Articles for 16.01.2015 » www.Choibalsan.mn

Өдөртөө зарим газраар цас орж, цасан шуурга шуурна

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Өдөртөө зарим газраар цас орж, цасан шуурга шуурна

Author: munkhbat on 2015/01/16, 16:39 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Малчид, тээвэрчид, ард иргэдийн анхааралд: Өнөө маргаашдаа ихэнх нутгаар цас орж, цасан шуурга шуурахыг анхааруулж байна.

2015 оны нэгдүгээр сарын 16-ны 16 цагаас 22 цаг хүртэл Улаанбаатарт: Цэлмэг. Зөөлөн салхитай. 17 цагт 11 хэм, 20 цагт 14 хэм хүйтэн байна.

15 цагт Улаанбаатарт: 11 хэм хүйтэн, харьцангуй чийгшил 56 хувь, агаарын даралт 875 гектопаскаль байлаа. Даралт оройдоо тогтвортой байна.

2015 оны нэгдүгээр сарын 16-ны 20 цагаас 2015 оны нэгдүгээр сарын 17-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Солигдмол үүлтэй. Шөнөдөө ихэнх нутгаар, өдөртөө нутгийн зүүн хэсгээр цас орж, цасан шуурга шуурна. Салхи баруун хойноос секундэд 6-11 метр. Увс, Завханы хойд хэсгээр шөнөдөө 29-34 хэм, өдөртөө 20-25 хэм, Говь-Алтай, Баянхонгорын өмнөд хэсгээр шөнөдөө 13-18 хэм, өдөртөө 1-6 хэм, бусад нутгаар шөнөдөө 18-23 хэм, өдөртөө 6-11 хэм хүйтэн байна.

ТӨВИЙН АЙМГУУДЫН НУТГААР: Үүлэрхэг. Ихэнх нутгаар цас орж, цасан шуурга шуурна. Салхи баруун өмнөөс хойш эргэж секундэд 7-12 метр. Дархадын хотгороор шөнөдөө 29-34 хэм, өдөртөө 23-28 хэм, Сэлэнгэ, Хараа, Ерөө, Туул, Тэрэлж, Эгь-Үүрийн голын сав газраар шөнөдөө 22-27 хэм, өдөртөө 14-19 хэм, бусад нутгаар шөнөдөө 15-20 хэм, өдөртөө 7-12 хэм хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө зарим газраар цас орж, цасан шуурга шуурна. Салхи баруун өмнөөс секундэд 6-11 метр. Халх голын сав газраар шөнөдөө 28-33 хэм, өдөртөө 12-17 хэм, бусад нутгаар шөнөдөө 22-27 хэм, өдөртөө 6-11 хэм хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Хүйтэрч шөнөдөө 25-27 хэм, өдөртөө 10-12 хэм хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө зарим газраар бага зэргийн цас орж, явган шуурга шуурна. Салхи баруунаас секундэд 5-10 метр, зарим газраар секундэд 12-14 метр хүрч ширүүснэ. Шөнөдөө Өмнөговийн нутгаар 11-16 хэм, бусад нутгаар 16-21 хэм, өдөртөө Дундговийн нутгаар 4-9 хэм, бусад нутгаар 1-6 хэм хүйтэн байна.

УЛААНБААТАР ХОТ: Үүлшинэ. Шөнөдөө цас орохгүй. Өдөртөө цас орж, цасан шуурга шуурна. Салхи зүүн өмнөөс баруун хойш эргэж секундэд 7-12 метр. Шөнөдөө хотын төв орчмоор 17-19 хэм, бусад хэсгээр 25-27 хэм, өдөртөө 10-12 хэм хүйтэн байна.

2015 оны нэгдүгээр сарын 18-наас нэгдүгээр сарын 22-ныг хүртэлх
цаг агаарын урьдчилсан төлөв

Нэгдүгээр сарын 18-нд баруун зүгийн нутгийн хойд хэсэг, зүүн зүгийн нутгаар, 19-нд төв болон зүүн зүгийн нутгийн хойд хэсгээр цас орж, цасан шуурга шуурна. Салхи 18-нд Алтайн салбар уулс болон говийн бүсийн нутгаар, 19-нд зарим газраар секундэд 12-14 метр хүрч ширүүснэ. Увс нуур болон Дархадын хотгор, Идэр, Тэс голын сав газраар шөнөдөө 28-33 хэм, өдөртөө 19-24 хэм, Хүрэн бэлчир, Сэлэнгэ, Хараа, Ерөө, Туул, Тэрэлж, Хэрлэн, Халх голын сав газраар шөнөдөө 23-28 хэм, өдөртөө 12-17 хэм, говийн бүс нутгийн өмнөд хэсэг, цас багатай нутгуудаар шөнөдөө 13-18 хэм, өдөртөө 1-6 хэм, бусад нутгаар шөнөдөө 18-23 хэм, өдөртөө 6-11 хэм хүйтэн байна. Хугацааны эцсээр өдөртөө хүйтний эрч суларна.

Нийтлэсэн: Цаг Уур Орчны Шинжилгээний Газар

More 449 0

Category: Мэдээ мэдээлэл, Дорнод мэдээ

Дорнод гурил нийслэлд борлуулагдаж байна

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Дорнод гурил нийслэлд борлуулагдаж байна

Author: munkhbat on 2015/01/16, 14:46 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Та бидний эртнээс нааш хэрэглэж дассан "Дорнод гурил” нийслэлд борлуулагдаж эхэллээ. Улаанбаатар хотод амьдарч буй Дорнодчууд та бүхэн Швейцарь технологиор үйлдвэрлэсэн дээд болон 1-р зэргийн гурилаа Барс, Хүчит Шонхор захууд болон Фрэско сүлжээ дэлгүүрээс худалдан авах боломжтой. Дэлгэрэнгүй мэдээллийг 9401-6001 утсаар лавлаарай.

More 524 0

Category: Онцлох мэдээ, Улаанбаатар хот редакци

Бельгид хядлага үйлдэхийг завдсан лалын хэт даврагчдыг устгажээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Бельгид хядлага үйлдэхийг завдсан лалын хэт даврагчдыг устгажээ

Author: munkhbat on 2015/01/16, 14:41 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Бельгийн тусгай албад өчигдөр тус улсын Вервье хотын төмөр замын буудалд бүгсэн лалын алан хядагчдыг довтлон хоёрыг нь устгаж, нэгийг нь баривчилсан бөгөөд зэр зэвсэг, тэсрэх бодис, Ирак болон Сирид үйл ажиллагаа явуулдаг "Лалын улс” байгууллагын далбааг хураан авсан тухай "Nieuwsblad” сонин уламжиллаа.

Лалын хэт даврагчдын бүлэглэл Вервьегээс гадна Бельгийн хэд хэдэн хотод зэрэг алан хядах ажиллагаа явуулахаар төлөвлөж байжээ. Тэднийг Парист болсон хядлагатай холбоотой эсэхийг шалгаж эхэлжээ. Тус улсад тусгай албад болон цагдаа нар лалын хэт даврагчдыг илрүүлэх 10 гаруй ажиллагаа явуулж эхэлсэн аж.

Б.Барс /ЗУУНЫ МЭДЭЭ/

More 477 24

Category: Мэдээ мэдээлэл, Гадаад мэдээ

Эр эмийн ялгаа буюу хямрал Хошин пост

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Эр эмийн ялгаа буюу хямрал Хошин пост

Author: tonshuul on 2015/01/16, 14:35 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Би гуравхан гаагаатай, эхнэр гучин гурван гаагаатай. Эхнэр хоёр шуудай гуталтай би хоёр ширхэг гуталтай /зүүн баруун хөлний/ Эхнэр ухаалаг утастай, би ухаан муутай утастай.
Эхнэр баахан энгэсэг, тос, будаж шунхдах юмтай бол надад шүдний сойз, сахлын машинаас өөр юм байхгүй.
Эхнэр шкаф дүүрэн хувцастай би ганц тор хувцастай. Эхнэрт өмсөх юм олдохгүй, надад өмсцөн байхад угаах хувцас олдохгүй.
Эрчүүд бид үнэн хэрэглээгүй юм. Хоёр төмсөг хүртэл бидний цээжинд байгаагүй тээр дор байрлаж байгаа нь "ганц гаагаандаа бүгдийг" гэсэн хэмнэлт юм.
Эрчүүд бид шоудлаа, өрөөндөө ганц юм тойрууллаа, муудлаа, харьлаа, эрүүний шөлөө уугаад унтлаа арван мянга. Маргааш нь гэмээ цайруулах гэж баахан хямрана. Эрчүүд бид хоолонд орлоо, сэгсийсэн цуйван идлээ, таван мянга.
Гэтэл та нар яаж байна. Бааранд орлоо, караокээдлаа, баахан вино дарс, коктэйл уулаа тавин мянга.Хоолонд орлоо есөн шидийн салаат, зууш, кофе ундаа, стэйк, зооглолоо тавин мянга.
Эрчүүд бид үсчинд орлоо араас нь жаахан шулууллаа таван мянга. Хүүхнүүд үсчинд орлоо иж бүрэн үйлчилгээ авлаа тавин мянга.
Эрчүүд бид эмнэлэгт очлоо элэг, түрүү булчирхай хоёртойгоо байхад энэ хорвоо юу юм бэ этр.
Хүүхнүүд эмнэлэгт очлоо яасан ч олон эрхтэнтэй юм, бөөр давсаг, сав суулга, өндгөвч гээд л шинжилгээний үнэ дээшээ нисэж өгнө.
Шөнийн ажилдаа бид чинь таван мянгын короосонд гүйсэн юм шиг л амьсгаадаад хэвтэж байхад эхнэр зүгээр тааваараа этр...
За болий болий, яривал их л юм байна. Тэглээ гээд бид чинь та нартаа хайртай шүү.

More 1559 0

Category: Мэдээ мэдээлэл, Сонин хачин

Г.Отгонцэцэг: Надад том боломж олдож байна гэж харж байгаа

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Г.Отгонцэцэг: Надад том боломж олдож байна гэж харж байгаа

Author: munkhbat on 2015/01/16, 14:00 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Монголын жүдо бөхийн шилдэг тамирчдын нэг Галбадрахын Отгонцэцэг Казахстан улсын нэрийн өмнөөс 2016 оны олимпийн наадамд өрсөлдөх болсон талаар өнгөрсөн долоо хоногт хэвлэл мэдээллүүд нэлээд шуугисан. Монгол, Казахстаны жүдо бөхийн холбооны хамтын ажиллагааны гэрээний хүрээнд тэрээр харь орны нэрийн өмнөөс тив, дэлхийн аварга, цаашлаад олимпод өрсөлдөхөөр болсон нь энэ. Түүний хувьд өчигдөр Казахстан улсыг зорьсон юм. Олон улсын хэмжээний мастер Г.Отгонцэцэгийг Казахстаныг зорихоос нь өмнө цөөн хором ярилцсанаа хүргэе.

-2016 оны олимпийн наадам дуустал Казахстан улсын нэрийн өмнөөс барилдах боллоо. Сэтгэгдэл ямар байна вэ?
-Баяртай байна. Миний хувьд олимпийн наадамд оролцох зорилгоо биелүүлэхэд нэг алхам урагшиллаа. Мэдээж хоёр жилийн хугацаанд бэлтгэл сургуулилтаа маш сайн хийж байгаад медаль авахын төлөө зүтгэх болно. Уг нь Монгол Улсынхаа нэрийн өмнөөс барилдсан бол гэж бодох л юм. Гэхдээ олдож байгаа боломжийг алдахыг хүсээгүй учраас зөвшөөрсөн. Би бүх хүчээ дайчилна.

-Хоёр жилийн хугацаанд өөр багтай бэлтгэл хийж, гэрээсээ хол байх нь дээ?
-Тийм ээ, гэхдээ энэ байдаг л зүйл. Тамирчин хүн бүр ийм зүйлтэй учирдаг болов уу. Угаасаа тамирчин бид чинь нэг жилийн бараг талаас илүүд нь гэртээ байдаггүй юм шүү дээ. Тэгэхээр гайгүй биз.

