УИХ-ын гишүүн Ё:Отгонбаяр нь БСШУ-ны сайд байхдаа хэдэн "гайгүй” залуу цуглуулсан нь бүгд хэл аманд орсон. Газрын дарга асан Б.Наранзун нь мэргэжлийн театрын байгууллагад төгөлдөр хуур нийлүүлэх тендерын Үнэлгээний хорооны даргаар ажилласны дараа нь баахан шүүх хурал болсон. Гэхдээ түүний тендер 500 орчим сая төгрөгийн хэмжээтэй тул жижигт ордог. Бас л том газрын дарга байсан хөтлөгч Э.Долгион "Найер” компаний гомдолтой тендерийн асуудалд нэлээд гүнзгий хутгалдсан гэж үзэн шалгагдаж бүр цагдан хоригдсон.

 

Тэгвэл сүүлийн үед экс сайдын зөвлөх байсан Цэнгүүний тухай шуугих болсон .Түүнийг банкны дансны хэргээс дутуугүй ноцтойд тооцогдох Багшийн хөгжлийн ордны тендертэй холбогдуулан шалгах байсан ч сайдынх нь асуудал босож ирмэгц маргааш нь шахуу дипломат паспортоор Өмнөд Солонгос руу гарсан тухай мэдээлсэн.

 

Цэнгүүн нь МАН-ын нэгэн том даргын хүргэн агаад өмнө нь МИАТ-ын Сөүл дэх төлөөлөгчөөр ажиллаж байж. Түүний нэр дээр нэлээд их мөнгө шилжиж улмаар настай эмээгийнхээ нэр дээр 600 сая төгрөгөөр үл хөдлөх хөрөнгө худалдан авсан гэж шуугисан. Цэнгүүн нь МАН-ын дээд удирдлагатай ойр, өмнөх Засгийн газрын ГХЯ-ны сайд болон дэд сайд асантай найз нөхдийн харилцаатай байсныг энэ зургаас харж болно. Сахал тавьсан дэгжин эр аж. Уг нь ажлаа өгсөний дараа дипломат паспортоо хураалгах ёстой ч ГХЯ-нд танил тал ихтэй тул өгөөгүй бололтой. Цэнгүүнийг Өмнөд Солонгос болон Австралийн аль нэгт байгаа гэх таамаг яригдаж байна.