элчин сайд, Монгол Улсын анхны гавьяат багш, биологийн ухааны анхны эрдэмтэн, нэрт зохиолч, доктор, профессор Дондогийн Цэвэгмидийн мэндэлсний 100 жилийн ой энэ онд тохиож байгаа билээ.

Дорнод аймгийн сумд хэдэн нас хүрч байна

munkhbat — Fri, 11 Apr 2014 09:46:02 +0800

Дорнод аймгийн нийт сумд энэ онд хэдэн нас хүрж байна вэ?

АЙМГИЙН САЙН МАЛЧИД, ФЕРМЕРҮҮД ТОДОРЛОО

shagai — Mon, 10 Feb 2014 09:02:48 +0800

Усан могой жилд ажил, үйлс амжилт бүтээлээрээ шалгарсан болон мал аж ахуй, газар тариалангийн салбарт амжилт үзүүлсэн хүмүүсийг аймгийн сайн малчин, тэргүүний фермерээр тодруулжээ.
Энэ жил аймгийн сайн малчнаар 16 малчин, тэргүүний фермерээр Хэрлэн сумын 3-р багийн иргэн Нэргүйн Бямбадорж, аймгийн тэргүүний тариаланчаар Хэрлэн сумын 3-р багийн Д.Мөнхцэцэг нар шалгарсан бол. аймгийн сайн малчнаар Баяндун сумын Ч.Оюунбат, Ц.Хүрэлбаатар, Баян-Уул сумын Н.Энхбаатар, Гурванзагал сумын Ч.Батчулуун, Дашбалбар сумын Д.Цэрэнжав, Матад сумын Д.Цэрэндорж, Х.Батжаргал, Сэргэлэн сумын П.Аминзүрх, Д.Сумъяабазар, Хөлөнбуйр сумын Ц.Чулуунбаатар, Д.Эрдэнэтогтох, Хэрлэн сумын Д.Энхбаатар, Цагаан-Овоо сумын Ч-Цоптэрэл.Д.Батсүх.Чулуунхороотсумын Д.Энхцогт, Чойбалсан сумын З.Ганбаатар нар шалгарлаа. Тодорхойлолт нь ирсэн хүмүүсийг АЗДТГ-ын зөвлөлийн хурлаар оруулж хэлэлцэн баталдаг.
Энэжилийншилдэгсумаар Дашбалбар сум тодорч Матад, Хөлөнбуйр, Сэргэлэн, Хэрлэн, Цагаан-Овоо сумд удаалжээ. Аймгийн Засаг даргын дэргэдэх хэлтэс агентлагуудаас Нийгмийн даатгалын хэлтэс тэргүүн байр, Татварын хэлтэс, Онцгой байдлын хэлтсүүд хоёрдугаар байр, Хүүхэд, гэр бүлийн хөгжлийн хэлтэс гуравдугаар байрт орлоо. Мөн Аймгийн "Тэргүүний хамт олон"-оор Хэрлэн сумын 5-р сургууль, Хэрлэн сумын 12-р сургууль, Аймгийн төв номын сангийн хамт олон шалгарсан байна.
Аймгийн морин спорт уяачдын холбооны тэргүүлэгчдээс оруулж ирсэн саналыг үндэслэн Чойбалсан сумын ахмад уяач Х.Цэрэндорж, Булган сумын ахмад уяач Ж.Алтангэрэл, Хэрлэн сумын уяач Д.Баатар, Чулуунхороот сумын уяач Г.Бадрах нарын 10 хүнд аймгийн "Алдарт уяач" цол олгохоор болсон бол Хэрлэн сумын сурагч Г.Тэмүүжин, Цагаан-Овоо сумын ЕБС-н сурагч Б.Энхбат нар "Мөнгөн хараацай" цолтон боллоо.

75 хүн хөрнгө орлогоо мэдүүллээ

shagai — Sat, 08 Feb 2014 17:19:13 +0800

Хэрлэн сумын хувьд 75 хүн хөрөнгө орлогоо мэдүүллээ. Сумын ЗДТГазар, багийн ажлын албад төсвийн байгууллагад ажиллаж байгаа хүмүүс үүнд багтаж байгаа юм. Энэ оны нэгдүгээр сарын 15 ны дотор Авлигатай тэмцэх газарт гаргаж өгөх учиртай дээрх мэдүүлгийг хуулийн хугацаанд нь өгчээ.