Тулгар төрийн 2224, Их Монгол улсын 809, Ардын хувьсгалын 94 жилийн ой, Үндэсний их баяр наадам энэ долоо хоногийн мягмар гаригт урианхай сурын харваагаар эхэлсэн билээ. Мөн баяр наадмын сурын харваа буриад сурын харваагаар үргэлжлэн явагдлаа.

Энэ жилийн буриад сурын харваанд Улаанбаатар хот болон Ховд, Баян-Өлгий Дархан, Эрдэнэт, Өмнөговь, Хэнтий, Дорнод зэрэг аймгуудаас эрэгтэй, эмэгтэй нийт 160 харваач цэц мэргэнээ сорилоо. Тэдэн дунд ОХУ-ын Буриад улсаас Баясгалан, Болд нарын харваачид ирж оролцсон байна.

Харваачид нийт 64 сум тавьснаас эрэгтэйчүүдээс буриад сурын хошой мэргэн, ОУХМ О.Сүхбаатар 58,8 оноогоор түрүүлж, гоц мэргэний болзол, эмэгтэйчүүдээс улсын мэргэн Ж.Нямдаваа 55.6 оноогоор түрүүлж, хошой мэргэний болзлыг хангажээ. Мөн спортын мастер цолыг 3 эрэгтэй, спортын дэд мастер цолыг 8 эрэгтэй, нэг эмэгтэй харваач биелүүлсэн байна.

Эрэгтэйчүүдээс 120 харваач оролцсон бөгөөд эхний тавыг нь танилцуулж байна.

1-р байр: Дорнод аймгийн Баяндун сумын харьяат, "Ашавгад” ХХК-ий харваач, буриад сурын хошой мэргэн, ОУХМ Ойдовын Сүхбаатар 64 онооноос 58,8 оноо авч гоц мэргэний болзол хангалаа.  

2-р байр: "Хангарьд” спорт кулбийн тамирчин, Нямсүрэнгийн Өлзийхутаг 58,7 оноо.

3-р байр: Сэлэнггэ аймгийн Ерөөл сумын уугуул, "Алдар”, "Жем интернэшнл” компаний харваач Базарын Батбаатар -58,5 оноо.

4-р байр: Өмнөговь аймгийн Номгон сумын харьяат, "Тавантолгой транс” компанийн харваач Дөргөний Чулуунбаяр - 58,4 оноо.

5-р байр: Өмнөговь аймгийн харьяат, "Тавантолгой транс” компанийн харваач Жанчивын Баттөмөр 57,6 оноо

Эмэгтэйчүүдээс 42 харваач оролцсон бөгөөд эхний тавыг нь танилцуулж байна.

1-р байр: Хөвсгөл аймгийн уугуул, Сүхбаатр дүүрэг, "Хот Монгол" групп, "Алтандуулга" компаний харваач, буриад сурын улсын мэргэн Жүгдэрхүүгийн Нямдаваа 55,6 оноогоор хошой мэргэний болзол хангалаа.

2-р байр: Дорнод аймгийн Хөлөнбуйр сумын уугуул, Баяндун сумын харьяат "Шинэ Налайх” багийн харваач, спортын мастер Чагнаадоржийн Гандаваа, 54,8 оноо

3-р байр: Өмнөговь аймгийн Баяндалай сумын харьяат, "Тавантолгой транс” компанийн харваач Батмөнхийн Сүгир 54,5 оноогоор спортын дэд масрын болзол хангалаа.  

4-р байр: Дорнод Дашбалбар сумын уугуул, Хан-Уул дүүрэг, "Петровис” компаний харваач Батын Бутваа 54,4 оноо.

5-р байр: Сэлэнгэ аймгийн Ерөө сумын уугуул, "Жем интерншл” компанийн харваач Санжаадоржийн Энхтунгалаг -53,3 оноогоор тус тус шалгарсан байна.

Э.Гүнтөмөр

mongolcom.mn

URL: http://www.choibalsan.mn/index.php?newsid=10501