ПловЗа би ер нь зохиогоод хийчихдэг хүн байгаамаа. Яг энэ пловыг хэрхэн хийсэн талаах жороо оруулъяаа :)))))))
3 хүний орцонд дараах зүйлс орно. Үүнд:
1. 200-300 грамм орчим мах. Хэмжээг өөрсдөө тааруулаад хийж болно. Хонь, үхэр аль нь ч болно.
2. 1 ш хэмжээтэй ногоон, улаан, шар чинжүү (3/4 хэмжээтэй байсан ч болно дөө)
3. 4 ш төмс
4. 2 ш лууван
5. 1 ш сонгино
6. 1 бүтэн сармис
7. 2 ш юуцай
8. ½ хэмжээний хулуу
9. ½ хэмжээний хаш ногоо
10. Бага зэргийн ногоон сонгино
11. 150 грамм гахайн мах
12. Бага зэрэг яншуй
13. Давс
14. 200 орчим грамм цагаан будаа
15. Хүссэн бүх ногоогоо хийж болно.
16. 200 орчим грамм ус /харж байгаад тааруулна/
17. 30-50 грамм орчим олив эсвэл наранцэцгийн тос
Плов хийхдээ дараах үе шатын дагуу хийнэ. Үүнд:
1. Тосоо халааж, хэрчсэн сонгино, сармисаа хуурна.
2. Дээрээс нь төмс, луувангаа хийж хуурна. (Төмсөө 8 хувааж, луувангаа уртаар нь савхан хэлбэртэй хэрчдэг)
3. Төмс луувангаа нилээн болтол нь хуураад махаа нэмж хийгээд хуурна.
4. Бүгд болохоор нь чинжүүнүүдээ, хаш ногоо, хулуугаа хийгээд хуурна. Бага зэрэг хуураад давсаа хийж амтлаад, сайтар угаасан будаагаа дээр нь тарааж тавиад, дээрээс нь усаа бага багаар хийж, будаагаа далж ортол нь хийнэ. Дээр нь 1 хурууний хэмжээтэй ус хийнэ. Арай бага зэрэг ч байж болно.
5. Тэгээд яншуй, юуцай, том томоор хэрчсэн гахайн махаа дээр нь тавиад галаа хамгийн их дээр нь тавина.
6. Будаа нь болоод ирэхээр нь савхаар хатгаж үзээд, доороо шөлтэй байвал шөлийг нь багасгах зорилгоор савхаараа нүхлээд өгнө. Хэд хэдийг гаргаад өгөхөөр шөл нь аяандаа багасна.
7. Таваглахдаа дээр нь яншуй цацаад л болоо :)))
АМЖИЛТ :))))))))
URL: http://www.choibalsan.mn/index.php?newsid=1278
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
){kind=link}
Сэтгэгдэл бичих