"Дорнод Зон" сэтгүүлийн маань шинэ дугаар хэвлэлтээс ирлээ.
Энэ дугаарын зочноор УИХ дахь МАН-ын бүлгийн хуулийн зөвлөх, хуулийн салбарын тод "өнгө"-үүдийн нэг, хуульч Б.Энхбаяр уригдаж, энгүүн сайхан яриа өрнүүлснийг таалан уншаарай.Сэтгүүл маань амьдралын гэрэл гэгээтэй бүхнийг олж харж, танд хүргэх зорилготой ч Халхголын уудам хязгаар нутгаа өмөөрөн харамлахгүй байж чадсангүй. Фото булангаас гэрэл зурагчны дуран авайд Халхгол нутаг хэрхэн буусныг тольдоно уу:
Энэ онд манай аймаг Их сургуультай болсныг онцолж, "60 асуулт, 60 хором" буландаа Дорнод Их сургуулийн захирал О.Янжмааг урьж, түүний оюуны ертөнцөөр аялсан. "Цахим гүүр"-ийн Д.Доржхуягийг "Залуус" буланд хөрөглөв.
"Хобби"-д "Шинэ суваг" телевизийн захирал С.Дэлгэр тухайн цаг үе бүрт "хамтран зүтгэгч" нь байсаар ирсэн камерны цуглуулгатайгаа, "Нутгийн нүнжиг" булан Сэргэлэн суманд намаржиж ахуйд нь МУ-ын сайн малчин Н.Даваасүрэнгийн хот айлд зочилсон гээд булан бүрт салбартаа түүчээлж яваа эрхмүүд саатсан.
Тэдэнд нэг л ижил чанар буйг анзаараарай. Тунгаан бодвол та хүсэл мөрөөдөл, зорилгодоо үнэнч, ажил мэргэжилдээ "дурлах"-ын сайхныг ойлгох болно.
URL: http://www.choibalsan.mn/index.php?newsid=12738
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих