Оросын байлдааны онгоцнууд Сири дэхь Исламын улс бүлэглэлийн найман байрлалд агаарын цохилт өгснийг ОХУ-ын Батлан хамгаалах Яамнаас мэдэгдлээ.
Ингэхдээ иргэний байгууламжуудыг өртөхөөс сэргийлж чадсан гэлээ.
Эхний ээлжийн довтолгоогоор нийт 20 нислэг хийсэн тухай яамны хэвлэлийн төлөөлөгч Игорь Конашенков мэдээлжээ.
Тэр цааш нь "Довтолгооны үр дүнд зэр зэвсэг, цэргийн техник хэрэгсэл, шатахууны нөөц цохилтонд өртсөн. Ууланд байрладаг Исламын улсын удирдлагын төвүүд бүрэн сүйрсэн” гэлээ.
Довтолгоог хийхээс өмнө Сирийн армийн өгсөн мэдээллийг нэг бүрчлэн шалгаж тагнуулын нислэгүүд хийсэн тул иргэний байгууламжуудыг тойрч гарч чадсан гэнэ.
Харин энэ тухай Барууны мэдээллийн хэрэгслүүд мэдээлэхдээ олон тооны энгийн иргэд бөмбөгдөлтөнд өртсөн, АНУ-ын дэмжиж байгаа Сирийн босогчдын бүлгүүд өртсөн гэж байгаа юм.
Тухайлбал Reuters, BBC, Fox News, Al Jazeera сувгууд энэ тухай мэдээлсэн.
Харин АНУ-ын Батлан хамгаалахын сайд Аштон Картер хэлэхдээ дээрх мэдээллүүдийг батлах боломжгүй байгаа ч энгийн иргэд хэлмэгдсэн байх вий хэмээн санаа зовж байгаагаа илэрхийлжээ.
Үүнд Москва няцаалт хийж "Оросыг Исламын улсын эсрэг ажиллагаагаа эхлээгүй байхад, ОХУ-ын гадаад хэргийн сайд Сергей Лавров энэ ажиллагааны тухай НҮБ-ын Аюулгүйн зөвлөлд ганц ч мэдээлэл хийгээгүй байхад Оросын довтолгооны улмаас энгийн иргэд амиа алдсан, мөн энэ довтолгоо нь Сири дэхь ардчиллын талынхны эсрэг чиглэсэн гэх олон тооны мэдээллүүд цацагдаж эхэллээ” гэсэн байна.
Иймээс Оросын цэргийн ажиллагаатай холбоотой мэдээллийг ОХУ-ын Батлан хамгаалах Яамны хэвлэлийн албанаас авч байхыг гадны хэвлэл мэдээллийн сувгуудад сануулжээ.
Эх сурвалж: Russia Today
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих