Өнөөдөр аргын тооллын 2018 оны гуравдугаар сарын 31. Бямба гараг. Билгийн тооллын XVII жарны "Тийн унжлагат” хэмээх шороон нохой жилийн Хаврын дунд хөхөгчин туулай сарын 15. Санчир гараг. Тугчин одтой, зургаан цагаан мэнгэтэй, хар нохой өдөр.
Барилдлага: Үл тохирох
Шүтэн барилдлага: Хүрэлцэхүй
Суудал: Төмөр
Өдрийн наран 6 цаг 35 минутад мандан, 19 цаг 17 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, тангарагаа буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.
Үс шинээр үргээлгэх буюу засуулбал өлзийтэй сайн...
* * *ӨРНИЙН ЗУРХАЙ * * *
ХОНЬ (3/21-4/19)
Өнөөдөр хүн бүхний нүдийг хужирлаж, анхаарал татах өвөрмөц загварын хувцас өмсөх болно. Найрсаг, нийтэч байдал таныг чимэх болно. Өнөөдөр амьдралын хатууг гайхшран суухын оронд харин ч баярлаж талархаж явдаг зүйлсээ жагсаан бичээрэй. Танд арай л өөр бодол төрөх болно. Гадуур зугаалж амьдралын сайхныг амтал. Гэхдээ санамсаргүй ослоос болгоомжлоорой. Зам дээгүүр гэнэт гүйсэн хар муур гай дуудна. Тиймээс ч сэтгэл санаа ямар ч сайхан болсон сонор сэрэмжээ бүрэн унтраах хэрэггүй.
ҮХЭР (4/20-5/20)
Төсөөлөл чинь маш гайхалтайгаар нэмэгдэнэ. Үхрийн ордныхон бүтээх болон үйлдвэрлэн гаргах авьяас их байна. Гэнэтийн санаагаа гэртээ эсвэл ажилдаа хэрэглэх цаг ирсэн байна. Таны санаанууд яг одоо урамтай байна. Гэр орондоо засвар өөрчлөлт хий. Эдгээр ажлыг сэтгэлийн ханамжтай хийхийн тулд өөрийгөө хэт хүчлэх хэрэггүй. Гэхдээ залхуурч болохгүй. Ихэнх үхрийнхэн өөрийн мэдлэгийг ашиглан хүүхдүүдээ сургамж хуучлах хүсэл төрнө. Энэ нь танд амьдралынхаа цаг хугацаанд эргэн аялах боломжыг олгоно.
ХАМТАТГАХ (5/21-6/21)
Амьдралын амт хорвоогийн алаг эрээнд буй гэдэг зүйр үгийг сана. Таны эрч хүч, урам зориг өндөр байна. Олон нийтийн ажилд оролцож, илүү их зүйл сурах боломжийг бүү алд. Өөрийн хайртай хүнтэйгээ цагийг хамт өнгөрөө. Хэрвээ тэр таныг ойлгохгүй мөн та өөрөө түүнд сэтгэл хангалуун бус байгаа бол энэ талаар шударгаар ярилцаж, цаашид ганцаараа байхыг хүсч байгаагаа хэлэх хэрэгтэй. Зөвхөн хайртынхаа мэдрэмжинд захирагдаж амьдарна гэдэг та өөрийгөө хуурч байгаа хэрэг. Хэрвээ та сайн мэдэхгүй газраар аялах гэж байгаа бол эд хогшлоо хамгаал.
МЭЛХИЙ (6/22-7/22)
Нэгэн хэвийн амьдралын хэв маягаа өөрчилж, өөрөөр амьдрахыг хичээ. Дугуй унах, гүйх зэрэг биеийн хүч шаардсан дасгал хөдөлгөөн хийснээр таны бие сэргэж, хэрэгтэй эрч хүчээ нөхөж авах болно. Гэр бүлийнхэнтэйгээ ярьж чадаагүй зүйлсээ дэлгэх, өөрийн байр сууриа тодотгох эсвэл хэсэг хугацаанд уулзалдаагүй хамаатнуудтайгаа уулзах боломж олдоно. Ажлаа сайн хийхийн хажуугаар амарч, гэр бүлийнхэндээ цаг гаргана гэдэг бараг боломжгүй санагдана. Юу хийхээ мэдэхгүй байгаа бол зөн совиндоо итгэ. Хүүхдүүдтэй харилцаатай байснаар урам орж өдөөгдөнө. Гэрээ өөрчилж засахад их зардал гарахгүй. Мөнгө бага зэрэг дутвал өөрөө хийж болох бөгөөд гэр бүлээрээ хамт хийвэл амралтын өдрүүдээрээ дуусгаж чадна.
АРСЛАН (7/23-8/22)
Өнөөдрийн уур амьсгалд шинэ харилцаа үүсэх боломжтой. Гэнэтийн учрал таныг төөрөгдүүлэхээс сэрэмжил. Хэн нэгэн эрх мэдэлтэн гэнэтийн шийдвэрээр таны төлөвлөгөөг өөрчлөх нь уур бухимдлыг бий болгоно. Өнөөдөр танд хайр дурлал, хөнгөн сээтэгнэл тохиолдож магадгүй. Сэтгэл хөдлөлөө ил гаргахаас зайлсхийж, наргиантай тоглоом тоглох, олныг хамарсан үйл ажиллагаанд оролцох зэргээр цагийг өнгөрөө. Та ганц бие бол олон сонголттой нүүр тулна.
ОХИН (8/23-9/22)
Таны бусдад өөрийгөө илэрхийлэх байдал бүтээлч санаачлагын илэрхийлэл болсон өдөр болно. Амар хялбар ажил ч байсан үүрэг, хариуцлагаа хэзээ ч умартаж болохгүй. Харилцаа холбоо эргэн сэргэж хэвийн байдалдаа орно. Зөн билэг, мэдрэмждээ итгэн ажил хэргээ урагшлуулаарай. Хэт түрэмгий байж өөрийн дураар загнах нь зөвхөн уур хилэнг хөдөлгөн урам хугарахаас өөр үр дүнг авчрахгүй.
ЖИНЛҮҮР (9/23-10/22)
Амьдралдаа сэтгэл хангалуун бус байх нь бүх зүйлд сөргөөр нөлөөлөх болно. Тиймээс бүх асуудлыг сайтар нягталж амьдралаа хэвийн болгохыг хичээ. Хэдийгээр таны хувийн харилцаанд асуудал үүсч болох ч зүрх сэтгэлээ дагахыг хичээ. Хүүхдүүдтэйгээ болон хайрттайгаа харьцах харьцааг эелдэг сайхан байлга. Сайхан бэлэг авч хүүхдүүдээ баярлуул. Сүм хийдэд очиж, бясалгал залбирал үйлд. Найз нөхдөө гэртээ урьж сайхан хоол ундаагаар дайлж зугаацан, тэдэнд ч бэлэг өгч баярлуул.
ХИЛЭНЦ (10/23-11/21)
Өнөөдөр таны бусдад өөрийгөө илэрхийлэх байдал бүтээлч санаачлагын илэрхийлэл болох юм. Энэ өдрийн нарыг өөрийнхөө холын мөрөөдлийг бодож угт. Магадгүй та өнөөг хүртэл тийм ч хүссэн замаараа яваагүй байж. Амар хялбар ажлын төлөө үүрэг, хариуцлагаа хүсэл мөрөөдлөө умартаж байсан бол одоо үүнийгээ засах цаг болжээ. Сайн эргэцүүлж тунгаах нь хамгийн зөв арга юм. Таны хувьд өөрчлөлт шинэчлэлт хийх цаг болсон байна. Энэ өдөр аж ахуйн ажлаас бүү хойш суу. Гэр бүлтэйгээ ойр байж, өөрийн гаргаж байсан алдаагаа засахад оройтохгүй.
НУМ (11/22-12/21)
Цэвэр агаарт сайхан амарч, бүтэн нойртой байвал хэцүү өдрүүдийн ачааллаас гарахад тустай. Гэхдээ од эрхэсийн нөлөөгөөр гэр бүлийн амьдралд таагүй зүйлс учирч болэошгүй. Маргалдаж, та хоёр өөр өөрсдийн байр суурийг хамгаалан зогсох болно. Өөрийг тань шүүмжлэхэд бүү марга, бүү доромжил. Аль болох тайван байж сайхан амрахад энэ өдрийг зориул.
МАТАР (12/22-1/19)
Таны нийтэч харьцаа албан ажилдаа шат ахих нөхцөлийг бүрдүүлнэ. Идэвх санаачлагатай байж ямар ч тохиолдолд ухрахгүй байх боломжийг ашигла. Аялж зугаалахад таатай. Салхинд найз нөхөд эсвэл түншүүдийн хамт гарч цагийг сайхан хирнээ үр бүтээлтэй өнгөрөөхийг хичээ. Гэр бүлийн харьцаа хурцдаж болзошгүй. Та зарим нэг зүйлийг уучлах хэрэгтэй болно. Ойр дотныхоо хүмүүстэйгээ илэн далангуй харьцвал энэхүү сөрөг хандлага багасна.
ХУМХ (1/20-2/18)
Хэрвээ ойр дотны хүмүүстэйгээ харилцах харилцаа асуудалтай хэвээр байгаа бол өнөөдөр үл ойлголцлоор дүүрэн өдөр байх болно. Харин урьд өдрүүдийн таатай хандлагыг ашиглаж чадсан бол өнөөдөр жинхэнэ хайрын өдөрлөг болно. Эцэг эх хумхууд хүүхдүүдтэйгээ цагийг хөгжилтэй өнгөрөөх бөгөөд хамтдаа гадуур зугаал. Тэдний үгийг анхааралтай сонсож тулгамдсан асуудалд нь цаг алдалгүй дотноор зөвлө. Найз нөхөд, хамаатан садангуудтайгаа уулзсанаар цагийг маш хөгжилтэй өнгөрүүлэх болно.
ЗАГАС (2/19-3/20)
Өдрийн эхний хагасыг байгаль дэлхийд, өдрийн үлдэх хагасыг гэртээ гэр бүлийнхний хүрээнд өнгөрүүлээрэй. Эмзэг, мэдрэмтгий хүмүүс эргэн тойронд тань байгаа тохиолдолд анхаарал сайн тавь. Гэр бүлийн санаа зовоосон асуудлаа сайтар ярилцаж шийдвэрлэхийг хичээ. Итгэж найддаг гэр бүлийн ахмад гишүүн дээрээ зочил. Од эрхэсийн нөлөөгөөр та хайртай хүндээ хайрлуулж, төрөлх гэрээ орхихыг хүсэх ба энэ өдрийн оддын энерги танд маргаангүй гайхалтай мэдрэмжийг авчрах болно. Хэтэрхий их халамж таны ойр дотны хүнд хэцүү санагдаж магад тул анхаар. Тиймээс болгоомжтой, хянамгай харилцаа хий.
