Articles for 21.04.2017 » www.Choibalsan.mn

БУЙР НУУР

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

БУЙР НУУР

Author: tonshuul on 2017/04/21, 19:46 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Дорнод аймгийн Халхгол сумын төвөөс баруун хойш 65 км-т Буйр нуур бол манай орны хамгийн олон үйл загастай нуур юм. Буйр нуур нь тектоникийн гаралтай боловч эргийн хэв шинжийн байдлаар нь хээр талын нуурт хамааруулж болно. Хамгийн урт нь зүүн хойноос баруун урагш 40 километр, өргөн нь 21 километр, эргийн шугамын урт 118 км, ус хураах сав газрын талбай 20200 хавтгай дөрвөлжин километр, 615 хавтгай дөрвөлжин километр талбайтай манай орны 5 дахь том нуур юм. Нуурын усны гүний дундаж 6 метр бол хамгийн гүн хэсэгтээ 16 метр хүрдэг. Буйр нуур далайн түвшнээс дээш 583 метр өндөрт өргөгджээ.

Буйр нуурын тэгш талархаг газар байдаг тул эргийн шугам маш жигд булан тохой цөөтэй. Буйр нуурын үндсэн тэжээл нь гадаргын урсац (Халх голын ус) юм. Харин илүүдэл усаа Оршуун голоор дамжуулан Далай нуурт өгдөг.

Халх голын Буйр нуурт цутгахад үүсэх садрааны адаг орчим нь намгархаг, зэгс, шагшуурга, бургасан шугуй ихтэй, усны шувууд олноороо бөөгнөрөн цуглаж үүрлэн, өндөглөдөг үзэсгэлэнтэй газар юм. Нуурын ус гүйхэн учраас зуны урин цагт бараг ёроолоо хүртэл бүлээсэж өнгөндөө 2.2 градус хална.

Буйр нууранд 6 овгийн 34 зүйл зүйл загас бүртгэгдээд байгаагийн 12 зүйл нь агнуурын ач холбогдолтой булуу цагаан, тул, зэвэг, хадран, улаан живэрт, цурхай, цулбуурт, хэлтэг бөгөөд эдгээрийн 54 хувийг булуу цагаан загас эзэлдэг. Мөн 49 зүйл хөвөгч замаг, 57 зүйл хөвөгч амьтан, дээд ургамал, 4 зүйл тана хясаа бүртгэгдээд байна.

Буйр нуурын загасыг бүр XIX зууны үеэс ашиглаж ирсэн бөгөөд Буйр нуурын зүүн урд эрэг дээр 1930 оноос монгол загас агнуурын газар байгуулагдан ажиллаж байгаад 1954 оноос эхлэн загас агнуурын улсын үйлдвэр болгон өргөжүүлэн нэг га талбайгаас 6.5 кг загас ангаж байжээ.

Тус нуураас жилдээ 300 тн загас олборлох нөөцтэй гэсэн тооцоо бий. Буйр нуур, түүний орчимд 16 багийн 45 овгийн 122 төрлийн 236 зүйл шувуу бүртгэснээс орших хэлбэрийн хувьд 37 зүйл суурин амьдралтай, 199 зүйл нүүдлийн шувууд байна.

Нүүдлийн шувуудын 115 зүйл өндөглөдөг, 59 зүйл дайрч өнгөрдөг, 7 зүйл өвөл ирж өвөлждөг, 9 зүйл тохиолдын байдлаар хаяа тааралддаг ба 9 зүйл шувууны оршин амьдарна. Буйр нууранд 20000 дээш усны шувууд байнга байдаг ус намгийн шувууд ихтэй учраас Олон улсын ач холбогдол бүхий ус намгархаг газар, ялангуяа усны шувууд олноор амьдардаг орчны тухай Рамсарын конвенцийн хавсралт жагсаалтад 2004 онд бүртгэгджээ.

More 4389 0

Category: Нутгийн мэдээ, Газар зүйн мэдээлэл

Сэлэнгэ үүлдрйн үхэр

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Сэлэнгэ үүлдрйн үхэр

Author: tonshuul on 2017/04/21, 19:24 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Казакстан улс, Оросын холбооны улсын Оренбург, Волгаград мужид 1930-аад оноос эхлэн Казак болон нутгийн үхрийг махны чиглэлийн герефорд үхрээр эрлийзжүүлээд 2-3 дахь үеийг "өөр дотор” нь сонгон үржүүлэх аргаар "Казакын цагаан толгойт” үүлдрийн үхрийг буй болгожээ.

