Нийслэлийн удирдах ажилтнуудын зөвлөгөөнөөр хотын дарга Х.Нямбаатар зарим томилгооны талаар танилцуулжээ. Тодруулбал, нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Т.Даваадалайн оронд Г.Жаргалсайханыг томилсон байна. Нэгдүгээр орлогч нийгмийн салбар, ногоон хөгжил болон агаар, орчны бохирдлын асуудал хариуцан ажиллана. Г.Жаргалсайхан нь 2020-2026 онд БЗД-ийн Засаг даргын орлогч, Засаг даргаар ажилласан туршлагатай аж. 

16 настай охиын давж заалдах шатны шүүх хурлыг тавдугаар сарын 1-ний өдөр товлосон ч прокурор н.Баясгалан шүүх хурал давхацсан гэх үндэслэлээр шүүх хуралд ирээгүй тул шүүх хурлыг өнөөдрийн 09:00 цагт болгон хойшлуулсан. Тэгвэл 16 болон 32 настай иргэдийг онц хэрцгийгээр хөнөөсөн Ц.Дагвадорж нарын дөрвөн хүнд холбогдох хэргийн давж заалдах шатны шүүх хурал өнөөдөр Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд хаалттай болж байна. 

Анхан шатны шүүх хурал өнгөрсөн нэгдүгээр сард болж,  хэргийг үйлдсэн Ц.Дагвадоржид бүх насаар нь хохих ял оноож, хэргийн газар хамт байсан Э.Номин-Эрдэнэ, Э.Ган-Эрдэнэ, мөн уг хэрэгт нэр нь холбогдоод буй насанд хүрээгүй шүүгдэгч Х.Энхсайхан нарын хэргийг хэрэгсэхгүй болгож шийдвэрлэсэн юм. Шүүхийн шийдвэрийг амь хохирогчийн ээж Г.Отгонтуяа болон өмгөөлөгчийн зүгээс  санал нийлэхгүй байгаагаа илэрхийлж, давж заалдаж байгаа юм. 

“Эрдэнэс Монгол” ХХК-ийн Төлөөлөн удирдах зөвлөлийн ээлжит хурал /2026.05.09/ боллоо.

УИХ-ын чуулганы нэгдсэн хуралдаанаар Гадаад зээллэгийн ашиглалт, үр ашгийг нэмэгдүүлэх тухай хуулийн төслийг эцэслэн батлах санал хураалт явуулсан. Хууль, тогтоолын төслийг хуралдаанд оролцсон гишүүдийн олонх бус нийт гишүүдийн олонхи буюу хамгийн багадаа 64 гишүүний саналаар баталдаг. Гэвч энэхүү хуулийн төслийг батлахыг 61 гишүүн дэмжсэн. Ингэснээр хуулийн төсөл батлагдсангүй, хууль санаачлагчид нь буцаасан. 
Уг хуулийн төслийг УИХ-ын гишүүн Н.Алтаншагай нарын 21 гишүүн өргөн мэдүүлсэн юм. 
УИХ-ын гишүүн Н.Алтаншагай “Гадаад зээллэгийн ашиглалт, үр ашгийг нэмэгдүүлэх тухай хууль харамсалтай нь уналаа. Залуу гишүүний хувьд анхны бие даан өргөн барьсан хууль юм. Бид УИХ-д ажлыг урагшлуулах гэж, хууль эрхзүйн орчныг  сайжруулах гэж орж ирсэн. Тухайлбал, Газрын тосны үйлдвэр эхлээд 8 жил болж байхад ашиглалтад ороогүй, дөнгөж 28 хувийн гүйцэтгэлтэй байна. Дэлхий дахинд үүсээд буй нөхцөл байдлаас болоод нефтийн бүтээгдэхүүний үнэ өсөж, маш их хүндрэлтэй нүүр тулаад буй. Одоо хаврын тариалалт эхэлчхээд байна. Нефтийн бүтээгдэхүүн өргөн хэрэглээний бараа бүтээгдэхүүнтэй маш их холбоотой байдаг. Хоёрт, Эрдэнэбүрэнгийн цахилгаан станцын асуудал. Бид яагаад баруун таван аймгийнхаа эрчим хүчийг өөрсдөө хангаж болдоггүй юм бэ. Мөн Сэлбэ дэд төвийн асуудал байна. Гэр хорооллын 10 мянган айлыг орон сууцад шилжүүлээд агаар орчны бохирдол, түгжрэлийг шийдэх энэ том төсөл яагаад унаж байгаа юм бэ. Гэр хорооллыг байшин хороололд шилжүүлж байж л утаа, түгжрэлээс сална. Гэтэл яагаад ингэж байгааг ойлгохгүй байна. Би үүнд улс төр орчихлоо гэж харж байна. Бид чөтгөрийн тойрогт орчихлоо. МАН болон бусад улстөрийн хүчнүүд 2024 оны шат шатны сонгуульд мега төслүүдийг ярьж орсон. Барилгын салбар хурдацтай хөгжиж байгаа энэ үед хууль эрхзүйн орчныг нь нээж өгье. Дахин төлөвлөлтийн хүрээнд төр эхлээд мөс хагалж өгөхгүй бол явахгүй байна. Өмнө нь 2012 онд эхлүүлж байсан дахин төлөвлөлтийн асуудал дэд бүтэц, санхүүжилт босгож төр оролцоогүйгээс болоод чадаагүйгээс болоод зогссон. Цаашид зээлээ ашиглаж чадахгүй ингээд хий хүү төлөөд өрийн таасанд баригдаад байж байна” гэлээ.