-Казахстаны талаас тавьсан саналыг анх сонсоод юу гэж бодов?
-Бага зэрэг цочирдсон. Тэгээд дараа нь "яагаад болохгүй гэж" гэж бодсон. Тэртэй, тэргүй олимпийн наадамд нэг улсаас нэг л тамирчин оролцоно. 48 кг-ын жинг гавьяат тамирчин М.Уранцэцэг тэргүүлж байгаа. Түүний хувьд олимп хүртэл байр сууриа хадгалах боломжтой. Тэгэхээр 2016 оны олимпод надаас илүү М.Уранцэцэг гавьяат оролцох магадлал өндөр. Энэ бүхнийг сайтар бодсоны эцэст би Казахстаны талаас тавьсан саналыг зөвшөөрсөн. Монголын жүдо бөхийн холбооны удирдлагууд болон дасгалжуулагчид, хамт бэлтгэл хийдэг тамирчид, найзууд маань надтай санал нэг байж, намайг дэмжсэнд баярлаж байна.

-Казахстаны тал танд ямар нэгэн амлалт өгсөн үү?
-Үүнийг одоо яриад хэрэггүй байх. Цаг нь болохоор мэдэгдэнэ шүү дээ.

-Ер нь Казахстаны Засгийн газраас олимпоос медаль авсан тамирчдаа боломжийн хэмжээнд урамшуулдаг шүү дээ?
-Тийм ээ, тэр талаар би сонсч байсан.

-2015 он хэдийнэ гарсан байна. Энэ оны зорилгоо тодорхойбол?
-Мэдээж олимпийн оноо цуглуулах тэмцээнүүдэд оролцоно. Миний хувьд одоогоор жиндээ есдүгээрт эрэмбэтэй байгаа. Ямар ч байсан эхний 10-т багтсан байраа баталгаажуулах зорилготой. Хамгийн гол нь Казахстаны Алма-Ата хотод болох ДАШТ-д анхаарлаа хандуулна. Би дэвжээний эзэн бөх гэж нэрлэгдэх учраас өндөр амжилт үзүүлэх үүрэг даалгавар оногдоно. Тиймээс бэлтгэл сургуулилтаа шаргуу хийх болно. Энэ жил дэлхийн аваргаас медаль хүртэхийг хүсч байна.

-Хамт олонтойгоо дасах гэж багагүй хугацаа шаардах байх даа?
-Тэгэх шаардлагагүй гэж бодож байна. Тийм зав ч байхгүй.

-Хамт олон таиь юу гэж захиж байна вэ?
-Биеэ сайн бодоод, өөрийгөө хэн бэ гэдгийг харуулаарай гэсэн. Бас зорьсон зорилгоо биелүүлэх том боломж шүү гэж Д.Энхбаатар багш маань хэлсэн. Хамт олныхоо захиасыг биелүүлэхийн төлөө хичээнэ дээ.

-Казахстан явах учраас УАШТ-д оролцоогүй хэрэг үү?
-Тэгж ойлгож болно.

-Сүүлчийн асуулт. Таны нэрийг Казахстаны ард түмэн өөрчлөх хэрэгтэй гэсэн байсан. Энэ тал дээр юу хэлэх вэ?

-Хэлж мэдэхгүй юм. Очсон хойно л болох байх даа. Гэхдээ хэн эцэг, эхээс хайрласан нэрээ солихыг хусэх билээ.

-Ярилцсанд баярлалаа.
-Баярлалаа. Намайг дэмжиж, үргэлж тусалж байсан хүмүүстээ баярласнаа илэрхийлэхийг хүсч байна. Та нарынхаа итгэлийг алдахгүй ээ.

Б.МӨНХЗУЛ /ҮНДЭСНИЙ ШУУДАН

More 1632 11

Category: Мэдээ мэдээлэл, Хүмүүс, Спорт, Ярилцлага

Спортын хувьсал

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Спортын хувьсал

Author: munkhbat on 2015/01/16, 13:44 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Үндэсний бөх, хурдан морь, сур харвааг эс тооцвол манай улсад их спорт хөгжөөд хэдийнэ хагас зуун жил өнгөрчээ. Манай тамирчид анх 1964 онд олимпод оролцож Монгол Улсад их спорт хөгжиж эхэлснийг албан ёсоор тунхагласан байдаг. Түүнээс өмнө тоотой хэдхэн төрлөөр дэлхийн аварга шалгаруулах тэмцээнд оролцож байсан түүхтэй. Бид олимпийн анхны медальтнаа 1968 онд өлгийдөн авсан. Харин дэлхийн аварга хэмээх цолыг хамгийн анх 1971 онд байт харваагаар Монголын тамирчин Д.Дэмбэрэл хүртсэн байдаг билээ. Үүнээс хойш чөлөөт бөх, жүдо, буудлага, бокс гэх мэт спортоор олимп, дэлхийн аварга болон медальтнууд ар араасаа төрөн гарсан түүхтэй.

Монголын спортын нэр хүнд дэлхийн тавцанд маш богино хугацаанд өсч, дэлхий дахинаа тал нутгаас төрсөн суутнуудыг шагшин магтах болсон юм. Тэгвэл тэдний үргэлжлэл өнөөдөр ч гэсэн таван тивд шуугиулсаар явна. Ялангуяа бидний топ хэмээн нэрлэдэг дөрвөн төрлөөс хамгийн өндөр амжилттай яваа нь чөлөөт, жүдо бөх. Зөвхөн тамирчин гэлтгүй дасгалжуулагч нарыг ч дэлхийд хүлээн зөвшөөрсөн нь тохиолдлынх биш аж. Алдарт дасгалжуулагч Солийн Магсараас эхлээд чөлөөт бөхийн нэрт зүтгэлтэн О.Цэрэндагва, жүдо бөхийн зүтгэлтэн Ч.Машбат тэргүүтний хойч үе өнөөдөр бөмбөрцгийн бөхийг хөгжүүлэх гэж зүтгэж байна. Энэ нь ч эхнээсээ биеллээ олсоор. Монголын тамирчид томоохон улс орнуудын хараанд өртөж, биднийг тоож эхлэв. Энэ бол их спортод хувьёал гарч буйн нэгэн жишээ юм. Гавьяат тамирчин Д.Мөнхбаяр Германы нэрийн өмнөөс олимп, дэлхийн аваргад амжилт үзүүлсээр явна. Мөн "Арслан"-гаар овоглодог дасгалжуулагч Б.Баттулга Тайваньд чөлөөт бөхийн спортыг хөгжүүлэхэд багагүй хувь нэмэр оруулсан. Энэ мэтчилэн шилдгүүдийн араас Монголын тамирчид гадаадын легионер болох замнал эхэлсэн гэвэл ташаарсан болохгүй биз. Хэдхэн хоногийн өмнө жүдо бөхийн шилдгүүдийн нэг Б.Хишигбаяр Сингапурыг зорьжээ.