Казакын цагаан толгойт үүлдрээр ойт-хээрийн бүсийн тухайлбал Булган аймгийн Сэлэнгэ сум, Сэлэнгэ аймгийн Орхон-туул сумын нутаг дахь монгол үхрийг 2-3 дахь үе хүртэл эрлийзжүүлж тохиромжтой хэвшлийн үхрийг цаашид "өөр дотор” нь шилэн сонгож үржүүлсээр 1980-аад оны дунд үе гэхэд махны чиглэлийн "Сэлэнгэ” үүлдрийн үхрийг буй болгосон. Энэ ажлыг Төрийн шагналт, мал зүйч Р.Жавзмаа удирдсан юм.

"Сэлэнгэ” үүлдрийн үхэр нь Сэлэнгэ, Булган аймаг, Төв аймгийн хойгуурх сумуудын нутагт тархсан . Энэ үүлдрийн үхрийн тугал 25-30 кг жинтэй төрөх бөгөөд эхлээр бойжуулаад эхээс ялгах үед эр нь 265-330 кг , охин нь 240-280 кг жинтэй байна.

Сэлэнгэ үүлдрийн нас гүйцсэн бух 550-650 кг, үнээ 380-450 кг жинтэй. Сэлэнгэ үүлдэр болон Казахын цагаан толгойт монголын эрлийз үнээ дунджаар 1200-1500 кг сүүн ашиг шимтэй. Сэлэнгэ болон Сэлэнгэ-Улаан ангусын эрлийз бярууг бэлчээрээр маллаж өвөл хаврын улиралд хоногт 3.0-3.5 тэжээлийн нэгж шимт чанар бүхий 3 кг хүчит тэжээл, 4.0 кг сайн чанарын ногоон өвсөөр нэмж тэжээхэд хоногийн нэмэгдэл жин сэлэнгийнх 600 г, эрлийзийнх 700 г байжээ.

Ингээд зун, намар нь байгалийн соргог сайн бэлчээрт оторлон таргалуулаад дараа нь 55 хоногийн турш бордохдоо хоногт дунджаар 7-8 кг сайн чанартай ногоон өвс, 4-5 кг тэжээлийн улаан буудай, 80-120 г эрдэс давс буюу 6-8 тэжээл нэгж шимт чанартай тэжээл өгч 2 удаа услаж байжээ.

Ийнхүү өсгөн бойжуулж, бордсон өсвөр үхрийн нядлагын өмнөх жин сэлэнгийнх 310 кг, эрлийзийнх 341 кг, тураг махны жин сэлэнгийнх 152.8 кг, эрлийзийнх 175.9 кг, нядлагын гарц дотор өөхгүйгээр сэлэнгийнх 50.8%, эрлийзийнх 52.6%, 1 кг ясанд ногдох мах сэлэнгийнх 4.82 кг, эрлийзийнх 5.45 кг байжээ.

More 513 0

Category: Танин мэдэхүй

Галшар адуу

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Галшар адуу

Author: tonshuul on 2017/04/21, 19:22 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Энэ адууг Сэцэн хан аймгийн Хардал жанжин бэйсийн хошуунд одоогоос 100 гаруй жилийн өмнө ардын сонгон үржүүлгийн аргаар бий болгожээ. Галшарын адууг одоо Хэнтий аймгийн Галшар суманд цэврээр үржүүлж байгаагаас гадна мөн аймгийн Дархан, Баянхутаг, Төв аймгийн Баянцагаан, Баянжаргалан, Баян сумдад тархжээ.
Энэ омгийн адуу тал хээрийн бүс нутагт гойд зохицсон бөгөөд хурдан удам, угшлын адууны бие бялдар, галбир хийцтэй, тухайлбал бие жижгэвтэр, нарийхан, толгой хөнгөн, хараа хурц, чих том биш босоо, хөлийн шөрмөс тод бүдүүн, туурай нь бат бэх зэрэг галбирын онцгой шинжүүдтэй.
Сүүлийн жилүүдэд галшарын хурдан удмыг шилдэг азарга, гүүгээр тал хээр нутгийн адуун сүргийг сайжруулах үржлийн ажлын чиглэл баримталж байна.
Галшарын адууг одоо Хэнтий аймгийн Галшар суманд цэврээр үржүүлж байгаагаас гадна мөн аймгийн Дархан, Баянхутаг, Төв аймгийн Баянцагаан, Баянжаргалан, Баян сумдад тархжээ. Энэ омгийн адуу тал хээрийн бүс нутагт гойд зохицсон бөгөөд хурдан удам, угшлын адууны бие бялдар, галбир хийцтэй, тухайлбал бие жижгэвтэр, нарийхан, толгой хөнгөн, хараа хурц, чих том биш босоо, хөлийн шөрмөс тод бүдүүн, туурай нь бат бэх зэрэг галбирын онцгой шинжүүдтэй.
Сүүлийн жилүүдэд галшарын хурдан удмыг шилдэг азарга, гүүгээр тал хээр нутгийн адуун сүргийг сайжруулах үржлийн ажлын чиглэл баримталж байна. Улс, аймгийн чанартай баяр наадамд Галшарын угшлын азарга, морь олонтаа айраг, үзүүр түрүүнд орж байгаа нь энэ адуунд хурдны чиглэлээр шилэн сонголт хийх нь үр ашигтай болохын гэрчилж байна.