Өнөөдөр ихэнх нутгаар дулаахан байх ч уулархаг болон хойд бүсийн зарим газраар дуу цахилгаантай аадар бороо орох төлөвтэй байна.

Харин говийн бүс нутгаар агаарын температур +30…+35 градус хүрч хална. Алтай, Хангай, Хөвсгөл, Хэнтийн уулархаг нутаг, мөн Эг, Үүр, Орхон, Сэлэнгэ, Онон, Хэрлэн, Улз голын хөндийгөөр бороо, аадар бороо орно. Бусад нутгаар хур тунадасгүй.

Салхи нутгийн зарим хэсгээр секундэд 13–15 метр хүрч ширүүсэх бөгөөд Алтайн салбар уулс, говь, тал хээрийн нутгаар шороон шуурга шуурахыг анхаарууллаа.

Улаанбаатарт: Бороо орохгүй, +25…+27 градус дулаан байна. Салхи зарим үед ширүүснэ.

Тэрэлж орчмоор: Дуу цахилгаантай бага зэргийн аадар бороо орж, +22…+24 градус дулаан байх төлөвтэй.

Багануур орчмоор: Бороо орохгүй ч салхи секундэд 13–15 метр хүрч ширүүснэ. Өдөртөө +27…+29 градус дулаан байна.

Мөн ихэнх нутгаар хуурайшилт нэмэгдэж байгаа тул ой, хээрийн түймрийн эрсдэлээс сэрэмжтэй байхыг ЦУОШГ-аас анхааруулжээ.

Монголчууд эрт дээр үед дэлхийд хамгийн том эзэнт улс, хүчирхэг төрийг байгуулж эзэн хаад нь ард түмнээ гэсэн сэтгэлтэй ухаалаг хаад байв, ард түмэн

Үзэгч та бүхэн “Дангина” уран сайхны киног 2026.05.05-аас бүх IPTV-гээс гэр бүлээрээ сонгон үзээрэй

Үндэсний өнгө төрх, соёлын өвийг дэлгэцийн хэлээр амилуулж, үзэгчдийн сэтгэлд хоногшсон уран бүтээлүүдийг туурвисаар ирсэн UBS телевизийн уран бүтээлчдийн ээлжит бүтээл “Дангина” уран сайхны киног та хамгийн ойроос хүлээн авч үзэх боломжтой болж байна. UBS телевизийн бүтээл “Дангина” уран сайхны кино тавдугаар сарын 5-наас эхлэн бүх IPTV платформоор цацагдаж эхлэх учраас үзэгч та бүхнийг тухлан сууж таалан үзэхийг урьж байна.