Түүнийг дэлхий дахинд мэднэ. Хэдийгээр шилдэг ч гэлээ дотоодын өрсөлдөөнд дээшээ гарч ирж чадалгүй өнөөдрийг хүргэсэн. Жүдо бөхөөр 10 гаруй жил хичээллэхдээ олимп, дэлхийн аваргад нэг ч удаа оролцож үзээгүй тэрээр арга буюу Сингапурыг зорих болов. Тус улс нь Азийн таван бар гэгдэх боловч жүДо, чөлөөт бөх гэх мэт спортоор хөгжлөөр доогуур байр суурьтай. Тиймээс гаднын шилдгүүдийг өөрийн улсын нэрийн өмнөөс барилдуулах бодлого барьж эхэлжээ. Тодруулбал, Б.Хишигбаяр Сингапурын нэрийн өмнөөс тив, дэлхийн аваргад оролцох нь. Тэгвэл олон улсын хэмжээний мастер Г.Отгонцэцэг ч мөн Казахстаны нэрийн өмнөөс олимп, дэлхийн аваргад өрсөлдөхөөр болов.

Казахстанд жүдо бөхийн спорт ид хүчээ авч байгаа ч эмэгтэй бөхийн хөгжил тааруу. Тэгэхээр Г.Отгонцэцэг тус улсын эмэгтэй жүдо бөхийн хөгжилд том хувь нэмэр оруулах нь. 2015 оны жүдогийн ДАШТ-ийг нутагтаа зохион байгуулах эрхтэй болсон казахууд том тэмцээний өмнө шийдэмгий алхам хийж сул жингуүддээ легионер тамирчдаар хүчээ зузаатгах бодлого барьж байгаа нь энэ аж. Ер нь мөнгөтэй атлаа спортын хөгжил тааруу орнууд гаднын шилдэг тамирчдыг үнэ цохиж худалдаж авдаг бичигдээгүй хуультай. Уг хуулийн дагуу манай улсад спортын хувьсал ирж байна. Цаашид ч гэсэн тамирчдадаа ийм боломж олгохыг спорт сонирхогчид болон мэргэжилтнүүд дэмжих биз. Дэлхий Монголын тамирчдыг тоож эхэллээ. Харин бид энэ боломжийг алдах хэрэггүй.

Б.ЗУЛ /ҮНДЭСНИЙ ШУУДАН/

More 517 0

Category: Мэдээ мэдээлэл, Спорт

Алтны тухай үлгэр

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Алтны тухай үлгэр

Author: munkhbat on 2015/01/16, 13:37 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Юмыг хамгийн сайн сурах арга бол
Юм хийх арга. Юм хийхгүй бол
Юу ч сурахгүй.

НЭГ:

Зарим хүмүүс мөнгөнд дургүй гэдэг, Мөнгө муухай гэдэг. Мөнгөтэй бол муу хүн гэцгээдэг. Шуналтай энэ тэр гэдэг. Үнэндээ бол тэд мөнгөнд дургүй биш. Мөнгө тэдэнд дургүй байдаг юм. Мөнгө тун их ухаантай. Мөнгөнд чи итгэ. Тэгвэл мөнгө чамд итгэнэ. Даруу бай. Хөдөлмөрч бай. Зорьсон зорилготой бол. Бас шийдэмгий зоригтой бай. Үнэ цэнэ, бүтээлч зан чанараа мөнгөнд таниул. Тэгвэл мөнгө чамд итгэнэ. Мөнгө чамтай нөхөрлөнө. Тийм хүн мөнгөтэй байдаг юм.

Аав нь ингэж бодож байна.

Чи юу гэж бодож байна?
Тэгэхээр аав нь чамд "Алтны уурхайн үлгэр" хэлж өгье.
Эрт урьдын цагт, 1990-ээд оны эхээр эхнэр, нөхөр хоёр аж төрөн амьдарч байлаа. Тэр хоёр хүнээс юм гуйхгүй, под хийсэн амьдралтай байсан аж. Түм бужигнаж, төр ядарсан тэр он жилүүдэд манай хоёр бусдын жишгийг дагаж, үүргэвчийн наймаа энэ тэрийг хийжээ. Шатахдаа шатаж, олохдоо олсоор овоо хэдэн төгрөгтэй болоод авлаа. Нөхөр нь Сэлэнгийнх аж. Тэр хоёр нутаг орноо бараадаж, ногоо тарьжээ. Хөл дээрээ босож чадсан гэдэг. Цаашлаад үр тарианы газар авлаа. Төдий удалгүй арвин их ургац хураажээ. Сүрхий их хөлжсөн гэдэг.

Тэр хоёр ганц хүүтэй. Өдөр шөнө, нар салхи, цас бороонд зүтгэсэн гэдэг. Ганц хүүгийнхээ төлөө шүү дээ. Гэтэл гай дайрчээ. Золгүй явдал болжээ. Автын осолд орж хүүгийн аав ээж хоёр газар дээрээ нас баржээ. Хорин таван настай хүү хоёр жил ажиллалаа. Хөдөлмөрч сайн хүү байлаа. Их ургац хураажээ. Хүү овоо их газартай бас мөнгөтэй болсон аж.

