Энэ долоо хоногийн нэгдэх өдрийн удирдах ажилтны шуурхай хуралдаан дээр аймгийн засаг дарга М.Бадамсүрэн орлогч дарга болон зарим хэлтсийн дарга нарын асуудлыг ойрын хугацаанд шийдвэрлэнэ гэж мэдэгдсэн. мөн тэрээр өөрийн ажлын хуваарийг батлуулж гаргаснаа танилцуулсан.

Тэрбээр даваа гараг бүрийн өглөө уламжлалт Удирдах ажилтны шуурхай хуралдаанд оролцож, холбогдох шийдвэрүүдийг гарган ажиллах бол мягмар гарагт Засаг даргын дэргэдэх албан байгууллагын дарга нарыг хүлээн авч, цаг үеийн асуудлаар үүрэг өгч, ажлын биелэлтийг шалгаж байх аж. Харин лхагва гараг бүр Засаг даргын зөвлөлөө хуралдуулах, пүрэв гараг бүр ЗДТГ-ын хэлтэс, тасаг, штабын дарга нарыг хүлээн авч уулзаж байх гэнэ.

Хэрэв та засаг даргатай уулзахыг хүсвэл баасан гарагт хүлээн авах хуваарьтай. Мөн баасан гараг бүр "Орон нутгийн удирдлагын цаг” теле уулзалтыг орон нутгийн ТВ-тэй хамтран зохион байгуулж байхаар төлөвлөсөн байна.

URL: http://www.choibalsan.mn/index.php?newsid=10208