“Дангина” уран сайхны кино нь багагүй хугацаанд бүтсэн бөгөөд жилийн дөрвөн улирлын өнгө аясыг шингээн, хайр дурлал, өш хонзон зэрэг хүмүүн ертөнцийн мөн чанарыг цогцлоон харуулснаараа онцлог юм. Байгаль, цаг хугацаа, хүний сэтгэлийн уялдаа холбоог уран сайхны нарийн шийдлээр илэрхийлсэн нь энэхүү бүтээлийн давуу тал болж байна. Кинонд буриадын ард түмний ахуй соёл, домгийн улбаа, өвөрмөц сэтгэлгээ, оюун санааны ертөнцийг туульсын арга хэлбэрээр өгүүлж, хайр дурлал, хорсол, уучлал, өгөөмөр сэтгэл, ухаант хандлагыг гүн гүнзгий илэрхийлжээ. Энэ нь үзэгчдэд, үндэсний үнэт зүйлсийг мэдрэх боломжийг ойртуулсан бүтээл болж чадсан юм. Кино театруудын дэлгэцнээ амжилттай гарсан “Дангина” уран сайхны кино Монгол орны өнцөг булан бүрт суугаа үзэгчиддээ  илүү ойртон тавдугаар сарын 5-наас эхлэн бүх IPTV-гийн кино сангаар цацагдаж, үзэгчдэд хүссэн цагтаа, хүссэн газраасаа үзэх боломжийг бүрдүүлж байна.

Н.Цэрэндолгор, Э.Ариунгэрэл гээд хоёр захирлаар хамааралтай “Төрийн үнэт цаас хэвлэл” компани байгуулагдаад яг дөрвөн сарын дараа

Монголчууд бид 3.4 саяул. Жижиг зах зээлтэй, цомхон эдийн засагтай. Гэвч эдийн засгийн идэвхтэй хүн ам маань бүр цөөн, тодруулж хэлбэл, Монгол

ВАШИНГТОН, 2026 оны тавдугаар сарын 7 /DW/. Америкийн бизнес эрхлэгч, буяны үйлстэн, кабелийн мэдээний CNN сувгийг үүсгэн байгуулагч Тед

2022 онд Хятадын China Eastern агаарын тээврийн компанийн Boeing 737 нисэх онгоц осолдоход 132 хүн амиа алдаж байсан юм.

АН-ын Ерөнхий нарийн бичгийн даргын үүрэг гүйцэтгэгч С.Баярцогт өнөөдөр /2026.5.1/ цаг үеийн асуудлаар сэтгүүлчдэд тайлбар өглөө.  

Улаанбаатар Цахилгаан Түгээх Сүлжээ(УБЦТС) ТӨХК 2026 оны тавдугаар сард цахилгаан шугам тоноглолд засвар хийх тоймчилсон байршил, цагийн хуваарийг мэдээллээ.

Мөн засварын ажлыг тухайн тоноглолыг хүчдэлээс бүрэн чөлөөлсний дараа хийдэг ажлын нөхцөлийг ойлгож, хүлээцтэй хандахыг хүсэв. Цаг агаарын байдлаас шалтгаалан хуваарьт өөрчлөлт орох тохиолдолд гэрээнд бүртгэгдсэн утасны дугаарт мэдээллийг хүргэх юм байна.

УЛААНБААТАР ХОТ ОРЧМООР: Шөнөдөө үүлшинэ, өдөртөө үүл багасна. Бороо орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Шөнөдөө -1...-3 градус хүйтэн, өдөртөө +9...+11 градус дулаан байна.

БАГАНУУР ОРЧМООР: Шөнөдөө үүлшинэ, өдөртөө үүл багасна. Бороо орохгүй. Салхи баруун хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө -2...-4 градус хүйтэн, өдөртөө +9...+11 градус дулаан байна.

ТЭРЭЛЖ ОРЧМООР: Шөнөдөө үүлшинэ, бага зэргийн бороо орно. Өдөртөө үүл багасна, бороо орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Шөнөдөө -2...-4 градус хүйтэн, өдөртөө +7...+9 градус дулаан байна.

 2026 оны 05-р сарын 07-ноос 2026 оны 05-р сарын 11-нийг хүртэлх цаг агаарын урьдчилсан төлөв:

 08-нд төвийн аймгуудын нутгийн зарим газраар, 09-нд Монгол-Алтай, Хөвсгөл, Хэнтийн уулархаг нутгаар, 10-нд Монгол-Алтайн уулархаг нутгаар бороо, нойтон цас орно. Салхи 10-нд Алтайн салбар уулсаар секундэд 12-14 метр хүрч ширүүснэ. 7-нд нутгийн баруун хэсгээр, цаашдаа ихэнх нутгаар дулаарч Шөнөдөө Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр голын хөндийгөөр -1...+4 градус хүйтэн, Их нууруудын хотгор, говийн бүс нутгийн өмнөд хэсгээр +13...+18 градус, бусад нутгаар +6...+11 градус дулаан, өдөртөө Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Туул, Тэрэлж, Хэрлэн голын хөндийгөөр +12...+17 градус, Их нууруудын хотгор, говийн бүс нутгийн баруун өмнөд хэсгээр +25...+30 градус, бусад нутгаар +19...+24 градус дулаан байна.

5-р сарын 5-нд 2026 оны Снукерийн дэлхийн аварга шалгаруулах тэмцээний сүүлийн тоглолт өндөрлөж, Хятадын залуу тамирчин Ву Изе 18-17

Нэгдүгээр хорооллын арын авто замыг өргөтгөх ажил 2025 онд эхэлсэн байдаг. Өнөөдрийн байдлаар тус авто замын зарим хэсэгт өндөр хашлага суурилуулахдаа муруй буюу тахиралдсан байдалтай байгааг иргэд шүүмжилж буй.

Энэ талаар Нийслэлийн Замын Хөгжлийн Газраас "Энэхүү авто зам нь Дэлхийн Банкны санхүүжилтээр хэрэгжиж буй авто замын төсөл бөгөөд зураг төслийг “Финниш оверсийс консалтинг” ХХК нь ерөнхий гүйцэтгэгчээр 2024 онд боловсруулж, холбогдох байгууллагуудтай зөвшилцөн, магадлалаар батлуулсан болно.

Зураг төсөлд уг байршлын явган хүний гарцын хэсэгт явган зорчигчийн аюулгүй байдлыг нэмэгдүүлэх, зорчих хэсгийг нэг дор бус үе шаттай гаргах, тээврийн хэрэгслийн хурдыг зохистой түвшинд сааруулах, жолоочийн харааны болон хөдөлгөөний чиглэлийн ойлгомжтой байдлыг сайжруулах зорилгоор дунд тусгаарлах арал бүхий зохион байгуулалтын шийдэл тусгагдсан.

Иргэдийн зүгээс “мурийсан” гэж ойлгож буй замын ирмэгийн хэлбэр нь хөдөлгөөнийг чиглүүлэх, хурд сааруулах геометр төлөвлөлтийн элемент юм. Энэхүү шийдэл нь тээврийн хэрэгслийн урсгалыг гарцын орчимд хэт шулуун, өндөр хурдтай нэвтрэхээс сэргийлж, жолоочийг гарцын бүсэд анхааралтай, хурдаа бууруулж зорчих нөхцөлийг бүрдүүлдэг.

Мөн дунд тусгаарлах арал нь явган зорчигчид замыг хоёр үе шаттайгаар гарах боломж олгож, зорчих хэсэг дээр байх хугацааг багасгах, эсрэг чиглэлийн урсгалыг тус тусад нь хянах, хүүхэд, өндөр настан, хөгжлийн бэрхшээлтэй иргэдийн аюулгүй байдлыг нэмэгдүүлэх чухал үүрэгтэй шийдэл юм.

Одоогоор уг хэсгийн аюулгүйн арал, тэмдэг тэмдэглэгээ бүрэн хийгдээгүй, барилгын ажлын дараагийн үе шатанд хийгдэнэ. Ажил бүрэн дууссаны дараа тухайн хэсгийн зохион байгуулалт илүү ойлгомжтой болно.

Нийслэлийн Замын Хөгжлийн Газар нь захиалагчийн хяналтын чиг үүргийн хүрээнд барилгын ажлыг батлагдсан зураг төсөл, техникийн шаардлагын дагуу хэрэгжиж байгаа эсэхэд хяналт тавьж байна" хэмээн тайлбарлав.

 

Монгол Улсын Засгийн газрын 2000 оны тавдугаар сарын 1-ний өдрийн хуралдааны тэмдэглэлийн дагуу жил бүрийн тавдугаар сарын хоёр дахь долоо хоногийг “ТАТВАР ТӨЛӨГЧДИЙН ӨДРҮҮД” болгон зохион байгуулж байхаар шийдвэрлэсний дагуу Монголын татварын алба 27 дахь жилдээ “ХЭРЭГЦЭЭНД ҮНДЭСЛЭСЭН ЗӨВЛӨГЧ ТАТВАРЫН АЛБА” уриан дор энэ сарын 4-нөөс 8-ныг дуустал орон даяар зохион байгуулагдаж байна.

