Articles for 17.03.2016 » www.Choibalsan.mn

Дорнод аймагт нохойн махаар хоол хийн зарж байна уу?

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Дорнод аймагт нохойн махаар хоол хийн зарж байна уу?

Author: magnai on 2016/03/17, 19:21 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Хэрлэн сумын Засаг дарга бөгөөд Чойбалсан хотын захирагч П. Мөнхтөр цахим хуудсаараа дамжуулан нэгэн цочирдом мэдээллийг бичсэн байна. Уг мэдээлэл нь "Шинэ хөгжил" цогцолбор сургуулийн дэргэдэх хуучнаар сүүний үйлдвэрийн барилга дотор нохой алж махыг нь шулж машиндан зарж байна гэсэн мэдээллийн дагуу газар дээр нь очиж шалгалаа, иргэдийн мэдээллийн мөрөөр зохих арга хэмжээг авч шийдвэрлэх болногэсэн байна. Үнэхээр ийм үйлдэл хийгдэж байсан нь нотлогдвол хуулын хүрээндэрүүгийн хуулийн 172.1.Үйлдвэрлэл, үйлчилгээ, худалдааны байгууллага, иргэн эрүүл ахуйн шаардлага хангаагүй хүнсний бүтээгдэхүүнийг худалдсанаас бусдын эрүүл мэндэд хохирол учруулсан, эсхүл удаа дараа худалдсан, худалдаанд гаргасан бол хөдөлмөрийн хөлсний доод хэмжээг нэг зуугаас хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл таван жил хүртэл хугацаагаар хорих ял шийтгэдэг юм байна.

Тэгэхээр цөөхөн хэдэн монголчууд бид 60 гариу сая малтай"магнаг болсон” малын махаа ч биш хаа хамаагүй тэнэж, олдсон хог хаягдлаар өдөр, оройн "зоог” барьдаг нохойн махаар хооллож байна гэлтэй. Цаашид иргэд бид сонор сэрэмжтэй байж ядаж нохойн махаа ялгаж сурах хэрэгтэй болж байх шиг байна.Нохойн мах нь өнгө зүс, үнэр зэрэг гадаад шинжээрээ малын махнаас ялгагддаггүй аж. Үүнтэй холбогдуулан Нийслэлийн мэргэжлийн хяналтын газраас ялгах шинж тэмдгүүдийг олон нийтэд мэдээлж байна. Тухайлбал, хонь, ямааны шулсан махыг бодвол нохой нь мөч богинотой, жижиг ястай байдгаас мах нь биеийн аль хэсгийнх нь мэдэгдэхгүй хэсэг хэсэг тасархай байдаг аж.

Мөн нохойн махыг чанах үед эвгүй, өвөрмөц үнэр гарах ба шөлөнд хөвөх тос нь саран хэлбэртэй байдаг гэнэ шүү.

www.choibalsan.mn

More 956 0

Category: Мэдээ мэдээлэл, Ноцтой мэдээ, Нутгийн мэдээ

Дэлхийн "Геннис" орон

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Дэлхийн "Геннис" орон

Author: munkhbat on 2016/03/17, 17:21 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

"Туйлшрал” гэж аюултай зүйл шүү. Гэвч үүнийг хамгийн гарамгай, хамгийн чадмаг хэрэгжүүлж байгаа улсаар Монголчууд тодорч магадгүй. Тэгвэл үүнийгээ ч бас "геннисийн амжилт”-аар бүртгүүлчихвэл яасан юм -

Сүүлийн үед "геннис” гэж ирээд л хошуурах болж. Хэзээ ч, хаана ч давтагдахгүй үнэт зүйл манайд, Монголд их бий л дээ. Гэхдээ нийт олноороо, төр засгаараа хошуурч, төсөв мөнгөө зарлагадан шоудах хэрэг байсан уу, үгүй юу. Хямарчихлаа гэж яриад байгаагүй билүү. Тэгсэн 10000 тэмээ геннист бүртгүүлэх гээд яасан их хөрөнгө мөнгө зарлагадана вэ. Геннист бүртгүүлчихээр тодорхой хэмжээний шагнал, тогтмол тэтгэмж авдаг гэх. Гэвч үүнээсээ илүү зардал гаргаж "хөөрцөглөх” шаардлага байсан уу.

2222 морин хуурч, 4000 гаруй хурдан морь, 6000 бөх, 10000 тэмээ яасан ч баярхуу, яасан ч онгироо юм. "Ходоод нь хоосон” байж л хийрхээд байх юм. Одоо өөр юугаа бүртгүүлэх вэ. Нэрэлхүү зангаа юу, баярхуу зангаа юу, эсвэл хотын захаар талх таллаж, шулссан ясаар хоног төөрүүлж байгаа иргэд ээ юу. Жалга, довоороо талцдаг аминч үзлээ ч бас бүртгүүлчихэж болох юм. Намчирхал, авлига, албан тушаалын хэнээрхэл, дарганцарууд, богино хугацаанд хамгийн олон хүн ажилгүй болж, давхарга буурсан гээд "геннис”-т бүртгүүлчихмээр амжилтууд олон байна шд.

Хар бараан байна уу. Тэгвэл цөөхөн баячууд нь дэлхийд хөрөнгө орлогоороо тэргүүлдэг улсуудтай өрсөлдөөд "геннис”-ийг авчих л даа. Эсвэл цүнх сайн барьж чадвал албан тушаалд очдог бялдууч зангаа дэлхийд мөнхөлье. Манайд чинь мөнхрүүлмөөр, бүртгүүлчмээр зүйл олон байгаа биз дээ.

Тэгээд л түүнээсээ ашиг олоод л улс орноо хөгжүүлээд л сууж байя. Төр засаг гэж байгаад ч яах юм. Түүний оронд геннист бүртгүүлэх хороо ч юм уу, нэг тиймэрхүү зүйл байгууллаад л хотол олноороо геннисдээд л сууж байя. Татвар, татаас, төсөв хөрөнгөө зөвхөн геннист бүртгүүлэхэд л зориулаад л. Ингээд л туйлшраад байя. "Туйлшрал” гэж үнэхээр аюултай зүйл шүү. Гэвч үүнийг хамгийн гарамгай, хамгийн чадмаг хэрэгжүүлж байгаа улсаар Монголчууд тодорч магадгүй. Тэгвэл үүнийгээ ч бас "геннисийн амжилт”-аар бүртгүүлчихвэл яасан юм.

Хамгийн гол нь геннис бүртгүүлчихээр ямар ашиг тустай вэ. Нэг номонд нэрээ бичүүлэх юм байна. Тэгээд нэг өргөмжлөл авах нь. Тогтмол геннисээс тэтгэмж авч магадгүй. Улс орны нэр дэлхийд гарах юм гэнэ. Энэ ч үлгэр биз. Харин энэ бүгдийг хүртэхийн тулд баян, цатгалан орон аашилж, хөөрцөглөж байгаад л асуудал нь бий. Монгол гэдэг нэрийг хамгийн олон удаа геннист бүртгүүлчихээр би, бидний амьдрал дээшилж, улс орон минь цэцэглэн хөгжих бол эсэргүүцэж, буруутгахгүй л дээ. Даанч хэдэн дарга нар төсвийн мөнгөөр найрлаж, геннист бүртгүүлэх нэрээ эвтэйхэн шоудчихаад байхад яаж ч дуугүй өнгөрөх билээ. Бусад оронд геннист бүртгүүлэх үйл ажиллагаанд төр засаг нь хутгалдаад явахгүй л юм. Тэгсэн манайд болохоор төр засаг нь манлайлаад л, төсөв хөрөнгө зарлагадаад л "цацлаад” л... Нэртэйгээр нь дэлхийн "геннис орон" болчихмоор юм даа.

Амар

More 450 0

Category: Мэдээ мэдээлэл, Нийтлэл

Р.ГАНБААТАР: ХҮНИЙ ГАВЛЫН ЯСЫГ НЭЭХГҮЙГЭЭР ХАГАЛГАА ХИЙНЭ ГЭХЭД ОЛОН ХҮН ЭРГЭЛЗСЭН

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Р.ГАНБААТАР: ХҮНИЙ ГАВЛЫН ЯСЫГ НЭЭХГҮЙГЭЭР ХАГАЛГАА ХИЙНЭ ГЭХЭД ОЛОН ХҮН ЭРГЭЛЗСЭН

Author: munkhbat on 2016/03/17, 16:33 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Монгол улсад хүний гавлын ясыг нээхгүйгээр, тэр ч бүү хэл унтуулахгүйгээр судсан дотроос нь хагалгаа хийж, эмчилдэг болоод жил гаруйн нүүрийг үзэж байна. Энэ төрлийн хагалгаа нь дэлхий дахинд харьцангуй сүүлд хөгжиж эхэлсэн залуу салбар гэгддэг ч манай эмч нар цаг алдалгүй энэ төрлийн хагалгааг хийж эхэлсэн нь бахархууштай. Ингээд энэ асуудлаар "Шастины нэрэмжит гуравдугаар төв эмнэлэг”-ийн Мэдрэлийн мэс заслын их эмч Р.Ганбаатартай ярилцлаа.

-Тархины судсан доторх мэс заслыг Монгол улсад хэзээнээс хийж эхэлсэн бэ?
-Тархины судсан доторх мэс заслын энэ салбар дэлхий дахинд эрчимтэй хөгжиж байгаа харьцангуй залуу салбар. Бидний хувьд энэ хагалгааг Монгол улсад 2014 оны 12 дугаар сараас Монгол эмч нар өөрсдөө бие даан хийж эхэлсэн. Урьд нь 1980-аад оны үед манай мэдрэлийн мэс заслын зөвлөх эмч Б.Батчулуун Украйн улсад сурч ирээд нилээн хэдэн тохиолдолд латексан баллон ашиглан анх удаа хийсэн байдаг. Одоо энэ төрлийн мэс заслуудын арга техник, хэрэглэх багаж материалууд улам боловсронгуй болсон. АНУ-ын тусламжаар мянганы сорилтын сангийн санхүүжилтээр хамгийн сүүлийн үеийн тархины судасны мэс засал болон оношлогоо хийдэг ангиографын аппарат 2013 онд манай эмнэлэг дээр суурилагдсан нь энэ мэс засал Монголд жинхэнэ утгаараа хөгжих боломж нээгдсэн. Яг ийм түвшний аппарат бусад өндөр хөгжилтэй орнуудад ашиглагддаг. Энэ жил Монголын мэдрэлийн мэс заслын тасаг байгуулсаны 50 жилийн ой болох гэж байна. 50 жилийн өмнө Монголд анх удаа зөвлөх эмч Хайрулла багш маань тархины мэс заслыг нээлттэй аргаар амжилттай хийж өнөөдөрийн түвшинд хүртэл хөгжсөн байна. Иймээс Монголын мэдрэлийн мэс заслын хөгжилд өөрийн зүгээс нэг алхам хийж байгаадаа баяртай байгаа.

