Гадаад мэдээ » www.Choibalsan.mn

Жүжигчин Ким Сү Хён өнөөдөр хэвлэлийн бага хурал хийнэ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Жүжигчин Ким Сү Хён өнөөдөр хэвлэлийн бага хурал хийнэ

Author: otgoo on 2025/03/31, 11:10

Жүжигчин Ким Сү Хён өнөөдөр /2025.03.31/ хэвлэлийн бага хурал хийж, Ким Сэ Рун агсаныг насанд хүрээгүй байхад нь үерхлийн харилцаа үүсгэсэн гэх асуудал болон бусад дуулиант хэргийн талаар мэдэгдэл хийнэ гэжээ. Түүний агентлаг “Gold Medalist” мэдэгдсэнээр бол Ким Сү Хён орон нутгийн цагаар 16:30 минутад Сөүл хотын Мапо дүүргийн Стэнфорд зочид буудалд хурлаа хийх аж.

“Gold Medalist” агентлаг “Сүүлийн үеийн үйл явдлуудаас болж сэтгэлийн түгшүүр төрүүлсэнд чин сэтгэлээсээ уучлал гуйж байна. Ким Сү Хёнд хэвлэл мэдээллийнхэнтэй шууд ярих боломж олгохын тулд энэ хурлыг зохион байгуулж байгаа” гэжээ. Хэвлэлийн бага хуралд Ким Сү Хён болох түүний өмгөөлөгч, “LKB & Partners” фирмийн хуульч Ким Жон Бук оролцоно. Гэхдээ хурал дээр Ким Сү Хён ямар нэгэн асуулт авахгүй аж.

Өнгөрсөн долоо хоногийн пүрэв гарагт /2025.03.27/ Ким Сэ Руны гэр бүлийг төлөөлж буй хуульч Бу Жи Сог хэвлэлийн бага хурал хийж хоёр жүжигчний хоорондын “KakaoTalk” дахь мессежийг дэлгэсэн юм.

Ким Сү Хёнтой холбоотой дуулиант хэрэг жүжигчин агсан Суллигийн ах хариулт хүссэн мэдэгдэл гаргасны дараа даамжирсан юм. Суллигийн ах Ким Сү Хён болон найруулагч И Са Ранаас “Real” кино дээр гардаг маргаантай сцена дээр тайлбар авахыг хүссэн байна.

More 0

Category: Гадаад мэдээ

Трампт санхүүжилтээ татсан тул ДЭМБ ажлын байр, төсвөө танана

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Трампт санхүүжилтээ татсан тул ДЭМБ ажлын байр, төсвөө танана

Author: otgoo on 2025/03/31, 11:00

АНУ санхүүжилтээ зогсоосонтой холбогдуулан ДЭМБ-ын төсөв тавны нэгээр бууруулахаар төлөвлөж байгаа гэдгийг “Reuters” агентлагийн олж авсан дотоод бичигт дурджээ. ДЭМБ ажилтнуудын тоо, үйл ажиллагааныхаа цар хүрээг мөн тавны нэгээр багасгах талаар авч үзэж байгаа аж.

Доналд Трамп нэгдүгээр сард Цагаан ордонд эргэн ирснийхээ дараа АНУ-ыг ДЭМБ-аас гаргах гүйцэтгэх тушаалд гарын үсэг зурсан. Тэрбээр тус байгууллага нь ковидийн цар тахал болон бусад дэлхий нийтийн эрүүл мэндийн хямралыг буруу зохицуулсан гэж буруутгаж буй. АНУ нь ДЭМБ-д хамгийн их хэмжээний санхүүжилт буюу ойролцоогоор төсвийнх нь 18 хувийг олгодог юм.

Өнгөрсөн баасан гарагт /2025.03.28/ ДЭМБ-ын Ерөнхий захирал Тедрос Адханом Гебрейюс гарын үсэг зурсан тэрхүү бичигт “АНУ-ын мэдэгдэл болон бусад орнууд батлан хамгаалахын салбартаа зарцуулах мөнгөө нэмэгдүүлэхийн тулд албан ёсны тусламжаа саяхан бууруулсан нь бидний нөхцөл байдлыг улам хурцатгасан” гэжээ.

