Монголын цагдаагийн газар ямар ёр нь шүгэлсэн болоод сүүлийн үед хэл ам татлаад эхлэв. "Бадарчин явсан газар балагтай, Батгана суусан газар өттэй” гэж зүгээр ч нэг хэлээгүй гэдгийг өнөөгийн нийгэм тэр тусмаа Монгол төрийн цагдаа нар харуулсаар... Уг нь ард олныхоо аюулгүй, эрүүл орчинг бүрдүүлж, сахин хамгаалах цагдаа нар маань нэг нэгнийхээ аминд хүрэх нь тийм ч сонин зүйл биш болоод байна уу.

 

Өнгөрсөн хоёр сарын хугацаанд хоёр ч цагдаагийн амь нас эрсдсэн хэрэг гарлаа. Гэтэл Цагдаагийн Ерөнхий газрын дарга Р.Чингис ямар хариуцлага хүлээж, эсвэл ямар шийдвэрт хүрээд байгаа нь одоо хүртэл доторхой бус байсаар...  Тодруулбал: Өнгөрсөн найман сарын сүүлээр Сонгинохайрхан дүүргийн нутаг дэвсгэрт нэгэн цагдаа амь насаа алдсан ч тэрээр амиа хорлосон гэсэн нэрийдлээр хааж орхисон. Гэтэл саяхан Цагдаагийн байгууллага Горхи-Тэрэлжийн амралтанд зугаалж байхдаа архидан согтуураад нэгнийхээ аминд хүрсэн ноцтой хэрэг гарлаа. Түүнийг бас л "ҮХСЭН ХҮН ҮГ ХЭЛЭХГҮЙ” гэгчээр түүнд бурууг нь чихээд дарж өнгөрөөхөөр шийдсэн үү ямартаа ч өнөөдөр хүртэл нам гүмхэн л байна.

 

ЦЕГ-ын даргын зөвлөл ээлжит бусаар хуралдаж Эрүүгийн цагдаагийн газрын дарга Б.Буянтөрд 6 сарын турж цалингийн 20 хувь, тус газрын дэд даргад 3 сарын цалингийн 20 хувиар шийтгэл ноогдуулж, Төлөвлөлт зохион байгуулалтын хэлтсийн даргыг ажлаас нь халах арга хэмжээ зэргээр л өнгөрч байгаа нь ийн хардуулахад хүрээд байна. Хүний амь нас иймхэн л үнэ цэнэтэй болсон уу Р.Чингис дарга аа.

 

Түүнчлэн ЦЕГ-ын дарга Р.Чингис шинэ албанд томилогдсон даруйдаа л халаа сэлгээг хийж, гэмтнийг гэсгээх учиртай албыг, татвартай хутгаснаас олон ч ААН-үүд хаалгаа барьсан нь тухайн үедээ нилээдгүй шүүмжлэл дагуулсанг мартах учиргүй. Үүнээс үүдэж. Энэ мэтээр голдирлоороо явж байсан төрийн албыг холиж хутгасан түүний гавьяаг хэн залруулах вэ?

 

Төрийн албыг найз нөхөдийн алба болгосоны гайг Ерөнхий сайд Ч.Сайханбилэг, ЦЕГ-ын дарга Р.Чингис нараас асуух цаг нэгэнт болжээ.

 

 

Эх сурвалж: bolod.mn

ЧОЙ

 

---