Энэ хүрээнд Монгол Улсын Үндсэн хуулиар хүлээсэн үүргээ нэр төртэй биелүүлж шударгаар татвараа төлсөн шилдэг татвар төлөгчдөд шагнал гардуулах ёслол хүндэтгэлийн арга хэмжээ өнөөдөр боллоо.

Мөн Засгийн газраас өргөн барьсан Татварын хуулийн нэмэлт, өөрчлөлтийн төслийн талаар танилцууллаа.  

Аж ахуйн нэгжийн орлогын албан татварын тухай хуулийн хүрээнд: Татварын шатлалыг зөөлрүүлж 25 хувийн татвар ногдуулах босгыг 6 тэрбум төгрөгөөс 10 тэрбум төгрөг болгон нэмэгдүүлж, 6-10 тэрбум төгрөгийн орлогод 15 хувийн татвар ногдуулах зохицуулалтыг нэвтрүүлнэ. Мөн 90 хувийн татварын хөнгөлөлт эдлэх борлуулалтын орлогын босгыг 2.5 тэрбум төгрөг болгон өсгөж, илүү олон бизнесийг дэмжинэ.

Нэмэгдсэн өртгийн албан татварын тухай хуулийн хүрээнд:  НӨАТ суутган төлөгчийн босгыг 400 сая төгрөг болгож, импортын бараанд ногдуулсан НӨАТ төлөх хугацааг хоёр сар хүртэлх хугацаагаар хойшлуулах боломжийг бүрдүүлнэ.

Хувь хүний орлогын албан татварын тухай хуулийн хүрээнд: Сарын 792 мянган төгрөг хүртэлх орлогод ногдох татварыг 100 хувь буцаан олгож, бодит орлогыг хамгаална. Мөн 1 тэрбум төгрөг хүртэлх үйл ажиллагааны орлогод 1 хувийн татвар ногдуулах хялбаршуулсан горимыг хэрэгжүүлнэ. Түүнчлэн иргэд өмчилсөн орон сууцаа борлуулсан тохиолдолд үл хөдлөх хөрөнгө борлуулсны албан татвараас чөлөөлж, амьдрах орчноо сайжруулах боломжийг татварын бодлогоор дэмжинэ.

Татварын ерөнхий хуулийн хүрээнд: Зөвхөн татварын ачааллыг бууруулаад зогсохгүй, татварын орчныг илүү шударга, уян хатан болгож тайлан засварлах хугацааг 24 сар болгон сунгаж, бизнес, иргэдэд алдаагаа засах боломж олгохоор төсөлд тусгажээ.  

Монголын татварын алба 2026 онд “ХЭРЭГЦЭЭНД ҮНДЭСЛЭСЭН ЗӨВЛӨГЧ ТАТВАРЫН АЛБА” байх зорилт тавьж энэхүү зорилтынхоо хүрээнд татвар төлөгчдийг эрсдэлээс нь урьдчилан сэргийлж зөвлөн туслагч байх бүтэц зохион байгуулалтын, цахим системийн шинэчлэлүүдийг эхлүүлээд ажиллаж байна.

Монгол Улсын төсвийн орлогыг бүрдүүлэхэд үнэтэй хувь нэмэр оруулсан “ТАТВАР ТӨЛӨЛТӨӨРӨӨ ТЭРГҮҮЛЭГЧ-10”, том, дунд, жижиг, бичил сегмент тус бүрээс 10, нийт 50 аж ахуйн нэгж, байгууллагад шагнал гардууллаа.

Монгол Улсын төсвийн орлогыг бүрдүүлэхэд үнэтэй хувь нэмэр оруулсан “ТАТВАР ТӨЛӨЛТӨӨРӨӨ ТЭРГҮҮЛЭГЧ-10”, том, дунд, жижиг, бичил сегмент тус бүрээс 10, нийт 50 аж ахуйн нэгж, байгууллагад шагнал гардууллаа. Үүнд:

НЭГ.ТАТВАР ТӨЛӨЛТӨӨРӨӨ ТЭРГҮҮЛЭГЧ-10:

1. “Эрдэнэт үйлдвэр” ТӨҮГ;
2.  “Эрдэнэс Таван толгой” ХК;
3. “Оюутолгой” ХХК;
4. “Монголын алт МАК” ХХК;
5. “ХААН банк” ХК;
6.  “Энержиресурс” ХХК;
7. “Саусгоби сэндс” ХХК;
8. “АПУ” ХК;
9.  “Голомтбанк” ХК;
10.  “Худалдаа хөгжлийн банк” ХК.

ХОЁР.ТОМ СЕГМЕНТИЙН  ШИЛДЭГ ТАТВАР ТӨЛӨГЧИД:

1. “Хангад-Эксплорэйшн” ХХК;
2. “Хүрэн толгой коал майнинг” ХХК;
3. “Тавантолгой” ХК;
4. “Хасбанк” ХК;
5. “Мобиком корпораци” ХХК;
6. “Эрдэнэс алт ресурс” ХХК;
7. “Барло ворлд монголиа” ХХК;
8. “М Си Эс кока кола” ХХК;
9. “Трансвест монголиа” ХХК;
10. “Юнител” ХХК.

ГУРАВ.ДУНД СЕГМЕНТИЙН  ШИЛДЭГ ТАТВАР ТӨЛӨГЧИД:

1. “Смартложик” ХХК;
2. “Гофро” ХХК;
3. “Хонгор баян транс” ХХК;
4. “Цэцзам пласт” ХХК;
5. “Премиум палас” ХХК;
6. “Жавхлант жолоо” ХХК;
7. “Энхийн шүүдэр” ХХК;
8. “И Эс Би Би Өү” ХХК;
9. “Говийн илч тээвэр” ХХК;
10. “Ихшүүдэргэнэ импорт” ХХК.

ДӨРӨВ.ЖИЖИГ СЕГМЕНТИЙН  ШИЛДЭГ ТАТВАР ТӨЛӨГЧИД:

1. “Талын алтан жолоо” ХХК;
2. “Мот капитал” ХХК;
3. “Тотал экспресс лайн” ХХК;
4. “АБИКО фүүдс” ХХК;
5. “Эм Эн иновейшн глобал смарт технологи” ХХК;
6. “Өнөр механикал трейд” ХХК;
7. “Хайрхан авто сервис” ХХК;
8. “Солар повер монголиа” ХХК;
9. “САММИТ” ХХК;
10. “Гранд як” ХХК.

ТАВ.БИЧИЛ СЕГМЕНТИЙН  ШИЛДЭГ ТАТВАР ТӨЛӨГЧИД:

1. “Сэндвик монголиа инженеринг солюшнс” ХХК;
2. “Номин хайпермаркет баруун бүс” ХХК;
3. “Фор сийзн гарден” ХХК;
4. “Москвакомплекс” ХХК;
5. “СЭТ грийн фьючерс” ХХК;
6. “Таван богд тек” ХХК;
7. “Асира” ХХК;
8. “Коаллайн майнд” ХХК;
9. “Ганбармат” ХХК;
10. “Од мөнх амжилтын эхлэл” ХХК.

ТОКИО, 2026 оны тавдугаар сарын 4 /Kyodo/. Японы Ерөнхий сайд Такаичи Санаэ тус улсын Үндсэн хуулийг шинэчлэхээр төлөвлөж байгаагаа ням

Цахим орчинд цагдаагийн алба хаагчийн шаардлага эсэргүүцэж, биед нь халдаж байгаа бичлэг нийтлэгдсэн.
Уг үйл явдлыг тодруулахад иргэн Б нь 2022 оны дөрөвдүгээр сарын 26-ны өдөр Хан-Уул дүүргийн нутаг дэвсгэрт үүрэг гүйцэтгэж байсан замын цагдаагийн алба хаагчийн хууль ёсны шаардлагыг биелүүлээгүй эсэргүүцсэн тул бүртгэлд авч шалган, тээврийн хэрэгсэл жолоодох эрхийг хасаж,  “Төрийн алба хаагчийн хууль ёсны шаардлагыг эсэргүүцсэн үйлдэлд Зөрчлийн тухай хуульд заасны дагуу торгох шийтгэл оногдуулсан байна.