Гишүүн орнууд өгдөг санхүүжилтээ бууруулсны улмаас үүссэн хямралыг АНУ гишүүнчлэлээ түдгэлзүүлэх болсон нь даамжруулсан байна. Энэ жилийн алдагдал нь 600 сая ам.доллар хүрч магадгүй нөхцөл байдалтай тулгарсан тул ДЭМБ 2026-2027 оны төсвөө 21 хувиар буюу 5.3 тэрбум ам.доллароос 4.2 тэрбум ам.доллар болгон бууруулахаар төлөвлөж байгаа аж.

Хоёрдугаар сард ДЭМБ-ын гүйцэтгэх зөвлөл 2026-2027 оны төсвийг 5.3 тэрбум ам.доллароос 4.9 ам.доллар болгон бууруулаад байсан юм. Тэгвэл одоо 4.2 тэрбум ам.доллар болгон бууруулахаар төлөвлөж эхэлжээ. Санамж бичигт “Бид чадах бүхнээ хийсэн ч үүнээс үл харгалзан үйл ажиллагааны цар хүрээ, ажиллах хүчээ багасгахаас өөр аргагүй байдалд хүрч байна” гэсэн юм.

ДЭМБ нь Швейцарын Женев дахь төв оффисын ахлах удирдлагын болон бусад бүс нутагт ажлын байрыг цомхотгоно гэж санамж бичигт бичжээ. Баримт бичгээс харвал ДЭМБ-д ажилладаг 9,473 хүний дөрөвний нэгээс илүү нь Женев дахь төв оффист байрлан ажилладаг аж. Тус байгууллага дөрөвдүгээр сарын сүүлчээр ажил, нөөцөө хэрхэн эрэмбэлэхээ шийдэх болсон байна.

Трампын захиргаа “Америк нэгт” гэх бодлоготой нь нийцэхгүй гэж үзэж байгаа олон улсын байгууллагуудад өгдөг санхүүжилтээ зогсоож буй. Гурван эх сурвалжийн хэлснээр Трампын захиргаа Дэлхийн худалдааны байгууллагад өгөх санхүүжилтээ түр зогсоосон байгаа юм. Женевт байрлалтай ДХБ нь 2024 онд 232.06 сая ам.долларын төсвөөр үйл ажиллагаагаа явуулсан. Тус байгууллагын олон нийтийн баримт бичгээс харвал гишүүн улс орнууд нь дэлхийн худалдаанд эзлэх хувьтайгаа тэнцэх хэмжээний санхүүжилт жил болгон өгдөг байна. АНУ-ын хувьд ДХБ-ын нийт санхүүжилтийн 11 хувийг олгодог аж.

More 0

Category: Гадаад мэдээ

"Sukiya" сүлжээ рестораны 1900 салбар өнөөдөр хаагдана

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

"Sukiya" сүлжээ рестораны 1900 салбар өнөөдөр хаагдана

Author: otgoo on 2025/03/31, 10:58

Японы "Sukiya" сүлжээ рестораны хоолноос янз бүрийн гадны биет олдсон гэсэн гомдол хэд хэдэн удаа гарсан тул өнөөдрөөс эхлэн /2025.03.31/ орон даяарх бараг бүх салбараа дөрөв хоногийн хугацаатай хаах болжээ. Тодруулбал, энэ оны нэгдүгээр сард Тоттори муж дахь салбарт мисо шөлнөөс харх олдсон бол өнгөрсөн Баасан гаригт Токио хотын нэгэн үйлчлүүлэгчийн гэр лүүгээ авч явсан хоолноос жоомны тасархай олдсон байна. Ийм хэргүүд ойр давтамжтай дараалсан тул тус сүлжээ ресторан орон даяарх 1900 салбараа хаахаар болсон нь энэ юм.