Хүү нэг өдөр мэргэн хүнтэй уулзжээ.
Мэргэн хүн хүүд:
-Очир эрдэнэ гэж юу байдгийг чи мэдэх үү? Хаан эзнээс хүчтэй. Бүхнээс үнэтэй тийм эрдэнэ байдаг юм. Түунийг чи олж авах хэрэгтэй. гэлээ.
Хүү:
-Хаанаас би түүнийг олох билээ?
Мэргэн хүн:
-Хичээвэл чи олж чадна аа. Олж чадвал чи алтан титэм өмсөнө. Очир таяг барих болно гэлээ.
Хүү:
-Яаж би түүнийг эзэмдэх вэ? Арга ухааныг нь та хэлж зааж өгөөч? хэмээн гуйжээ.
Мэргэн хүн хүүд:
-Чиний бизнес яах вэ... сайн. Гэхдээ Очир эрдэнэ? Уул уурхайн бизнес гэсэн үг. Эхлээд чи алтны уурхайтай бол. Тэгээд цаашаа... Урагшаа... Үтэр түргэн баяжих тухай үлгэр хүүд ярьж өгчээ.

Хүүд тэр мэргэн хэмжээлшгүй их мөнгөний тухай ярив. Хүү тэр шөнө унтаж чадсангүй. Очир эрдэнэ? Яаж би түүнийг олж чадах билээ? Хүү өдөр бодож. Шөнө зүүдэлсээр... Хүү эцэг эхээс өвлөж үлдээсэн, өөрт байгаа бүхнээ чамлах боллоо. Үгээгүй ядуу хүн мэтээр өөрийгөө хүү төсөөлдөг боллоо. Энэ мэтээр нэг сар... хоёр сар өнгөрлөө. Хүү алтны уурхайтай болоод гэнэт баяжих хүсэлдээ шатжээ. Хүү тэр хүсэлдээ хөтлөгдөн туйлдсан аж.

Хүү эцэг эхээс өвлөж авсан эдлэн газар, орон гэр байгаа бүхнээ худалджээ. Тэгээд тэр хүү очир эрдэнэ, алтны уурхайн эрэлд гарсан гэдэг. Хүү юу ч олсонгүй. Сохор зоосгүй болж хоосорсон гэдэг юм.
Эцэс сүүлд нь хүү усанд хөвөх сарны туяаг "Очир эрдэнэ" гэж андуурч самардаад. Усанд үйж үхсэн гэдэг юм. Гунигтай. Гэхдээ үнэн түүх.

Тэгэхээр ийм байна.

Хүү юу ч олоогүй. Түүнд юу ч олдохгүй. Би ингэж бодож байна.
Хүү бүхнийг мартсан. Эцэг эх, энэрч хайрлах хүн сэтгэлээ тэр гээсэн.
Хүү бүгдийг хаясан. Нутаг ус, орон гэр, өөрт байгаа бүхнээ тэр хаясан. Түүнийгээ худалдсан. Бүтэшгүй хоосон мөрөөдлөөр сольсон. Тийм юм байдаггүй юм.
Тийм учраас хүүд юу ч олдоогүй юм. Би ингэж бодож байна.

Хүүгээс тариалангийн газар худалдаж авсан залуу тун сүрхий овсгоотой нэгэн байлаа. Тэр туйлын хөдөлмөрч, ухаалаг залуу байсан аж. Тэрээр нэгэн удаа тарианы талбайгаа эргэж тойрч явжээ. Тэндээс залуу алтан талст олсон гэдэг. Хаанаас олсон гэж бодож байна. Хүүгийн зарсан тэр талбайгаас. Яг тэндээс. Яг тэр газраас олсон юм. Залуу үрж зарж үгүй хийсэнгүй. Хадгалж. Бодож. Судалж. Сурч тэмцсээр... Алтны уурхай болгосон гэдэг.

Тийм ээ: Юмтай болох хамгийн сайн арга бол Юм хийх арга. Юу ч хийхгүй бол Юу ч бий болохгүй. Залуу хүүгийн худалдсан газраас алт олсон. Залуу сурч, хөдөлмөрлөж тэмцсээр алтан талстыг алтны уурхай болгосон. Өөрөөр хэлбэл очир эрдэнэ болгож чадсан гэсэн үг. Хүү чадаагүй. Залуу чадсан. Бурхан түүнийг ивээсэн. Энэ үнэн.

Тэгэхээр: Миний хүү чи юм хий. Юу хийхээ мэдэр. Яаж хийхээ мэддэг бай. Мэдэхгүй бол юу ч битгий хий. Бодож сэтгээд хий. Хурдан түргэн биш. Том жижиг биш. Зөв юм хий. Үнэн сэтгэлээсээ хий. Үнэн сэтгэлээрээ хийнэ гэдэг, баян чинээлэг байх шалтгаан. Баян чинээлэг амьдрал гэдэг зөв юмны үр дагавар.

Аав нь ингэж бодож байна.
Чи юу гэж бодож байна?
Буруугаа эргэж хар.
Эмзэглэж байна уу?
Энэ бурхан чанар

ХОЁР:

Тэгэхээр миний хүү чи сонс.

НЭГДҮГЭЭРТ:

Хий хоосон цэцэрхлээс хол бай. Бүтэшгүй мөрөөдөлд хэт битгий авт. Байхгүй юманд битгий ач холбогдол өг. Байхгүй гэж бүү гунихар. Битгий харуус. Байхгүй гэж хичнээн их харуусавч чи юу ч олохгүй. Зөвхөн бодит байдалд тул. Түүнд ойртохыг хичээ. Билэг ухаанаа хөгжүүлж зөв ухаар. Зөв ойлгохыг хичээ. Ингэж үнэн байдлыг ойлго. Тийм байж чадсан хүн. Илүү их сайн сайхныг бүтээдэг юм. Аав нь ингэж бодож байна.

ХОЁРДУГААРТ:

Амьдрал чиний хүссэнээр байхгүй. Амьдрал өөрийнхөө замаар явдаг. Чи түүнийг удирдаж чадахгүй. Тэр өөрийгөө өөрөө удирдана. Юу гэсэн үг вэ? гэвэл Амьдралыг чи зохицуулж чадахгүй. Түүнтэй чи зохицож амьдрах ёстой гэсэн үг.

Аль болох илүү их зохиц. Уян хатан, зөөлөн бай. Бас чи буулт хийхэд бэлэн бай гэсэн үг. Аливаа юмсыг байгаагаар нь. Бас өөрийгөө байгаагаараа хүлээн зөвшөөрч чад гэсэн үг.