	Амьдын жин(кг)	Єндєр(см)	Урт(см)	Цээжний бvслэх(см)	Шилбэний бvслэх(см)
Азарга	370.0	131	136	164	18.0
Гvv	335.0	128	135	158	17.0

More 471 0

Category: Танин мэдэхүй

Галбын говийн улаан тэмээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Галбын говийн улаан тэмээ

Author: tonshuul on 2017/04/21, 19:20 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Галбын говийн улаан тэмээг Өмнөговь аймгийн Ханбогд суманд үржүүлдэг.

Бүх тэмээний 70-аас дээш хувь нь улаан, улаан хүрэн зүстэй. Ноосны гарц нь нас, хүйсний байдлаас хамаарч 2.8-10.4 кг ноос өгдөг бөгөөд энэ нь улсын дунджаас сүргийн дунджаар 0.2-0.3 кг ноос илүү өгдөг.

Эр эм ноосны харьцаа монгол үүлдрийн дундажтай ойролцоо, дунджаар эр ноос 25%, эм ноос 75% эзлэнэ. Эр ноосны дотор зогдор 35%, өгдөг 50%, шил бөх 15% эзэлнэ.

Нас гүйцсэн тэмээний их биеийн ноосны урт 10-12 см, ноолуурын урт 5-8 см урт байна. 7-8 кг ноостой ингэ, 10-12 кг ноостой буур олон байдаг.

Галбын говийн тэмээ харьцангуй бие томтой, жин өндөртэй. Буурны амьдын жин 630 / 600-700/ кг, ингэ 560 /500-600/ кг байдаг. Саалийн хугацаа дунджаар 15-16 сар үргэлжилж 300 л сүү саах боломжтой.
Галбын говийн омгийн тэмээг Өмнөговь, Дундговь, Дорноговь, Говьсүмбэр, Сүхбаатар, Хэнтий, Дорнод аймгийн говь, цөл, цөлөрхөг хээр, хээрийн бүсэд сайжруулагчаар ашиглах чиглэл баримтална.

	БУУР	ИНГЭ
Єндєр	173.5	166.4
Урт	149.6	147.7
Цээжний бvслvvр	238.5	228.5
Шилбэний бvслvvр	23.6	19.8
Ноосны гарц /кг	7.5	5.5
Амьдын жин /кг	659.0	568.5

More 353 0

Category: Танин мэдэхүй

Тэс адуу

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Тэс адуу

Author: tonshuul on 2017/04/21, 19:18 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Энэ адууг Тэсийн голын сав нутагт үржүүлдэг. Тэс адуу нь бие томтой, мах ихтэй, уналгын чадвар сайн, хурдан зэрэг сайн чанаруудаар монгол адуунаас ялгаатай. Уг адуу нь Тэсийн голын сав газрын байгаль, орчны нөхцөлд тухайлбал өвөл цас их унадаг, -50 хэм хүртэл хүйтэрдэг, зун нь их халуун, элсэрхэг зөөлөн хөрстэй нутагт сайн зохицсон бөгөөд бие том, чацархаг, урт өтгөн дэл сүүлтэй, сахлаг хөөвөртэй, том далбагар туурай, цээжин бие, хөл мөч сайн хөгжсөн, хурдны шинж илүү тод илэрсэн байдаг.

