Цаг уур, орчны шинжилгээний хүрээлэнгийн Урьдчилан мэдээлэх секторын эрхлэгч Ж.Цогтоос зарим асуултад хариулт авлаа.

-Дөрөвдүгээр сарын эхний долоо хоногт цаг агаар дулаахан байлаа. Энэ байдал хэр удаан үргэлжлэх төлөвтэй байна вэ?

-Ерөнхийдөө дөрөвдүгээр сар гэлтгүй өнгөрсөн гуравдугаар сарын хувьд ч цаг агаар дулаахан байсан. Энэ байдал цаашид үргэлжилнэ. Гэхдээ маргааш, нөгөөдөр нийслэлд цаг агаар бага зэрэг сэрүүснэ. Тухайлбал, өнөөдөр /өчигдөр/ өдөртөө 20 хэмийн дулаахан байсан бол маргаашаас 15 хэм болж сэрүүснэ. Зарим хэсгээрээ салхины эрч ширүүсэх төлөв ажиглагдаж байна. Энэ сарын 10-нд хур тунадас орно.

-Ер нь дөрөвдүгээр сар гараад өдөртөө 20 хэм хүрч дулаарч байсан тохиолдол бий юу. Ингэж дулаарах нь хүйтрэхийн дохио мөн үү?

-Дулаарах нөхцөл нь бүрдвэл гуравдугаар сар гараад ч дулаарч болно. Тиймээс дулаарч байгаа нь эргээд хүйтрэхийн дохио гэж хэлэх нь өрөөсгөл ойлголт. Мэдээж сарын дундуур хур тунадас орсноос үүдэлтэй гол мөрний хэсгээрээ хөрсөн дээрээ нэмэхээс хасах градус руу сэрүүсч болно. Харин ямар нэгэн байдлаар огцом хүйтрэхгүй.

URL: http://www.choibalsan.mn/index.php?newsid=1110