Төгрөгийн ханш 30 хувиар унаад байна. Бага зэргийн эдийн засгийн  хүндрэл л байгаа, түүнээс бүх зүйл хэвийн байна хэмээж байсан эрх баригчид хүртэл эдийн засаг хямарсаныг албан ёсоор хүлээн зөвшөөрч байна.
Үүнтэй ч холбоотойгоор сөрөг хүчин Засгийн газрыг огцруулах санал гаргаад буй.

Харин эрх баригч намын зарим гишүүдийн зүгээс эдийн засгийн хямралын уг шалтгааны нэг- төгрөгийн ханшны уналтанд гол нөлөөтэй Монгол банкны Ерөнхийлөгч Н.Золжаргал, дэд Ерөнхийлөгч Э.Батшугар нарыг огцруулах санал гаргах болжээ.

Тухайлбал :
УИХ-ын гишүүн Г.Уянга: "
Ам.долларын ханшийг үнэгүйдүүлэх процесс явагдлаа. Энэ бол Монголбанкнаас явуулж байгаа мөнгөний бодлоготой холбоотой.
Өнөөдөр нэг ам.доллар хоёр "Чингис"-тэй тэнцэж байна. Энэ бол Монголбанкны Ерөнхийлөгч Н.Золжаргалтай хариуцлага тооцох хамгийн эхний асуудал. Одоо бол түүнтэй яаж ажил сайжруулах вэ гэдэг асуудлыг ярих ёсгүй" хэмээн хэвлэлд өгсөн ярилцлагадаа өгүүлжээ.
АН-ын зарим эх сурвалж ч Н.Золжаргал, Э.Батшугар нарыг огцруулах цаг нь болсон хэмээн үзэж буй гэнэ.

Юутай ч "Түүхэн дэхь хамгийн муу ажилласан Монгол банкны Ерөнхийлөгч" гэгдэх Н.Золжаргал, Ерөнхийлөгч асан Н.Энхбаярын хүүгийн хамт төв банкнаас салах цаг ойртож буй бололтой.
Харин зарим иргэний хөдөлгөөнийхөн Н.Золжаргалыг огцруулаад зогсохгүй хуулийн хариуцлагад татах хэрэгтэй гэх саналыг ч ярилцдаг юм.

Э.Мягмар http://sonin.mn/news/politics-economy/25637

URL: http://www.choibalsan.mn/index.php?newsid=1237