Хөвсгөлийн Цэцэрлэг, Цагаан-уул, Завханы Баянтэс, Баян-уул, Увсын Зүүнговь, Тэс суманд энэ адууг цэврээр үржүүлж байна. Тэс адууны үндсэн зүс нь улаан хээр, хээр, бор, хул, зээрд байна. Тэс адууны удмууд нь уналга-мах, мах-уналганы хэвшлээр ялгаатай. Тэс адуу нутгийн монгол адуунаас сэрвээ хондлой 1-8 см-ээр өндөр, бие урт, ясархаг бөгөөд цээжний өргөн, гүний хэмжээ ялимгүй дутуу байдаг.

Бэлчээрээр маллагдаж байгаа Тэс гүүний сүүний гарц хоногт 3.3 л, бэлчээрийн даац, усан хангамжаас хамаарч хоногийн саам 2.2-3.9 л-т хэлбэлздэг. Саалийн 90 хоногт нэг гүүнээс дунджаар 222-224 л сүү саадаг. Хавар унага эхээс төрснөөс хойших 10 хоногт дунджаар 33.4 л сүүг эхээс хөхөж 1.2 кг жин нэмдэг. 1 кг жин нэмэхэд 15.1 кг сүү зарцуулдаг.

Тэс адуу нь хурд, уналгын чадвараар баруун аймагт төдийгүй улс даяар алдартай. Нэгж хугацаанд Тэс омгийн их насны морь 10.04, азарга 10.2 м/сек хурдалдаг. Алтай, Хангай, Говийн янз бүрийн бүс нутагт хоногт дунджаар 9-10 цаг идээшлүүлэн, 3 цаг уяж сойж дунджаар 8 цаг уналга эдэлгээнд ашиглах замаар 1082 км зам туулахад анхны жингээ дунджаар 14 кг буюу 4.2 хувиар алдаж байжээ. Энэ нь цаашдаа уналга эдэлгээнд ашиглах чадвар хэвийн гэсэн үг.

Тэс адуу алхаагаар 5-6 км, хатираагаар 10-14 км, морины сүүл хөдөлгөж шогшиход 8-9 км замыг нэг цагт туулдаг. Тэс адууны өндөр 134-138, биеийн ташуу урт 135-140, цээжний тойрог 163-173, амьдын жин 340-380 кг, гүүний мундааны өндөр 128-135, биеийн ташуу урт 130-138, цээжний бүслүүр 160-168, амьдын жин 310-360 кг байна. Тэс адуу бие томтой байдаг нь гүүний сүүг ашигладаггүй, унагыг нь эхлээр бойжуулдагтай хлоолбоотой. Мөн зуны халуунд ялаархан голын усанд орж зогсдог ба ингэхдээ өдөрт 10-20 км-т холоос усанд ирдэг, унага нь нялхаасаа эхийгээ даган байнга давхих дасгал хийдэг зэргээс шалтгаалан нь бие нь чийрэгжих, өсөлт хөгжилт түргэсэх гол нөхцөл болдог байна.

More 734 0

Category: Мэдээ мэдээлэл

Ойрын өдрүүдэд нутгийн зүүн хагаст салхи шуургатай

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Ойрын өдрүүдэд нутгийн зүүн хагаст салхи шуургатай

Author: munkhbat on 2017/04/21, 18:25 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Малчид, тээвэрчид, иргэдийн анхааралд: Ойрын өдрүүдэд нутгийн зүүн хагаст салхи шуургатай сэрүүхэн байхыг анхааруулж байна.

2017 оны 04 дүгээр сарын 21-ний 16-22 цаг хүртэл Улаанбаатарт: Үүлэрхэг. Хур тунадас орохгүй. Салхи баруун хойноос 12-14 м/с, шороон шуурга шуурна. 17 цагт 3 хэм, 20 цагт 1 хэм дулаан байна.

2017 оны 04 дүгээр сарын 21-ний 20 цагаас 04 дүгээр сарын 22-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруунаас секундэд 6-11 метр, өдөртөө зарим газраар секундэд 12-14 метр хүрч ширүүснэ. Идэр, Тэс голын хөндий болон Хүрэн бэлчир орчмоор шөнөдөө 4-9 хэм хүйтэн, өдөртөө 4-9 хэм дулаан, Их нууруудын хотгор болон Алтайн өвөр говиор шөнөдөө 4 хэм дулаанаас 1 хэм хүйтэн, өдөртөө 18-23 дулаан, бусад нутгаар шөнөдөө 0-5 хэм хүйтэн, өдөртөө 13-18 хэм дулаан байна.

ТӨВИЙН АЙМГУУДЫН НУТГААР: Солигдмол үүлтэй. Зарим газраар бага зэргийн хур тунадас орно. Салхи баруун хойноос секундэд 6-11 метр, зарим газраар секундэд 12-14 метр хүрч шороон болон цасан шуурга шуурна. Сэрүүсч шөнөдөө Дархадын хотгор, Хангай, Хөвсгөл, Хэнтэйн уулархаг нутгаар 7-12 хэм, бусад нутгаар 2-7 хэм хүйтэн, өдөртөө Дархадын хотгороор 0-5 хэм, бусад нутгаар 5-10 хэм дулаан байна.

ЗҮҮН АЙМГУУДЫН НУТГААР: Үүлшинэ. Зарим газраар бага зэргийн хур тунадас орно. Салхи хойноос секундэд 7-12 метр, зарим газраар секундэд 14-16 метр хүрч орон шуурга шуурна. Шөнөдөө 1-6 хэм хүйтэн, өдөртөө сэрүүсч 5-10 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруун хойноос секундэд 7-12 метр. Шөнөдөө 2-4 хэм хүйтэн, өдөртөө 8-10 хэм дулаан байна.

ГОВИЙН АЙМГУУДЫН НУТГААР: Үүлшинэ. Хур тунадас орохгүй. Салхи баруунаас хойш эргэж секундэд 6-11 метр, зарим газраар секундэд 12-14 метр хүрч шороон шуурга шуурна. Өмнөговийн нутгаар шөнөдөө 0-5 хэм, өдөртөө 12-17 хэм дулаан, бусад нутгаар шөнөдөө 3 хэм хүйтнээс 2 хэм дулаан, өдөртөө 8-13 хэм дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун хойноос өдөртөө секундэд 12-14 метр хүрч шороон шуурга шуурна. Шөнөдөө 3-5 хэм хүйтэн, өдөртөө 5-7 хэм дулаан байна.

2017 оны 04 дүгээр сарын 23-наас 04 дүгээр сарын 27-ныг хүртэлх
цаг агаарын урьдчилсан төлөв

23-нд зүүн аймгуудын нутгийн зарим газар, баруун аймгуудын нутгийн баруун хэсгээр, 24, 25-нд Хангайн уулс болон зүүн аймгуудын нутгийн зүүн хэсгээр хур тунадас орно. Салхи 23-нд нутгийн зүүн хагаст, 24-нд зүүн аймгуудын нутгаар секундэд 14-16 метр хүрч шороон болон цасан шуурга шуурна. Нутгийн зүүн хагаст сэрүүсч Хүрэн бэлчир, Дархадын хотгор, Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 9-14 хэм хүйтэн, өдөртөө 2 хэм хүйтнээс 3 хэм дулаан, Их нууруудын хотгор болон говийн бүс нутгийн өмнөд хэсгээр шөнөдөө 2 хэм дулаанаас 3 хэм хүйтэн, өдөртөө 12-17 хэм дулаан, бусад нутгаар шөнөдөө 3-8 хэм хүйтэн, өдөртөө 5-10 хэм дулаан байна.

Нийтэлсэн: Цаг Уур Орчны Шинжилгээний Газар

More 621 0

Category: Мэдээ мэдээлэл, Нийгэм , Улаанбаатар хот редакци

“Нутгийн хөгжил сум, багаас” сэдэвт Засаг даргын орлогч, багийн Засаг дарга нарын сургалт боллоо

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

“Нутгийн хөгжил сум, багаас” сэдэвт Засаг даргын орлогч, багийн Засаг дарга нарын сургалт боллоо

Author: magnai on 2017/04/21, 15:57 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Аймгийн Засаг даргын Тамгы газраас "Нутгийн хөгжил сум, багаас” сэдэвт Засаг даргын орлогч, багийн Засаг дарга нарын сургалтыг 2017 оны 04 дүгээр сарын 20-ны өдөр зохион байгууллаа. Нээлтийн үйл ажиллагаанд аймгийн Засаг дарга М.Бадамсүрэн, Засаг даргын орлогч Ч.Ганбат, Засаг даргын орлогч Ш.Ёл, Засаг даргын Зөвлөх Бас-Эрдэнэ, аймгийн ЗДТГ-ын дарга П.Бат-Өлзий, болон аймгийн ЗДТГ-ын хэлтсийн дарга нар оролцлоо. Сургалтын зорилго нь Монгол улсын хууль тогтоомж, Монгол улсын Засгийн газрын 2016-2020 онд хэрэгжүүлэх үйл ажиллагааны хөтөлбөр, Дорнод аймгийн 2016-2025 оны хөгжлийн хэтийн зорилт, аймгийн Засаг даргын 2016-2020 онд хэрэгжүүлэх үйл ажиллагааны хөтөлбөр, аймгийн эдийн засаг, нийгмийг 2017 онд хөгжүүлэх үндсэн чиглэлийг хэрэгжүүлэх, сурталчлах таниулах, Засаг захиргааны анхан шатны нэгж Багийн удирдлагыг чадавхжуулах, зохион байгуулалт, хяналтын тогтолцоог нэмэгдүүлэх, иргэдийн санал, хүсэлтийг төр, орон нутгийн бодлого шийдвэрт тусгаж, төр-иргэний харилцааг сайжруулахад оршиж байна.

Сургалтаар аймгийн Иргэдийн Төлөөлөгчдийн Хурлын дарга Л.Хишигтогтох хурлын үйл ажиллагааны талаар мэдээлэл, аймгийн Засаг даргын Тамгын газрын Хууль, эрх зүйн хэлтсийн дарга Б.Алтансүх холбогдох хэлтэс, газрын дарга нар хууль тогтоомжийн хэрэгжилтийн талаарх мэдээлэл, Засаг даргын Тамгын газрын Хөрөнгө оруулалт, хөгжлийн бодлого, төлөвлөлтийн хэлтсийн дарга Х.Энх-Отгон холбогдох хэлтэс, газрын дарга нар Дорнод аймгийн 2016-2025 оны хөгжлийн хэтийн зорилтын талаарх мэдээлэл, аймгийн Засаг даргын Тамгын газрын Нийгмийн бодлогын хэлтсийн дарга Ц.Баяржаргал холбогдох хэлтэс, газрын дарга нар Нийгмийн халамжийн тухай хууль, Ахмадын тухай хууль, Хөгжлийн бэрхшээлтэй хүний эрхийн тухай хууль, Малчин хувиараа хөдөлмөр эрхлэгчдийн тэтгэвэрийн даатгалын шимтгэлийг нөхөн тооцох хууль, Эрүүл мэндийн даатгалын тухай хууль, Тэтгэврийг урьдчилан олгох журам, Даатгуулагчийн хөдөлмөрийн чадвар алдалтын хувь, хэмжээ, хугацаанд өөрчлөлт орсон иргэдэд тахир дутуугийн тэтгэвэр тогтооход баримтлах заавар, сайн дурын даатгал, Соёлын өвийг хамгаалах тухай хуулийн талаарх мэдээлэл, ЗДТГ-ын Хяналт шинжилгээ үнэлгээ дотоод аудитын хэлтсийн дарга Б.Мөнгөнтуул Хяналт-шинжилгээ, үнэлгээ, дотоод аудитын хэлтсийн мэдээлэл, ЗДТГ-ын Цэргийн штабын даргын албан үүргийг түр орлон гүйцэтгэгч, хошууч О.Ганзориг холбогдох газар, ангийн дарга нар Батлан хамгаалах салбарын бодлого, үйл ажиллагааны талаарх мэдээлэл, гамшгаас хамгаалах тухай хууль, Галын аюулгүй байдлын тухай хуулийн талаарх мэдээллийг тус тус хүргэсэн.

Аймгийн ЗДТГ-ын Олон нийттэй харилцах алба

More 1130 0

Category: Мэдээ мэдээлэл, Дорнод мэдээ

Өвөрбайгалийн хязгаартай нийгмийн салбарын хүрээнд хамтран ажиллах санал уламжлав

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Өвөрбайгалийн хязгаартай нийгмийн салбарын хүрээнд хамтран ажиллах санал уламжлав

Author: magnai on 2017/04/21, 15:56 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

ОХУ-ын Өвөрбайгалийн хязгаарын Хүн ам, хөдөлмөр, нийгмийн хамгааллын сайд А.М.Федатов тэргүүтэй төлөөлөгчид энэ сарын 20, 21-ний өдрүүдэд Дорнод аймагт албан айлчлал хийж байна.

Албан айлчлалын гол зорилго нь Монгол улсын Дорнод аймаг, Оросын Холбооны Улсын Өвөрбайгалийн хязгаарын хүн ам, хөдөлмөр, нийгмийн хамгааллын салбарын хамтын ажиллагааг хөгжүүлэх юм.

Айлчлалын хүрээнд ирсэн төлөөлөгчидтэй аймгийн удирдлагууд, холбогдох албаны хүмүүсийн бүрэлдэхүүнтэй ажил хэргийн уулзалтыг өнөөдөр зохион байгуулав.

Уулзалтын үеэр аймгийн Засаг дарга М.Бадамсүрэн Дорнод аймгийн нийгмийн салбарын хүрээнд Хүн амын хөдөлмөр эрхлэлт, Нийгмийн халамж, үйлчилгээ, Хөгжлийн бэрхшээлтэй иргэдийн хөгжил хамгаалалын чиглэлээр хийж, хэрэгжүүлж буй ажлыг танилцуулан, Хөдөлмөр, нийгмийн хамгааллын чиглэлээр хамтран ажиллах талаар хэд хэдэн саналыг уламжлав.

Тухайлбал:

Дорнод аймаг, Өвөрбайгалийн хязгаарын хооронд байгуулах хамтын ажиллагааны төлөвлөгөөнд хүн ам, хөдөлмөр, нийгмийн хамгаалал, боловсрол, эрүүл мэнд, залуучуудын хөгжил мөн төрийн бус байгууллагуудын оролцоог нэмэгдүүлэх тухай тусгагдсан ажлыг эрчимжүүлэх,

Хөгжлийн бэрхшээлтэй хүүхэдтэй ажилладаг эмч, багш, мэргэжилтнүүдийн ур чадварыг дээшлүүлэх зорилгоор Чита хтын эрүүл мэндийн байгууллагатай харилцан туршлага судлах, хөгжлийн бэрхшээлтэй хүүхдүүдийг оношлох, нөхөн сэргээх, эмчилгээ, сувилалын чиглэлээр хамтран ажиллах,

Дорнод аймагт баригдах Нөхөн сэргээх төвийн хүний нөөцийг бэлтгэхэд ОХУ-ын сувилалын сайн туршлагаас судлаж, эмч, сувилагчдыг богино болон урт хугацааны сургалтад хамруулж, хамтран ажиллах зэрэг саналыг тавив.

ОХУ-ын Өвөрбайгалийн хязгаарын Хүн ам, хөдөлмөр, нийгмийн хамгааллын сайд А.М.Федатов манай аймагт З дахь удаагаа хүрэлцэн ирж буй бөгөөд энэ удаад Дорнод аймаг улам ихээр хөгжин цэцэглэж байгааг онцлов.

Өвөрбайгалийн хязгаарын шинэ томилогдсон амбан захирагчийн мөрийн хөтөлбөрт хөрш орнуудын гадаад харилцаа, хамтын ажиллагааг сайжруулахад чиглэсэн олон арга хэмжээг тусгажээ. Энэ хүрээнд манай аймгаас тавьж буй саналуудыг хүлээн авч, нөхөн сэргээх засал, өвчлөмтгий хүүхдүүдийн эмчилгээний солилцоо, ажилгүйдлийг бууруулах чиглэлээр хамтран ажиллах хүсэлтэй байгаа илэрхийлэн, 05 дугаар сарын 09-ний өдрийн өмнө хоёр талын тавьсан саналуудыг боловсруулж, хамтын ажиллагааны хэлэлцээр байгуулна гэдэгт итгэлтэй байгааг дурдав.

Уулзалтын төгсгөлд ирсэн зочид төлөөлөгчдөд Халхголын дайны ялалтын хөшөөний зургийг дурсгал болгон бэлэглэлээ.

Мөн энэ өдрүүдэд айлчлалын хүрээнд аймгийн Хөдөлмөр, халамжийн үйлчилгээний газрын харьяа сувилал, Уламжлалт анагаах ухааны эмнэлэг, БОЭТ-ийн Сэргээн засах эмчилгээний тасаг, Гэр бүл, хүүхэд, залуучуудын хөгжлийн газар, МСҮТ-ийн үйл ажиллагаатай танилцах юм.

Аймгийн ЗДТГ-ын Олон нийттэй харилцах алба

More 363 0

Category: Онцлох мэдээ, Дорнод мэдээ

Багийн Засаг дарга, Сумдын статистикийн асуудал хариуцсан ажилтнуудын сургалт болж байна

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Багийн Засаг дарга, Сумдын статистикийн асуудал хариуцсан ажилтнуудын сургалт болж байна

Author: magnai on 2017/04/21, 15:55 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Сургалтад Үндэсний Статистикийн хорооны Мэдээллийн технологийн газрын дарга Л.Мягмарсүрэн, тус байгууллагын шинжээч, статистикчид оролцож байна. Үйл ажиллагааны нээлтэд аймгийн Засаг даргын орлогч Ч.Ганбат мэндчилгээ дэвшүүллээ.