Тийм байж хүмүүс чамд итгэнэ. Итгэл бол хүч чадал. Хэмжээ үгүй их хүч чадал мөн. Би ингэж бодож байгаа.

ГУРАВДУГААРТ:

Гайхамшигт хүмүүс. Тэд яагаад гайхамшигтай вэ?
Тэд горьдлого найдлага тээдэггүй. Тэд яг одоогоороо байдаг. Тэд юу хийхээ мэддэг. Тийм учраас тэд агуу байдаг юм. Яг одоо чамд юу илүү үнэтэй вэ гэдгээ мэдэрч бай. Зөв олж хар. Дотоод сэтгэлээ сонс. Мэдэр. Тэгэж чадвал чи илүү их ухаалаг амьдарч чадна. Би ингэж бодож байна.

ДӨРӨВДҮГЭЭРТ:

Том жижгийг орхи. Их багыг хая.
Юмыг их гэж бүү шуна. Бага гэж битгий гол. Юу том? Юу жижиг гэж? Олон жижиг зүйлээс том юм оршдог юм. Олон жижиг үйлдлээс их зорилго бүтдэг юм. Тийм учраас бүтээж чадаагүй юманд битгий харамс. Бүтээгүй хүсэлд бүү шат. Юмыг өөртөө тохируул. Би ингэж бодож байна.

ТАВДУГААРТ:

Өөрөө өөрийнхөөрөө бай.
Бусдыг бүү дуурай. Бусадтай ижил болох тусам чи үгүй болдог юм. Бусдаас ялгарах ёстой. Энэ бол чиний давуу тал. Давуу тал гэдэг бол давтагдашгүй гайхамшигт чанар. Тийм учраас: Бусдыг битгий дуурай. Бусдаас давуу талаа хадгал. Хөгжүүл. Энэ чиний түлхүүр. Амьдралд хөтлөх түлхүүр. Би ингэж бодож байна.

ЗУРГАДУГААРТ:

Миний хүү чи хэн нэгнээс том байх хэрэггүй. Бас дутуу байх ёсгүй.
Тийм учраас миний хүү: Чи хэнд ч дээрээсээ битгий харуул. Хэнийг ч дээрээс нь бүү хар. Хүнийг өөртэйгээ эн тэнцүү хар. Хэн ч том байх ёсгүй. Бас бага байх учиргүй.
Аав нь ингэж бодож байна.
Чи юу гэж бодож байна?

УИХ-ын гишүүн асан Батж. Батбаяр

More 802 0

Category: Мэдээ мэдээлэл, Сонин хачин

Монголын шилдэг хөвгүүдийг нэг нэгээр нь намнадаг юм биш биз!

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Монголын шилдэг хөвгүүдийг нэг нэгээр нь намнадаг юм биш биз!

Author: tonshuul on 2015/01/16, 13:16 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Хүний хорвоод үнэндээ үнэн гэж байдаг эсэхэд эргэлзмээр болжээ. "Амьдралд хоёр л үнэн бий. Төрсөн нь үнэн, үхэх нь үнэн” гэж нэгэн хашир мэргэн өгүүлсэн удаатай юм билээ.

Монгол улсад ардчилал нахиалж, дараа нь цэцэглэж, эцэстээ хагдарахыг харсаар явна. Хамгийн хачирхалтай нь Монголын төрд хатуу үг, шулуун зангаараа олныг айлгаж, ичээж явсан эрчүүд нь эрт одчихсон байх юм. Одоо үлдсэн хэдийг нь хүүхэн шиг хэрүүлч, увайгүй луйварчин гэж хэлэх гээгүй юм шүү. Зүгээр л, ардчиллын салхи сэвэлзснээс хойш ардчиллын тухай ярих биш ажиллаж чадсан хүмүүс нь үгүй болчихож.

Хамгийн түрүүнд Санжаасүрэнгийн Зориг хэмээх үргэлж стюардесс хэмээх тамхи татдаг, нүдний шилтэй, намуухан дуутай эр санаанд бууна. Ардын хувьсгалын гол баатар нь Дамдины Сүхбаатар байсан шиг С.Зориг Ардчиллын гол нүүр царай нь болсон билээ. Гэтэл тэрээр гэртээ, гэргийнхээ дэргэд балмад этгээдүүд олон удаа хутгалуулан амиа алдаад олон жил өнгөрч байна. Аймшигт хэрэг гарах үеэр С.Зориг агсныг Монгол Улсын Ерөнхий сайдад нэрийг нь дэвшүүлж байсан билээ. Мөн Эгийн голын усан цахилгаан станц гэх мэт их мөнгөний асуудлууд араасаа урган гарч ирчихээд байлаа. Оросын ОРТ телевизийн анхны захирал Влад Листьев орцныхоо үүдэнд гэмт этгээдүүдэд буудуулан амь алдсантай яагаад ч юм адилхан санагддаг юм. Листьев тухайн үед ОРТ телевизээрээ архи, тамхины реклам огт цацахгүй гэсэн журам гаргасан нь түүний аминд хүрэх шалтгаан болсон ч гэж үзэх тал байдаг. Харин С.Зориг агсан магадгүй бас л нэг зүйлийн хориг болон босч ирэх гээд байсан тул замаасаа зайлуулсан биз. Түүнийг зайлуулсан хүмүүс зам гаргасан газраараа алхаж л яваа нь дамжиггүй. Харин хаана, ямар зам гаргасныг мэргэжлийн мөрдөгчид тогтоох ёстойсон.

Удаад нь яруу найрагч Очирбатын Дашбалбар санаанд буудаг. Монгол хувцсаараа гоёдог, том эрх бугалгандаа унжуулсан энэ билэг танхай эр одоо үеийн олон үгтэй, хүүхэн дуутай улстөрчдийг бодвол хэлье гэснээ хэлчихдэг, хийе гэснээ хийчихдэг нэгэн байж. Түүнийг гоочилогсод нь үнэндээ өөрсдөө түүнээс ч дор боохойнууд байсан нь одоо бараг хүн бүрт ойлгомжтой болоо биз ээ.