Дөрөв хоногийн хугацаанд цэвэрлэгээ, эрүүл ахуйн арга хэмжээ авахаас гадна бохирдлыг шалтгааныг тогтоохоор ажиллана. Их дэлгүүрүүд дотор байрладаг зарим салбар хэвийн ажиллах ч үе шаттайгаар дараалан дээрх арга хэмжээнүүдийг мөн л авах аж.

"Sukiya" сүлжээ ресторан албан ёсны мэдэгдэлдээ "Үйлчлүүлэгчид болон харамсалтай явдал тохиолдсон бүх хүнээс гүнээ уучлал хүсье. Холбогдох арга хэмжээг авсны дараа та бүхний итгэл эргэн сэргэнэ гэдэгт найдаж байна" гэжээ.

More 0

Category: Гадаад мэдээ

"ОХУ-тай тохиролцоонд хүрч чадахгүй бол хоёрдогч тариф тогтооно"

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

"ОХУ-тай тохиролцоонд хүрч чадахгүй бол хоёрдогч тариф тогтооно"

Author: otgoo on 2025/03/31, 10:35

ОХУ-ын ерөнхийлөгч Путин Баасан гаригт Украинд түр засаглал байгуулах тухай ам нээсэн билээ. Украины ерөнхийлөгч Зеленскийн бүрэн эрхийн хугацаа

2024 оны тавдугаар сард дуусах байсан ч дайны цагийн хуулийн дагуу сонгууль зохион байгуулаагүй. Иймд Путин түр засаглал гэдэг үгээрээ Зеленскийн байр суурийг онцолсон гэж үзсэн.

Тэгвэл Зеленскийн удирдлагад үл итгэсэн энэхүү мэдэгдлийг Дональд Трамп шүүмжилж, "тайлбар нь байгаа зөв оносонгүй" гэжээ. Тэрбээр Ням гаригт "NBC" хэвлэлд ярилцлага өгөхдөө "Хэрвээ ОХУ, АНУ хоёр Украин дахь цуст дайныг зогсоох тохиролцоонд хүрч чадахгүй бол, бас энэ нь Оросын буруугаас боллоо гэж би бодох л юм бол тэдний газрын тосонд хоёрдогч тариф тогтоох болно. Та Оросоос газрын тос худалдаж авах юм бол АНУ-д бизнес эрхлэх боломжгүй гэсэн үг. Оросын бүх төрлийн газрын тосонд 25 хувийн тариф ногдуулна" гэв.

Мөн тэрбээр "Путин намайг уурласныг мэдэж байгаа. Гэхдээ бидний харилцаа маш сайн хэвээр. Хэрвээ тэр зөв зүйл хийх юм бол миний уур тэр дороо л гарна" гэжээ.

Путин, Трамп нар энэ долоо хоногт дахин ярилцах төлөвтэй байгаа аж.

Ерөнхийлөгч асан Байден 2022 онд дайн эхэлсний дөнгөж дараахан ОХУ-ын газрын тосны импортод хориг тавьсан. Түүнээс хойш 2023 оны байдлаар Оросын түүхий нефть, нефтийн бүтээгдэхүүний АНУ дахь импортын хэмжээ ердөө 10 мянган баррель болсон.

Трамп Венесуэлд мөн хоёрдогч тариф тогтооно гэж мэдэгдээд буй. Энэ нь Венесуэлээс газрын тос, байгалийн хий худалдаж авсан орнуудад татвар ногдуулсан гэсэн үг. ОХУ-ын нефтийн бүтээгдэхүүний томоохон импортлогчдын тоонд Хятад, Турк, Бразил, Энэтхэг багтдаг. Хэрэв Трамп Венесуэлтэй ижил байдлаар хоёрдогч тарифыг хэрэгжүүлбэл тэдгээр улс хоёрдогч тарифын нөлөөлөлд өртөж магадгүй юм.

Украин дахь дайныг зогсоох нь Трампийн кампанит ажлын хамгийн гол амлалт байв. Энэ хүрээнд тэрбээр албан тушаалаа хүлээж авсан даруйдаа дайтагч талуудтай уулзсан. Улмаар өнгөрсөн долоо хоногт Орос, Украины талууд далай тэнгист гал зогсоох, эрчим хүчний байгууламжуудад халдахаа зогсоох гэсэн тохиролцоонд хүрсэн билээ.

More 0

Category: Гадаад мэдээ

БНСУ-Д ТҮЙМРИЙН ГАМШГИЙН ХЭМЖЭЭНД ХҮРЧЭЭ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

БНСУ-Д ТҮЙМРИЙН ГАМШГИЙН ХЭМЖЭЭНД ХҮРЧЭЭ

Author: otgoo on 2025/03/28, 10:17 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Гамшигт нэрвэгдсэн бүс нутаг хоёр дахин нэмэгдсэн байна. Хойд Кёнсан мужийн Санчхон дүүрэгт баасан гаргийн орой эхэлсэн түймэрт одоогийн байдлаар нас барсан хүний тоо 26 болж нэмэгдсэн гэж орон нутгийн эрх баригчид мэдэгджээ. Одоогийн байдлаар ойролцоогоор 33,000 га газар шатсан нь 2000 оны 3-р сард Өмнөд Солонгост 24,000 га талбайг хамарсан түймрийг давсан бөгөөд Түймрийг унтраахаар ажиллаж байсан гал сөнөөх ангийн нисдэг тэрэг унан гал сөнөөгч нисдэг тэрэгний нисгэгч амь үрэгджээ.

More 22 0

Category: Гадаад мэдээ

Ким Сэ Руны гэр бүл хэвлэлийн бага хурал хийнэ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Ким Сэ Руны гэр бүл хэвлэлийн бага хурал хийнэ

Author: otgoo on 2025/03/28, 10:14 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Жүжигчин агсан Ким Сэ Руны гэр бүл өнөөдөр /2025.03.27/ хэвлэлийн бага хурал хийж жүжигчин Ким Сү Хён түүнийг насанд хүрээгүй байхад нь үерхлийн харилцаа эхлүүлсэн гэдгийг харуулах нотлох баримтуудыг дэлгэнэ гэжээ. Ким Сэ Руны гэр бүлийг төлөөлж буй хуульч Бу Жи Сок хэлэхдээ хэвлэлийн бага хурал орон нутгийн цагаар 13:30 минутад Сөүл хотын Сэчо дүүрэгт явагдана хэмээсэн байна.

Хууль Бу Жи Сок “Ким Сү Хён Ким Сэ Руныг насанд хүрээгүй байхад нь үерхлийн холбоотой байсныг нотлох баримтуудыг дэлгэнэ. Мөн гэр бүлийн талаар худал мэдээлэл тараасны эсрэг хуулийн дагуу арга хэжмээ авна” гэжээ. Жүжигчин Ким Сэ Рун хоёрдугаар сарын 16-нд, 25 настайдаа амьсгал хураасан. Түүний нас барсан өндөр нь Ким Сү Хёны төрсөн өдөртэй давхцаж байгаа нь сэжигтэй гэж олон хүн үзэж байгаа.

Ким Сү Хёнийг хариуцдаг “Gold Medalist” агентлаг эхэндээ насанд хүрээгүй байхад нь үерхсэн гэх мэдээллийг худал хэмээж, хуулийн арга хэмжээ авна гэж мэдэгдэж байсан. Гэвч тус агентлаг дараа нь байр сууриа өөрчилж, жүжигчид 2019 оны зунаас 2020 оны намрын хооронд үерхсэн, Ким Сэ Рун тэр үед насанд хүрсэн байсан гэсэн юм.

