УИХ-ын чуулганы үдээс хойшхи хуралдаанаар Х.Болорчулуун гишүүнээс Газрын тосны тухай хуулийн хэрэгжилтийн талаар Монгол Улсын Ерөнхий сайдад тавьсан асуулгын хариуг сонслоо. Мөн одоо Улсын Их Хурлын гишүүн Л.Цог, Г.Уянга, Д.Сумъяабазар, О.Баасанхүү, Ё.Отгонбаяр нараас Монгол Улсын Засгийн газрын 2012-2016 оны үйл ажиллагааны хөтөлбөрт тусгагдсан Монгол Улсын уул уурхайн салбарын гол үйлдвэрлэл болох зэсийн баяжмалыг дахин боловсруулж, эцсийн бүтээгдэхүүн үйлдвэрлэх зорилт болон "Зэсийн баяжмал хайлуулах, цэвэршүүлэх үйлдвэр байгуулах ажлыг эрчимжүүлэх тухай” Засгийн газрын 2015 оны 247 дугаар тогтоолын хэрэгжилтийн талаар Монгол Улсын Ерөнхий сайдад тавьсан асуулгын хариуг сонсч байна.

Газрын тосны тухай хуулийн хэрэгжилтийн талаар 
Уул уурхайн сайд Р.Жигжид мэдээлэхдээ "Манай улсад нийт 23 талбайд бүтээгдэхүүн хуваах гэрээ хэрэгжиж байна. эд явж байна. Тосон уул, 19 талбайд нөөц ашигласны төлбөр авахгүй байхаар тусгагдсан гэж ойлгогддог. Төлбөрт тосны татвар төлөгддөг, түүнд нөөц ашигласны төлбөр нь шингэсэн байгаа” гэсэн юм.

Мөн УИХ-ын гишүүд хэзээ нефть боловсруулах тэр дундаа зэс цэвэршүүлэх, хайлуулах үйлдвэртэй болох вэ, БНХАУ-аас аван тэрбум ам.долларын зээлээс багагүй хувийг энэхүү бүтээн байгуулалтад зарцуулж болохгүй байсан уу гэх асуултыг асууж байсан юм. Энэхүү асуултад Аж үйлдвэрийн сайд Ж.Эрдэнэбат хариулахдаа "УИХ-ын шийдвэрийн дагуу хоёр ч газар нефть боловсруулах үйлдвэр байгуулахаар болсон. Зүүн бүсэд 300 мянган тонн түүхий тос боловсруулах хүчин чадалтай үйлдвэр байгуулахаар болж судалгааны түвшинд явж байна. Бидний тооцоолсноор ирэх хавраас нефть боловсруулах үйлдвэр барьж эхлэх болов уу. Харин говийн бүсэд баригдах нефть боловсруулах үйлдвэрийн урьдчилсан ТЭЗҮ боловсруулах ажил дуусч байна. Хөрөнгийн асуудлыг Засгийн газраас шийдвэрлэх байх” гэх хариултыг өгсөн юм.
Эх сурвалж: www.zaluu.com