"Амьддаа бие биенээ хайрла хүмүүс ээ

Алив сайхнаа бусдаас бүү харамла” гэж Очирбатын Дашбалбарын гайхалтай шүлгэнд өгүүлсэн нь бий. Ийм сайхан шүлэгтэй, тийм сэтгэлтэй, тэрс үгтэй хүн Монголын улстөрд долоон бурхан од шиг гялалзан гарч ирээд, удалгүй нарт хорвоогоос одсон билээ. Тэрээр амьсгал хураахаасаа хэдэн хоногийн өмнө найз, яруу найрагч Дамбын Төрбатдаа "Би үхчих юм шиг байна аа, п…” гэж хэлж байсан гэдэг. Түүнийг өвчний улмаас л үрэгдлээ гэсэн. Гэвч тэрхүү өвчнийг өөр хэн нэгэн "бэлэглэсэн” байж болохыг хувьдаа лав үгүйсгэхгүй.

Булганынхныг бүхний анхдагч гэдэг. Тэндээс Л.Энэбиш хэмээх сайхан монгол эр төрөн гарч, Монголын төрд заларсан юм. Түүний явсан газар буян дэлгэрч, олон түмэн ам сайтай, ажил урагштай явдаг байлаа. Гэвч мөн л ид хийх, бүтээх насандаа орчлонгийн хаалгаар одчихсон.

Мэндийн Зэнээ хэмээх хатуухан үгтэй, шулуухан зантай эр байлаа. Мөн л цагаасаа эрт бурхны оронд одчихсон. Х.Баянмөнх аваргыг "Заалны алчуур” гэж хэлж чадсан энэ эрхэм улс төрийн тогоонд ногоорч, но-тож буй олон сүнсгүй сүүдрүүдийг арилгах чадалтай нэгэн байсан шиг. Гэвч бас эрт одчихсон.

Хэдийгээр улстөрд шууд орж, хэрүүл зарга үүсгэж гүйгээгүй ч гэсэн Ш.Отгонбилэг хэмээх омголон, бэлтэй эр Монголд минь нэг байлаа. Тэрээр Эрдэнэт үйлдвэрийг алган дээрээ тавьсан мэт ажиж, эх орныхоо төлөө ажиллаж, зүтгэж чадаж байв. Хамгийн гол нь тэрээр зангарагтай, зантай эр байж чадсан. Гэвч хөдөө ажлаар явахдаа онгоцтойгоо осолдож, харамсалтайгаар хорвоог орхисон.

Монгол Улсын Ерөнхий сайдын албыг хашиж, монгол эр хүний ноён нуруу гэж ямар байдгийг харуулж чадсан Жанлавын Наранцацралт мөн л цаг бусаар одсон. Тэрээр Дундговь нутагтаа ажлаар оччихоод эргэж ирэх замдаа авто ослоор өөд болсон. Хачирхалтай нь, Дундговиос тэр шөнө хөдөлсөн хоёр машин хоёулаа осолдсон байдаг. Нэг нь Өмнөговь руу хөдлөөд осолдсон бол нөгөө нь Улаанбаатар руу орж ирэхийнхээ даваан дээр осолд орсон. Магадгүй хэн нэгэн хоёр машинд хоёуланд "гай удсан” байхыг үгүйсгэх аргагүй мэт санагддаг.

Үүнээс гадна Миний Монголын газар шороо хөдөлгөөний тэргүүн асан О.Энхсайхан гэх мэт олон сайхан эрчүүд цаг бусаар нарт ертөнцөөс одсныг эрхэм та нэмж, нэрлэж чадна биз.

Ингэж л Монголын шилдэг хөвгүүд нэг нэгээрээ, аажим аажмаар бидний дундаас одсоор ирсэн. Бид тухайн үедээ харуусаад өнгөрсөн ч эргүүлээд бүх нэрийг нь жагсаад үзвэл арай л хатуу хэрнээ үнэн үгтэй, өөрийн гэсэн үзэл бодолтой шилдэг хөвгүүд нь үгүй болоод байсан шиг. Нэг бол тохиолдол гэхсэн. Хоёр бол золгүй явдал гэж тайвшрахсан. Арав орчим нэр ар араасаа цувраад ирэхээр "Арай энэ чинь…” гэж бодож эхлэх юм. Монголын шилдэг хөвгүүдийг нэг нэгээр намнадаг юм биш байгаа даа…?!

Р.Гэгээ

Эх сурвалж: Tumen.mn

More 465 0

Category: Ноцтой мэдээ

Д.Баясгалан, М.Зоригт vs Л.Болд -1

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Д.Баясгалан, М.Зоригт vs Л.Болд -1

Author: tonshuul on 2015/01/16, 13:13 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

"Бодь групп” болон "Голомт” банкны үүсгэн байгуулагчдын хооронд дэгдсэн өмчийн маргаан одоо болтол дуусаагүй аж. Өнгөрсөн оны өдийд үүсгэн байгуулагчид болох Лу.Болд, Д.Баясгалан нар удаан үргэлжилсэн маргаан тэмцэлдээ цэг тавин тохиролцоонд хүрч хөрөнгөө хуваах гэрээ байгуулж байсан.

Лу.Болд "Бодь” цамхагаас авсан бол Д.Баясгалан болон УИХ-ын гишүүн нарт "Голомт” банк нь бүтнээрээ үлдсэн. Харин "Бодь”-оор овоглодог олон компани хэний мэдэлд очсон талаар хөрөнгө хуваах үед тодорхой яригдаагүй. Тэдний хөрөнгөө хувааж авах үйл явц одоо л нэг юм дуусаж байх шиг. "Бодь” цамхагт байсан "Голомт”-ын АТМ-ыг саяхан арай гэж хөөж гаргасан гэсэн. Ингээд нэг юм дууслаа гэсэн үгүй бололтой. Цаанаа нь бас нэг том хөрөнгө үлдсэн нь "Бодь” гэдэг нэр аж.