More 25 0

Category: Гадаад мэдээ

Ким Сэ Руны гэр бүл хэвлэлийн бага хурал хийнэ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Ким Сэ Руны гэр бүл хэвлэлийн бага хурал хийнэ

Author: otgoo on 2025/03/27, 14:36 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

More 26 0

Category: Гадаад мэдээ

БНСУ-д гарч буй түймрүүдийн улмаас 26 хүн амь үрэгдлээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

БНСУ-д гарч буй түймрүүдийн улмаас 26 хүн амь үрэгдлээ

Author: otgoo on 2025/03/27, 12:14 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

БНСУ-ын Хойд Кёнсан мужийн Уисонд хошуунд гарсан ойн түймрүүдийн улмаас амь үрэгдсэн хүний тоо 26 хүрч, 19 хүн бэртсэн байна. Мөн түймрийн улмаас нүүх суурьшсан хүн 27 мянгад хүрчээ. Хүчтэй салхи, хуурай нөхцөл байдлын улмаас түймрүүдийн хүч нэмэгдэж, 31 мянга гаруй га газар, 257 барилга байгууламж шатсан байна.

Өмнөд Солонгосын Батлан хамгаалах яам мэдээлснээр түймрүүд дэгдсэнээс хойш нийт зургаан мянга гаруй цэргийн алба хаагч, 242 цэргийн нисдэг тэрэг гал унтраах ажилд дайчилжээ. Өмнөд Кёнсан мужийн Санчонд гарсан түймрийг унтраах ажилд БНСУ дахь АНУ-ын зэвсэгт хүчний Black Hawk, Chinook загварын дөрвөн нисдэг тэргийг ашиглаж эхэлсэн аж.

Эх сурвалж: Korea Times

More 20 0

Category: Гадаад мэдээ

Туркд эсэргүүцлийн жагсаалд оролцсон 1,100 хүнийг баривчиллаа

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Туркд эсэргүүцлийн жагсаалд оролцсон 1,100 хүнийг баривчиллаа

Author: otgoo on 2025/03/25, 12:24 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Өнгөрсөн долоо хоногийн лхагва гарагт /2025.03.19/ Туркийн албан тушаалтнууд Ерөнхийлөгч Режеп Тайип Эрдоганы гол өрсөлдөгч болох Истанбулын амбан захирагч Экрем Имамоглуг авлигын хэргээр баривчилсан. Түүнийг баривчилснаас хойш Турк даяар эсэргүүцлийн жагсаал явагдаж байгаа юм. Тэгвэл Эрдоган даваа гарагт /2025.03.24/ мэдэгдэл хийхдээ жагсаал цуглаан хүчирхийллийн хөдөлгөөн болсон хэмээн гэмтсэн цагдаа, эд хөрөнгийн хохирлын хариуцлагыг сөрөг хүчний нам үүрнэ гэжээ.

Эрх баригчид жагсаал цуглааныг зогсоохын тулд цуглахыг хориглосон ч иргэд эсэргүүцлээ илэрхийлсээр байгаа юм. Туркийн Дотоод хэргийн яам Али Йерликая Х платформ дээр бичихдээ “Гуравдугаар сарын 19-нөөс гуравдугаар сарын 23-ны хооронд хууль бус үйл ажиллагаа үйлдсэн 1,133 хүнийг баривчилсан” гэжээ. Имамоглугийн Бүгд найрамдах ардын нам (CHP) болон дэмжигчид нь түүнийг баривчилсан явдал улс төрийн зорилготой, ардчилсан бус хэмээж байгаа юм.

Имамоглу ирэх 2028 онд болох ерөнхийлөгчийн сонгуульд “CHP” намаас нэр дэвшигчээр сонгогдохоосоо хэдхэн өдрийн өмнө баривчлагдсан. Туркийн ерөнхийлөгчийн сонгуульд өрсөлдөхийн тулд нэр дэвшигч их сургуулийн дипломатай байх ёстой. Тэгвэл түүнийг баривчилсны дараа Истанбулын их сургууль Имамоглугийн дипломыг хүчингүй болгосон байна. Имамоглу уг шийдвэрийн эсрэг шүүхэд хандахаа мэдэгдсэн байгаа.