-Анхны хагалгаанууд хэр амжилттай болсон бэ?
-Миний хувьд ОХУ-ын Москва хотод Н.Н. Бурденкогийн нэрэмжит Мэдрэлийн мэс заслын институтэд 2010-2014 тархины судсан дотуур мэс заслын чиглэлээр аспирантурт суралцаж ирсэн. Монголд ирэхдээ уг мэс засалд хэрэглэгддэг багаж хэрэгсэлүүдийг 3 жил гаруйн хугацаанд бага багаар цуглуулсаар авчирсан. Урьд өмнө нь уг хагалгаанууд Монголд хийгдэж байгаагүй учраас өвчтөнгүүд байтугай эмч нар ч энэ мэс заслын эмчилгээний талаар мэдээлэлгүй байсан. Ингээд бид нар 2014 оны 11 дүгээр сараас эхлэн хагалгааны явцад цус их алдсаны улмаас авч чадаагүй маш их судаслаг, тархины суурь хэсгийн том хэмжээтэй хавдруудын судсыг таглан цус алдахгүй болгож хавдрыг бүрэн авч эхэлсэн. Одоо бол урьдчилж судсыг бөглөөд хавдрыг шууд авдаг болсон. Эмчлүүлсэн хүмүүс гар хөл нь сулрал өгөөгүй бүрэн эдгэж гарсан. Мөн тархинд цус харвадаг судасны эмгэг сүлжээрэл гэж өвчин байдаг. Урьд нь энэ өвчинг Монголд тархийг нь зүсэж хагалгаа хийдэг байсан. Ийм хагалгааны явцад маш их цус алддаг, цаашлаад тухайн өвчтөн тахир дутуу болох, нас барах эрсдэл өндөр байдаг. Харин бид тархийг нь нээлгүйгээр судсан дотроос нь судсыг нь тусгай цавуугаар нааж эмчилж эхэлсэн. Эмчилгээний дараа 2-3 хоног болоод ямар нэг нэмэлт эмчилгээ хийлгэх шаардлагагүй бүрэн эдгэж эмнэлгээс гардаг.

-Тархины судасны ямар өвчнүүдийг энэ аргаар эмчилж болдог вэ?
-Ерөнхийдөө бол тархины судсан дотуур хийгддэг учир тархины судастай холбоотой ихэнх эмгэгүүдийг эмчилдэг гэсэн үг. Үүн дотроос хамгийн их тохиолддог өвчнүүд бол цус харваж хүндэрдэг тархины судасны цүлхэн(аневризм), судасны эмгэг сүлжээрэл(мальформаци), судасны бөглөрөл(тромбоз), нарийсалтууд(стеноз) юм. Мөн тархины хэт судасжсан хавдар болон төрөлхийн судасны олон гажгуудыг эмчилдэг.

-Одоогоор хэчнээн хүнд судсан доторх мэс засал хийгээд байгаа вэ?
-Хийж эхэлснээс хойш жил гаруйн хугацаанд бид тархины судасны 7 төрлийн өвчнийг судсан дотуурх мэс заслын аргаар өнөөдрийн байдлаар 32 хүнд ажилттай хийгээд байна. Цаашид ч шинээр хийхээр төлөвлөсөн тархины судасны өвчнүүд байгаа.

-Дэлхийд харьцангуй залуу салбар, иргэдийн дунд энэ төрлийн ойлголт байхгүй ийм хагалгааг Монголд хийж эхлэхэд ямар асуудлууд тулгарч байв?
-2015 оны 6 сараас дотоодын компани уг материалуудыг албан ёсоор оруулж ирдэг болсон нь бидний ажилд том түлхэц болсон. Эдгээр нь өнөөдөр өндөр хөгжилтэй орнуудад адилхан хэрэглэгдэж байгаа хамгийн сүүлийн үеийн мэс заслын шинэ бүтээгдэхүүнүүд юм. Энэ төрлийн хагалгааг Монгол эмч нар өөрсдөө бие даан хийж болдгийг харуулах, үр дүн давуу талыг үзүүлэх, эмчлүүлэгсдэд энэ талаар мэдээллийг зөв өгч ойлгуулах зэрэг шаардлага гарч байсан. Ийм мэдээлэлгүйгээс манай иргэд гадаад оронд асар их зардал гаргаж эмчилгээнд явах, бололцоогүй нэг нь Монголд эмчлэх боломжгүй өвчин гэж өвдөж шаналан зарим нь тусламж авч чадалгүй нас барж байгаад сэтгэл өвдөж явдаг.

-Эдгээр хагалгааг зөвхөн манай эмч нар бие даан өөрсдөө хийж байна уу? Аль эсвэл гадны мэргэжилтэн урьж хамтарч хийж байна уу?
- 2015 оны зургаадугаар сард манай зөвлөх Б.Батчулуун эмч БНСУ-ын мэдрэлийн мэс заслын энэ мэргэжлийн профессор Ким Юн Жонг надтай танилцуулсан. Солонгосын DANKOOK сургуулийн эмнэлэг манай эмнэлэгтэй санамж бичиг солилцон хамтран ажиллах болсон нь бас нэг завшаантай хэрэг болсон. Ингээд 2015 оны 7 сараас нэлээд нарийн хүнд хагалгаануудыг хамтран хийсэн. Бие даан өөрсдөө ч хийж байгаа. Ким профессороос хүнд тохиолдлуудаа зөвлөгөө авдаг. Бас ОХУ-ын багш нараасаа ч зөвлөгөө авдаг.

-Гадаад оронд мэс засал эмчилгээ их өндөр үнэтэй хийгддэг. Харин Монголдоо энэ мэс заслыг хийлгэхэд ямар хэмжээний зардал гарах вэ?
-Энэ мэс заслын материалууд нь шинжлэх ухааны хамгийн сүүлийн үеийн технологийг ашиглаж хийгддэг бичил багаж хэрэгсэл байдаг учир өөрөө их үнэтэй. Нэг хагалгаанд тухайн хүний өвчний байдлаас шалтгаалан хэрэглэгдэх материалуудын үнэ хамаардаг. Гэхдээ гадаадад хийгддэг энэ төрлийн хагалгаанаас даруй 3-4 дахин хямд өртгөөр хийж байгаа. Энэ нь зөвхөн тухайн хагалгаанд хэрэглэгдсэн материалын үнэ л байдаг. Эмнэлгийн үйлчилгээ нь Монголд өөрөө үнэгүй шүү дээ. Энэ нь мэс заслын төлбөр биш юм. Гадаад оронд бол зөвхөн энэ төрлийн мэс засал 60-70 сая төгрөгнөөс дээш үнэтэй хийгддэг. Үүн дээр замын зардал зочид буудал гэх мэт зардлуудыг тооцвол их тоо гарах нь ойлгомжтой.

-Уг хагалгааны явц их сонирхолтой санагдаж байна л даа. Нээхгүйгээр, зүсэхгүйгээр эмчилнэ гэхээр санаанд буухгүй юм?
Энэ мэс заслыг хийхэд цавины хэсэгт гуяны артерыг цоолоод тусгай чиглүүлэгч гуурс тавьж өгдөг. Тэр гуурсныхаа дагуу тусгай жижиг бичил гуурсууд оруулна. Эдгээр гуурсуудаа хэвлийн болон зүрхний гол судсаар оруулж, цаашлаад тархины судсанд хүргэнэ. Эндээсээ бүр цаашилж тархины гүний судсанд оруулан эмгэгтэй хэсэгтээ хүрч мэс засал эмчилгээг эхэлдэг. Судсан дотор хана өвдөлт мэдэрдэггүй тул унтуулах шаардлага байдаггүй. Зарим удаан хугацаагаар үргэлжлэх, хэцүү мэс засал болон хүнд өвчтөнийг бол нойрсуулж байж хагалгааг хийдэг.

Москва явж суралцахаасаа өмнө энэ хагалгаа надад бол үнэхээр мөрөөдөл байсан. Хүний гавал тархийг нээхгүйгээр, унтуулахгүйгээр судсан дотроос нь мэс засал хийж эмчилнэ гэдэг бол маш гайхалтай байсан. Монголд зөвхөн энэ аргаар эмчлэх шаардлагатай өвчтөн их тохиолддог байсан. Тиймээс л сурч ирэхээр зорьсон доо. Манай мэдрэлийн мэс заслын хамт олон, тэр үеийн эмнэлгийн захиргаа дэмжсэн. Одоо бол Монгол улсад мэдрэлийн мэс заслаар бүрэн шийдэж чадахгүй байгаа судасны зарим өвчнүүдийг бид өөрсдөө эмчилдэг болж эхэлж байна. Дэлхийн анагаах ухааны хөгжлөөс хол хоцрохгүйг л хичээж байна даа.

-Хагалгааг хийж эхэлсэн жил гаруйн хугацаанд үр дүнг та юу гэж харж байна, үйлчлүүлэгчдийн сэтгэл ханамж хэр байна вэ?
Уг хагалгаанд хэрэглэгдэх материалын зардал өндөр гарч байгаа юм шиг боловч мэс засал нь өвчтөний амьдралын чанарт нөлөөлөх эрсдэл харьцангуй бага, үр дүн сайтай, цаашдын эмчилгээний зардал маш бага байдаг нь үйлчлүүлэгчийн сэтгэлд их нийцдэг. Одоо дэлхий анагаах ухааны хөгжлийн чиг хандлага эрсдэл, хүндрэл багатай, үр дүн өндөртэй, сүүлийн үеийн технологийн дэвшлийг ашигласан эмчилгээнүүдийг сонгож байна. Уг хагалгаа нь тахир дутуу болох эрсдэл багатай, гоо сайхны талаасаа ч тэр тархинд зүслэг хийхгүй, цаашдын эмчилгээ бага шаарддаг давуу талтай.

-Хагалгааны дараа өвчтөнүүдийн биеийн байдал хэр хугацаанд тэнхэрдэг вэ, хагалгаа хийлгэснээр бүрэн эдгэрдэг үү?
-Хагалгааны дараа ихэнхдээ бүрэн эдгэрдэг гэж хэлж болно. Харин өвчтөний биеийн байдал, онош, өвчнийхөө хүндрэлээс шалтгаална. Харамсалтай нь Монголд тархины судасны цүлхэн гэдэг энэ өвчтэй хүмүүс маань хүндэрсэн үедээ ирээд байна л даа. Тиймээс сэхээн амьдруулах, тархины үйл ажиллагааг сэргээх эмийн эмчилгээнд хугацаа орох болдог. Тархины судасны өвчнүүд нь ямар нэг байдлаар харвалт өгч хүндрээгүй бол хагалгаа хийлгээд 2-3 хоноод эмнэлгээс гарах боломжтой байдаг.

-Хагалгааг хийж эхэлснээр Монголд эмчлэх боломжгүй гэгдэж байсан өвчнүүдээс хэдийг нь дотооддоо эмчлэх боломж бүрдсэн бэ?
-ЭМСЯ-ны сайдын тушаалаар мэдрэлийн мэс заслын чиглэлээр Монголд эмчлэх боломжгүй гадаад оронд явуулж эмчлүүлдэг долоон төрлийн өвчнөөс хоёрыг нь дотооддоо эмчилдэг болж байна. Тархины нээлттэй мэс заслын явцад хүндрэл гарах аюултай судасны зарим хагалгааг хүндрэл багатай бүрэн эмчилдэг болж байна. Тархины цус харвалтад хүргэдэг олон өвчнүүдийг эмчлэх бүрэн боломжтой болж байгаа юм.