Түүх сөхвөл "Бодь интернейшнл” компанийг 1996 онд байгуулжээ. Удалгүй томорч охин болон хараат компаниудаа оруулан "Бодь групп” нэрээр үйл ажиллагаа явуулж олонд хэрэглэгч, үйлчлүүлэгч нартаа танигдсан. "Бодь интернейшнл” ХХК-ний дүрэмд компаниудынхаа нэгдлийг "Бодь групп” гэж тусгаснаас гадна "Оюуны өмчийн газраас олгосон "Бодь групп” барааны тэмдгийн улсын гэрчилгээг бас эзэмшдэг.

"Бодь групп”-ийн хувьцаа эзэмшигчид бүх хөрөнгөө хуваан "эвээр салсаны” дараа Д.Баясгалан нь Лу.Болдынхоо уурыг хүргэсэн нэгэн үйлдэл хийжээ. Тэрээр энэ онын эхээр тусдаа "Бодь групп” гэдэг компанийг үүсгэн байгуулчихсан гэнэ. Бүр хоёр жилийн өмнө нууцхан нэрийн баталгуужуулалт хүртэл хийлгээд авсан байж. Үүнийг мэдэнгүүтээ УБЕГ дээр л зогсоосон агаад Д.Баясгалан өөрийн шинээр үүсгэн байгуулсан "Бодь групп” компаний бүртгүүлэхээр УБЕГ-д удаа дараа хандсан ч дарга Ц.Пүрэвдорж нь "хуульд заасан үндэслэлээр” удаа дараа татгалзсан гэнэ.

Энэ хооронд нь Л.Болдын тал самбаачлан хөдлөөд "Бодь групп” гэдэг компани байгуулан Л.Болдхуяг гэдэг хүний нэрээр улсын бүртгэлд бүртгүүлчихжээ. Эсрэг тал нь өөрөөс нь өрчихсөн тул Д.Баясгаланг тэдэнтэй болон хажуугаар нь УБЕГ-тай зад заргалдаж байна. Энэ хэрэгт ШӨХТГ хүртэл оролцож ахлах байцаагч Ж.Очирхуяг "Бодь групп” гэдэг нэрийг хамгийн анх бүртгүүлсэн "Бодь” компанид олгох нь зүйтэй гэсэн дүгнэлт гаргаж. Үүнийг УБЕГ шүүрч аваад Д.Баясгалангийн "Бодь групп”-ийг бус харин Лу.Болдын ах Л.Болдхуягийн үүсгэн байгуулсан "Бодь групп” компанийг улсын бүртгэлд бүртгэжээ. Гурван хувьцаа эзэмшигчид хувьцааны асуудлаа буюу маргаанаа өнгөрсөн онд бүрэн шийдвэрлэсэн аж.

Энэ тохироогоор Л.Болд, М.Зоригт нар нь бүх хувьцаагаа Д.Баясгаланд шилжүүлсэн тул тэрээр одоо 1996 онд байгуулагдсан "Бодь-Интэрнэйшнл” компаний 100 хувийн хувьцааг ганцаараа эзэмшдэг. "Бодь-Интэрнэйшнл” компани нь өөрийн нэр дээрээ "Бодь групп”, "Бодь интэрнэйшнл” болон "Бодь” гэсэн нэр орсон барааны тэмдгийн хууль ёсны эзэмшигч гэнэ. Олонд танигдсан "Бодь групп” нэрээ баталгаажуулан уг нэрээр нэрлэгдсэн компаниа Д.Баясгалан 2014 оны 1-р сарын 21-ний өдөр УБЕГ-д бүртгүүлэх гэтэл ШӨХТГ-ын дүгнэлтээр шалтаглан бүртгэхээс татгалзжээ.

Өнөөх ШӨХТГ-ын байцаагч нь Д.Баясгалангийн нэр дээр "Бодь групп” нэрийг өгөх боломжгүй гэсэн дүгнэлт гаргаад улсын бүртгэлийн ерөнхий байцаагч Ц.Пүрэвдоржид хүргүүлсэн байж. Гэтэл Д.Баясгалан нь хувьцаа эзэмшигчдийн хооронд анхны маргаан дэгдсэн 2012 онд нэрийн баталгаажуулалт хийлгэсэн бол Л.Болдхуяг нь хоёр жилийн дараа буюу 2014 оны 5-р сарын 6-нд "Бодь групп” компаниа үүсгэн байгуулсан. Компани үүсгэн байгуулах шийдвэрээ 4-р сарын 25-нд гаргасан тогтоолтой байгаа нь ШӨХТГ-ын дүгнэлттэй сар өдрөөрөө давхацдаг гэнэ.

Өөрөөр хэлбэл Л.Болдхуяг нь "Бодь групп” компаниа байгуулах шийдвэр гаргасан өдөр ШӨХТГ нь "Бодь групп” гэдэг нэрийг Д.Баясгаланд өгөх боломжгүй гэсэн дүгнэлт гаргаж байжээ. Л.Болдхуяг "Бодь групп” компаниа улсын бүртгэлд бүртгүүлэх өргөдлөө 2014 оны 5-р сарын 6-нд гаргаад мөн өдрөө бүртгүүлж бүртгэлийн гэрчилгээгээ авсан бол Д.Баясгалан аль оны эхнээс хөөцөлдсөн ч дандаа " боломжгүй” гэсэн хариу авсаар ирсэн гэдэг.

http://www.shuurhai.mn/73448

More 641 0

Category: Мэдээ мэдээлэл, Хүмүүс

Эквадор улсын гоо бүсгүй өөх соруулах мэс заслын үеэр нас баржээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Эквадор улсын гоо бүсгүй өөх соруулах мэс заслын үеэр нас баржээ

Author: tonshuul on 2015/01/16, 13:05 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Эквадор улсын гоо бүсгүй 19 настай Катерина Канто арьсан доорх өөхөө соруулах мэс заслын үеэр нас барсан харамсалтай хэрэг гарчээ. Өнгөрсөн 10-р сард төрөлх Дюран хотынхоо хамгийн сайхан бүсгүйгээр шалгарчээ.

Тиймээс "Гоо бүсгүй” шалгаруулах тэмцээний шагнал болгож өөх соруулах мэс засал болон "Chevrolet Aveo” машин, планшет компьютераар шагнуулсан нь аж. Харин талийгаач бүсгүй муугаар төгсөхийг зөгнөсөн мэт мэс засал хийлгэхгүй гэж удаан эргэлзсэн байна.