Үйл ажиллагааны нээлтэд аймгийн Засаг даргын орлогч Ч.Ганбат мэндчилгээ дэвшүүллээ. Сургалтаар Статискийн салбарын хууль, эрх зүйн орчин, үйл ажиллагаа, Хүн ам, өрхийн мэдээллийн сан, Мал тооллогын мэдээллийн сан, түүний зорилго, хэрэглээ, Эдийн засгийн салбаруудын мэдээ тайланг гаргахад анхаарах асуудал, Өрхөд суурилсан судалгааны мэдээллийн чанар, анхаарах асуудал, Статистикийн мэдээллийг ашиглаж танилцуулга бэлтгэх, анхаарах асуудал, Дэлхийн болон үндэсний түвшний хөгжлийн бодлогын баримт бичгүүд, түүнд статистикийн байгууллагын оролцоо, Удирдлага, манлайлал, мэдээллийн технологи зэрэг сургалтуудыг Үндэсний Статистикийн хорооны Мэдээллийн технологийн газрын шинжээч, статистикчид, аймгийн Статистикийн хэлтсийн дарга, мэргэжилтнүүд явуулах юм. Сургалт хоёр өдөр үргэлжилнэ.

Аймгийн ЗДТГ-ын Олон нийттэй харилцах алба

More 330 0

Category: Мэдээ мэдээлэл, Дорнод мэдээ

Аж ахуйн нэгж, байгууллагын ХАБЭА-н ажилтнууд сургалтад хамрагдлаа

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Аж ахуйн нэгж, байгууллагын ХАБЭА-н ажилтнууд сургалтад хамрагдлаа

Author: magnai on 2017/04/21, 15:54 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Хөдөлмөрийн аюулгүй байдал, эрүүл ахуйн тухай хууль, бусад холбогдох тушаал, шийдвэрийн хэрэгжилтийг хангуулах, аж ахуйн нэгж байгууллагуудад хяналтын тогтолцоо, ажлын байранд тавигдах аюулгүй байдал эрүүл ахуйн шаардлага, стандартыг хангах, нөхцөлийг бүрдүүлэх, үйлдвэрлэлийн осол зөрчлийг бууруулах зорилгоор "Хөдөлмөрийн аюулгүй байдал, эрүүл ахуйн” сарын аяныг "Аюулгүй ажиллагааны дүрэм журмыг ажлын байрандаа мөрдөцгөөе” уриан дор 4 дүгээр сарыг дуустал зохион байгуулагдаж байна.

Өнөөдөр аж ахуй нэгж, байгууллагын хөдөлмөрийн аюулгүй, байдал эрүүл ахуйн ажилтны сургалтыг Политекникийн дээр зохион байгууллаа. Сургалтын үйл ажиллагаанд Хөдөлмөрийн аюулгүй байдал, эрүүл ахуйн зөвлөлийн дарга, аймгийн Засаг даргын орлогч Ш.Ёл оролцлоо. Сургалтаар Хөдөлмөрийн аюулгүй байдал, эрүүл ахуйн тухай хууль, Ажил олгогч эздийн гаргадаг алдаа, түүнийг засах арга зам, Хөдөлмөрийн аюулгүй байдал, эрүүл ахуйн хуулийн хэрэгжилт сэдвүүдээр сургалт явагдлаа. Сургалтад 30 орчим аж ахуй нэгж, байгууллагын хөдөлмөрийн аюулгүй, байдал эрүүл ахуйн ажилтнууд оролцож сургалтад хамрагдсан юм.

Аяны хүрээнд ХАБЭА-н тухай хуулийг сурталчлах, мэдлэг сорих АХА тэмцээн, зөвлөн туслах ажил, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, үйлдвэрлэлийн ослоор амь нас барагсдын дурсгалыг хүндэтгэх арга хэмжээ, ЕБС-ын сурагчдын дунд гар зургийн уралдаан зэрэг арга хэмжээнүүд зохион байгуулагдана.

Аймгийн ЗДТГ-ын Олон нийттэй харилцах алба

More 486 0

Category: Мэдээ мэдээлэл, Дорнод мэдээ

1 2 3