-Дэлхий нийттэй харьцуулахад манайд энэ төрлийн өвчний тохиолдол ямар хэмжээнд байна вэ?
-Монгол улсад тархины цус харвалтын тохиолдлыг хүн амын тоотой харьцуулбал өвчлөл хамгийн өндөртэй орнуудын тоонд ордог.Үүнд монголчууд өөх тостой хоол маш ихээр хэрэглэдэг, мөн цаг агаарын эрс тэс уур амьсгал, амьдрах орчин, стресс, буруу зуршил нөлөөлж байна. Энэ нь судасны хатууралд хүргэн, артерийн даралт ихсэх өвчин үүсгэх нөхцөл болдог. Энэ нь тархины судсыг гэмтээдэг аажмаар цус харвалтад хүргэдэг. Хамгийн харамсалтай нь энэ өвчин жилээс жилд ихсэж улам их залуужих хандлага байгаа юм.

-Тархины цус харвалтаар өвчилж байгаа хүмүүсийн нас залуужиж байна гэлээ. Энэ хугацаанд хагалгаанд орсон хүмүүсийн насны хувьд ямар байсан бэ?
Манай мэдрэлийн эмч нарын явуулсан хот дүүрэг тус бүр дээр хийсэн тархины цус харвалт өвчний талаарх судалгаанууд байдаг. Энэ бүх судалгаануудын дүн ойролцоо байсан. Монголчуудын дунд цус харвах өвчний тохиолдол бусад орнуудтай харьцуулахад өндөр үзүүлэлттэй, залуужих хандлагатай, ид хөдөлмөрийн насны хүмүүсийн өвчлөл их байна гэж дүгнэсэн байдаг. Манай эмнэлэг дээр 25, 35 насны залуучууд хүртэл цус харвалт болоод ирж эмчлүүлж байна. Хагалгаанд орж байгаа хүмүүсийн хувьд 25-55 насныхан дийлэнх байна.

-Тархины цүлхэн өвчний талаар тайлбарлаж өгнө үү?
Энгийн үгээр хэлбэл амьдралын явцад судасны ханын хэвийн бүтэц нь эвдрэл үүсэж судасны хана нь даралтын улмаас сунаж цүлхийн маш нимгэн болдог. Цусны даралт ихсэхэд тэр хэсгээрээ урагдаж тархи руу цус юүлэгдэн нас баралтаар төгсдөг аюултай өвчин юм. Энэ өвчин нь ямар ч шинж тэмдэг илрэхгүй явагддаг ба 40-55 насанд голчлон цус харвалтаар илэрч оношлогдож байна. Үхэл өндөртэй, зөвхөн тархины маш нарийн мэс заслаар эмчлэгддэг. Эмээр эмчлэх боломжгүй. Олон улсад энэ өвчний талаар хийгдсэн олон судалгаанууд байдаг. Эдгээрээс бодоод үзвэл 3сая хүн амтай Монгол улсад тархины судасны цүлхэнтэй 30000 өвчтөн байх магадлалтай. Үүнээс жил бүр 350-450 хүн зөвхөн энэ өвчний улмаас цус харвадаг байна. Манай мэдрэлийн мэс заслын тасагт энэ хагалгааг жилд 200 гаруй хүнд хийдэг гэж үзвэл цаана нь 200 орчим хүн тусламж авч чадахгүй нас барж байгаа тоо харагдаж байгаа юм. Ийм учраас цүлхэн хагарахаас нь өмнө судасны нарийн оношилгоо хийлгэж нээлттэй болон судсан дотуурх мэс заслын аль тохирохыг нь сонгон хийлгэвэл аюулаас зайлсхийж чадах юм. Гадаадын өндөр хөгжилтэй орнуудад 80%-д нь эхлээд эрсдэл багатай судсан дотуурх мэс заслын аргыг сонгож хийдэг. Энэ аргаар эмчлэх боломжгүйг нь гавал ясыг нээж тархинд мэс засал хийдэг болсон. Голчлон хагарахаас нь өмнө оношилж эмчилж байна. Манай улс ийм түвшинд хүрэхийн тулд эрүүл мэндийн даатгалын зөв тогтолцоо шаардлагатай. Монголд бол 300-400 мянган төгрөгийн оношилгоог ч хүмүүс тэр бүр хийлгэж чадахгүй байна шүү дээ.

-Уг өвчнөөс хэрхэн яаж урьдчилан сэргийлэх вэ?
- Хүмүүст эрүүл мэндийн мэдээлэл сайн өгөх, хувь хүн эрүүл мэнддээ онцгой анхаарал тавих шаардлагатай. Сүүлийн жилүүдэд анагаах ухааны дэвшилтэт технологи аппаратууд Монголд нэвтэрч оношилгоог цаг алдалгүй бүрэн хийх боломжтой болж байна. Өвчтөний амь насанд шууд хүрдэг тархины судасны энэ аюултай өвчнүүд нь амьдралын явцад аажмаар үүсдэг, огт зовиургүй эсвэл бага зэргийн толгой өвдөлттэй яваад байдаг. Цусны даралт ихсэлтээ хайхардаггүй. Зарим тохиолдолд удамшдаг. Иймээс хүмүүс энэ тал дээр анхаарал тавих хэрэгтэй. Нэг гэр бүл, ойрын хамаатнуудын дунд 2 болон түүнээс дээш судасны цүлхэний тохиолдол гарвал тэр гэр бүлийн бүх гишүүд тархины судасны бүрэн оношлогоонд орох шаардлагатай байдаг. Хэрэв урьдчилаад компьютер томографи болон соронзон томографийн аппаратаар тархины судсыг нарийн оношлогоо хийвэл цус харваж хүндрэхээс нь өмнө эрт илрүүлж эмчлэн тахир дутуу болохгүй бүрэн эдгэж болдог.

