Хаврын хаварт малчид хэдэн ямаагаа”маажиж” өврөө овоохон түнтийлгэдэг. Үүнийг дагаад өргөн хэрэглээний барааны үнэ өсдөг. Худалдан авах чдавар ялихгүй дээшлэхээр дагаад үнээ өсгөдөг тогтсон жишиг. Энэ жилийн хувьд өнгөрөгч 7 хоногт кг нь 90,000 төгрөгийн үнэтэй байсан ноолуур энэ долоо хоногт бага багаар буурсаар одоогийн байдлаар 80,000 боллоо.

 

Хамгийн өндөр ханш нь энэ. Одоо өсөхгүй нь тодорхой. Ноолуурын наймаачид гурван сарын сүүлээр буюу ноолуур нийлүүлэлт бага байх үед үнээ өсгөдөг. Сургаар нь малчид яаран сандран ямаагаа самнаад дөнгөж дуусаад яг өгөх болоход буюу 4 сарын1-нээс хойш ханшийг нь унагад "заль” энэ жил ч ийнхүү давтагдлаа.

 

Н.Мөнхсайхан