-Ярилцсанд баярлалаа

Б.Сансартуяа
olloo.mn

More 384 0

Category: Мэдээ мэдээлэл, Хүмүүс, Ярилцлага

Ц.Цолмон: Оюутан цэрэг хөтөлбөрт 1000 оюутан хамрагдана

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Ц.Цолмон: Оюутан цэрэг хөтөлбөрт 1000 оюутан хамрагдана

Author: munkhbat on 2016/03/17, 16:27 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

"Монгол цэргийн өдөр”, Зэвсэгт хүчний 95 жилийн ойг тэмдэглэн өнгөрүүлэх хүрээнд ямар ажил хийж байгаа талаар Батлан хамгаалахын сайд Ц.Цолмон "Сайдын цаг”-аар мэдээллээ.

2015 онд "Батлан хамгаалах бодлогын үндэс” бодлогын баримт бичиг шинэчлэгдэн батлагдсан. Энэ баримт бичигт орсон өөрчлөлт шинэчлэл, түүний онцлог, батлан хамгаалах бодлого, үйл ажиллагааны хэрэгжилтийн талаар Зэвсэгт хүчний ангиуд, салбарын харъяа нэгж байгууллагын алба хаагчдад танилцуулж байна.

"Эх орны цэрэг” яруу найргийн наадмыг 26 дахь жилдээ зохион байгууллаа. "Зэвсэгт хүчний сургалтын тогтолцоонд хийсэн шинжилгээ” сэдэвт эрдэм шинжилгэний хурал, ахмад, залуу гурван үеийн уулзалт болжээ.

Өнөөдөр нийслэлийн таван цэгээс Улаанбаатар цэргийн хүрээний анги, байгууллагын Үлээвэр хөгжимчид хөгжимтэй парад алхаж, монгол цэргийн сүр хүчийг хөг ая, эгшигтэй үзүүлнэ. Чингис хааны талбайд болох энэ жагсаалд ЗХЖШ-ын Үлгэр жишээ, үлээвэр найрал хөгжим, Зэвсэгт хүчний ангиудын найрал хөгжим, БХИС-ийн найрал хөгжим болон "Тэмүүжин-Өрлөг” сургуулийн сурагчид, ХХЕГ, ОБЕГ-ын нэгдсэн найрал хөгжим оролцож байна.

Монгол Улс бүх нийтээр цэргийн алба хаах тухай хуулийн заалтыг хэрэгжүүлж, нийт залуусыг цэргийн алба хаалгадаг тогтолцоонд шилжүүлэх арга хэмжээний хүрээнд "Оюутан цэрэг” хөтөлбөрийг гурав дахь жилдээ амжилттай зохион байгуулж байна. Цар хүрээг нь өргөтгөж энэ жил орон нутагт буюу Улаанбаатар хот, Ховд, Дорнод аймагт хэрэгжүүлэхээр бэлтгэж ажлыг хангаж байна. Хөтөлбөрийн сургалтад энэ жил 1000 оюутан хамрагдах боломжтой ажээ.

More 472 0

Category: Мэдээ мэдээлэл, Нийгэм

СҮНС ТАНЬ ТАНД ХЭЛЭХИЙГ ХҮСДЭГ 6 ҮГС

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

СҮНС ТАНЬ ТАНД ХЭЛЭХИЙГ ХҮСДЭГ 6 ҮГС

Author: munkhbat on 2016/03/17, 15:51 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Бид хэн бэ? Бид яагаад энд байгаа юм? Бид яг юу хийх ёстой билээ? Би хамгийн сайхан амьдралаар амьдарч байгаа юу? гэсэн асуултуудыг бид амьдралынхаа туршид тавьсаар ирсэн.

Амьдрал бүхэн өөрийн тань сүнстэй хамгийн ойрхон байх боломжийг агуулдаг урилга байдаг. Таны сүнс танд дараах зүйлсийг хэлэхийг хүсдэг.

ЧИ БАЙГААГААРАА ТӨГС.

Амьдралын хамгийн чухал зорилго бол үнэндээ өөрчлөгдөж хувьсахдаа бус харин ямар нэг зүйлийг хийсэн, хийгээгүй, хэлсэн хэлээгүй өөрөө өөртэйгээ эвтэй байхад оршдог. Өөртэйгээ эвтэй, дотооддоо амгалан оршихгүй байвал амгалан орших тэр зүгт хөдлөхийг сануулдаг.

2. ӨӨРИЙГӨӨ ОЙЛГОЖ УУЧИЛЖ БАЙ.

Бид асуудал, үйл явдалд ихэвчлэн хийж чадаагүй, амжаагүй зүйлсдээ үргэлж бухимдан өөрсдийгөө зүхэж, буруутгадаг. Харин сүнс тань танд "Тухайн мөчид миний мэдэж байснаар би үйлдэж, хамаг чадлаараа хичээсэн” гэж хэлэхийг хүсдэг.

3. АЛИВАА ЗҮЙЛИЙГ ГҮН МЭДРЭЭРЭЙ.

Бид зүгээр нэг үйл явдал, тохиолдлуудаар амьдралыг туулаад дуусах зорилгогүй. Болсон бүх үйл явдалд мэдрэмжээ сайн сонсож, түүгээр хариу үйлдэл үзүүлж байдгаараа өөрөөсөө хэр хол, ойр байгаагаа хардаг.

4. ЭНД ӨӨРИЙГӨӨ ХАМГИЙН ГЭГЭЭЛЭГ САЙХАН ЗҮЙЛСТЭЙ Л ХОЛБОХ ГЭЖ ИРСЭН.

Бид энд сайхан сэтгэл, баяр баясгалан, энэрэнгүй сэтгэлийн таашаалуудыг мэдрэх гэж ирсэн.

5. ЧИ ЭНД АМЬДРАЛЫН УТГА УЧРЫГ ОЙЛГОХ ГЭЖ ИРСЭН. ХАРИН ҮҮНИЙГ ЮУ ГЭЖ ОЙЛГОХ НЬ ЗӨВХӨН ӨӨРТ ЧИНЬ ХАМААТАЙ.

Яг үнэндээ юу туулж өнгөрүүлэхдээ бус, харин өөрийнхөө талаар юу мэдэрч байгаа нь хамгийн чухал юм. Бид хүрсэн амжилтандаа талархаж таашаал авахын оронд дараагийн зорилго руугаа ухасхийдэг. Харин амьдрал биднээс үүнийг хүсдэггүй. Бид энд өөрсдийгөө мөч хором бүрт мэдэрч өөрийн мөн чанарын гайхамшгийг мэдрэхэд л зориулагдсан юм.

6. СҮНС ТАНЬ ОДОО ЦАГТАА АМЬДРААСАЙ ГЭЖ ТАНААС ХҮСДЭГ.

Бид одоо цагтаа амгалан орших цагтаа үнэхээр сонсож чаддаг. Бид сонсож байх үед юмсыг ухаарч тэр хэмжээгээр нээгддэг бөгөөд энэ үедээ л сүнсний билиг ухаантай хамгийн сайнаар холбогддог юм. Ийм ч учраас бид бясалгал хийж, байгальд байхдаа амар амгалан болж, аз жаргалтай байдаг. Эдгээр нь таны найрсаг энэрэнгүй сэтгэл, ухаалаг оюунлаг г.м. жинхэнэ чанарыг чинь таниулах боломжууд юм.

Бид зүгээр сонсох л хэрэгтэй.

More 366 0

Category: Мэдээ мэдээлэл, Танин мэдэхүй

Бясалгагчийн амьдрал...

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Бясалгагчийн амьдрал...

Author: munkhbat on 2016/03/17, 15:34 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Дилов хутагт Нарова шавьдаа өгсөн гэгээн хутагийн зүрхний дамжуулалтдаа "Үл дасхуй хийгээд үл ялгаварлахуйн зам нь бүх бурхадын мөрөө үүнийг дагасан хүн бурханы хутагийг олно" хэмээн дуулжээ. Үл дас, үл ялгаварла энэ бол амьдарсан шиг амьдар харин амьдрал дотор дасч битгий үлд гэсэн бүх бурхадын гэрээс юм. Гүүрээр гар харин гүүрэн дээр битгий үлд гэртээ оч гэсэн утгыг заадаг. Товчдоо би үзлээс сал гэсэн үг. Зовлонг гэтэлгэх хос жигүүр болсон үл дадагч зан, үл ялгаварлагч зан төрхийг гэгээрсэн хутагтуудын амьдралаас л олж харж болох юм. Үл ялгаварлаж, үл дасаж амьдарваас их даяанч таныг хамаг бурхад зүрхэн дотороос тань гэрчилж өөрсдийн эгнээндээ нэгдэх хаалгыг нэг л өдөр дотор зүрхнээс тань дэлгэн угтах болно. Аль болох зүрхэн дотроо даяанчилахийг хичээ. Зах дээр наймаа хийж байлаа ч зүрхний аглагт байж гэмээ нь их даяанч болно. Таны хором бүрийг тантай хамт бүх бурхад зүрхэн дотроос тань ажиглаж байгаа тул үл дасагч, үл ялгаварлагч болсон мэт хуурамч багийг зүүгээд нэмэргүй. Үл ялгаварлаж байна гээд тэвчээр үзүүлэх хэрэггүй. Харин оршхуйг ойлгож харьц. Бүх зүйлийн гоо сайхныг мэдэрч сур. Хүний муу зан чанар хэмээгдэх уур хилэн, шунал тачаалд ч гоо сайхан нуугддагийг сана. Харин тэр муу хэмээгдэх болсон учир нь хэмжээ нь жаахан хэтэрсэн үед муухай харагддагаас л тэр. Мөн аливаа өвчин зовлонгийн цаад утгыг таних хэрэгтэй. Таниж чадвал зовлон гэгч нь зовлон биш болно. Үл дасхуй хийгээд үл ялгаварлахуйн хос жигүүр тань хэрхэн ургаж, хэрхэн төлжиж буйг бурхад өөрт тань үзүүлэх шалгалт тестүүдийг хааяа нэг таниас авч байдаг. Орчин үед маш жижиг зүйлээр л шалгачихдаг болсон. Харин аливаад хэрхэн туйлширснаас нь болоод зарим хүнд чангахан шалгалтыг тавьдаг.

Энэтхэгийн их Загасны гэдэс гэгээн туйлшралаасаа болж хүндхэн шалгуур давсан хүний нэг юм. Уул нь Загасны гэдэс гэгээн Ариун даяанч нэртэй нэгэн байж л дээ. Тэрээр ууланд бясалгал даяан хийн ойр хавийн тосгодоос идээний өргөл хүртэн амьдарч байжээ. Нэгэн өдөр тосгоноос нэг эмэгтэй хоол авчирч өргөжээ. Ариун даяанч хоолны тагыг автал өмнөөс нь өмхий ханхалж, хөгцөрсөн хоол харагдаж гэнэ. Ариун даяанч тийм муу хоол авчирсанд тэр эмэгтэйд уурлажээ. Гэтэл тэр эмэгтэй "Иймхэн юмыг ялгаварлаж байж яаж үнэнийг таних билээ" гэчихээд агаарт уусах мэт замхарчээ. Ариун даяанч гэнэт оршхуйг сайн, мууд хувааж алдаа хийснээ ухаарч торгон жанчаа агуйн мухар луу шидэж орхиод далайн эрэг рүү очжээ. Тэнд тэрээр зөвхөн загасчдын хаясан загасны гэдэс, хаягдлаар хооллосоор оршхуйн үнэнийг таньж гэгээрчээ.

Монголд ч бас иймэрхүү сорилтод орж гэгээрсэн хүмүүс байдаг. Дээхнэ үед Завханы Идэрийн хүрээний хэдэн лам нар бясалгал нямбад сууж байжээ. Тэдэн дунд бусдаасаа номоор тааруу Балдан гэж нэг лам байж гэнэ. Түүгээр нэг зиндааны нөхөд нь тоглож зугаацдаг байж гэнэ. Балдан жижиг бор гэртээ өөрөө хоолоо хийж идээд хийд дээрээ очиж бясалгаж байжээ. Нэг өдөр Балдан гал дээрээ жижиг тогоо тавьж хонины толгой үүж орхиод хийд рүүгээ явжээ. Гэтэл нэг нөхөр нь гэрт нь орж гал дээрхи хонины толгойг мөлжиж хаячихаад оронд нь хойд энгэрт саяхан нутаглуулсан нэг хандмаагийн толгойг авирч тогоонд нь хийгээд явжээ. Орой Балдан гэртээ ирж гал дээрээс хоолоо гаргаж идэх гэтэл болсон хүний толгой байж гэнэ. Балдан түүнийг энэ агшинд бүх бурхадаас өгч буй бэлэг хэмээн үзэж айж эмээлгүй, мөлжиж идчихээд унтаж гэнэ. Тэр шөнө Балдан лам Сандуй бурханы дүрийг олж гэгээрсэн гэдэг.

Энэ хорвоогийн эд эс бүрт бурхад бий билээ. Бясалгалын лянхуа амьдралын гүнээс цэцэглэнэ. Цөөрмийн лянхуа шавар дотроос цэцэглэнэ.

http://buddhalight.blog.gogo.mn/

More 333 0

Category: Мэдээ мэдээлэл, Танин мэдэхүй

Сансар ба монгол хүн

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Сансар ба монгол хүн

Author: zulaa on 2016/03/17, 14:58 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Их зохиолч Д.Нацагдорж ид залуу, найргийн онгодоо халгиан шатаж явахдаа сансар огторгуйн тухай "Холхи газраас гялалзан харагдах өнгөт ододоо...

More 489 0

Category: Нийтлэл

"Найрамдал цэцэрлэгт хүрээлэн"-ийн эргэн тойронд...

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

"Найрамдал цэцэрлэгт хүрээлэн"-ийн эргэн тойронд...

Author: munkhbat on 2016/03/17, 14:55 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

"Найрамдал цэцэрлэгт хүрээлэн"-ийн эргэн тойронд Дорнод аймгийн Улсын тэргүүний 1-дүгээр сургуулийн П.Чимгээ багштай 6-В ангийн бяцхан дүү нар маань өөрсдийн авъяасаа ард иргэдэд сонирхуулж байна.
Урлаг, спорт, сурлага хөдөлмөрийн өндөр амжилт хүсье.

More 495 0

Category: Мэдээ мэдээлэл, Хүмүүс, Урлаг, Видео мэдээ

Санамж бичигт гарын үсэг зурлаа

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Санамж бичигт гарын үсэг зурлаа

Author: munkhbat on 2016/03/17, 14:41 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Энэ сарын 22нд тохиох Дэлхийн усны өдрийг тохиолдуулан ЦУНБХТ-ын захирал Ө.Сумъяабаатар, JCI ТББ-ын Конгресс салбарын ерөнхийлөгч Г.Сувд-Эрдэнэ нар хамтын ажиллагааны санамж бичигт гарын үсэг зурлаа. Тус санамж бичгийн хүрээнд "Цэнхэр алт төсөл"-ийг хэрэгжүүлэн, усны форум зохион байгуулж, олон нийтийн сүлжээгээр "Цэнхэр алтаа хайрлая" уриатай аян өрнүүлэхээр боллоо.

More 406 0

Category: Мэдээ мэдээлэл

"Монгол дайчид"-ын хөшөөнд цэцэг өргөлөө

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

"Монгол дайчид"-ын хөшөөнд цэцэг өргөлөө

Author: magnai on 2016/03/17, 13:23 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Монгол улсад орчин цагийн зэвсэгт хүчин үүсэн байгуулагдсаны 95 жилийн ой, Монгол цэргийн баярын өдрийг тохиолдуулан аймаг орон нутгийн удирдлагууд, Чойбалсан цэргийн хүрээний анги, нэгтгэлүүдийн захирагч нар Монгол улсынхаа тусгаар тогтнол, бүрэн эрхт байдлын төлөө амь насаа зориулсан дайчдад хүндэтгэл үзүүлэн "Монгол дайчид"-ын хөшөөнд цэцэг өргөлөө. Чойбалсан хотынхоо нийт цэргийн алба хаагчид, үе үеийн байлдагч, ахлагч, офицерууддаа болон нийт эрчүүддээ баярын мэнд хүргэе. Улсын сүр нь цэрэгтээ
Цэргийн сүр нь жагсаалдаа. Монгол цэргийн яруу алдар бадартугай..

Палам Мөнхтөр хуудаснаас

More 670 0

Category: Маршалын булан, Онцлох мэдээ, Мэдээ мэдээлэл

1 2 3 4