Хуанлийн хуудас нэгээр эргэж хуучин оноо үдэж шинэ оноо угтан буй энэ цаг мөчид эрхэлсэн ажил хөдөлмөр, салбартаа амжилт гаргасан зарим иргэдийг шагнаж урамшууллаа. Өнөөдөр буюу 2015.12.29-ны өдөр аймгийн Засаг даргын Тамгын газарт Монгол улсын Ерөнхийлөгчийн зарлигаар төрийн дээд одон медалиар шагнагдсан иргэдэд шагналыг гардуулав. Шагнал гардуулах үйл ажиллагаанд УИХ-ын гишүүн Х.Болорчулуун, аймгийн Засаг дарга М.Бадамсүрэн, Хэрлэн сумын ИТХ-ын дарга Б.Батбаяр, сумын Засаг дарга П.Мөнхтөр агентлаг хэлтсийн дарга нар оролцов.

Ерөнхийлөгчийн зарлигаар Хөдөлмөрийн гавьяаны улаан тугийн одонгоор

• Хэрлэн сумын өндөр настан Раашийн Батаа,
• Дорнод аймгийн Багаль хамгаалах зөвлөлийн дарга Шагдарын Ганбат,
• Булган сумын Туг компанийн захирал Хайдавын Чулуунбаатар

Цэргийн гавьяаны улаан тугийн одонгоор

• Хэрлэн сумын өндөр настан Доржхандын Балжинням,

Цэргийн гавьяаны одонгоор

• Хэрлэн сумын өндөр настан Самдангийн Түвшинжаргал
• Нэгдүгээр тойргийн Тахарын албаны дарга Б.Хүрэлсүх

Алтан гадас одонгоор

• Дорнод МСҮТ-ийн захирал Ганжуурдалайн Цоглхагва
• ИТХ-ын нарийн бичгийн дарга Батаагийн Энхээ
• Хэрлэн сумын өндөр настан Төмөрийн Балдан
• Хэрлэн сумын өндөр настан Рэнчиний Басгаадай
• Анчир ХХК-ийн захирал Очирваанийн Гилжинтэй
• Хэрлэн сумын 8-р сургуулийн жижүүр Дэндэвийн Гомбобаатар
• Бэсү шүдний эмнэлгийн эрхлэгч Өлзийхутагийн Сарантуяа нарын 16 хүн,

Хөдөлмөрийн хүндэт медалиар

• Гэмт хэргээс урьдчилан сэргийлэх төвийн ажилтан Мөнхжаргалын Цэрэндаваа
• Хөдөлмөрийн хэлтсийн мэргэжилтэн Нямдоржийн Оюунчимэг
• Дорнод дээд сургуулийн багш Сүхбаатарын Энхжаргал нарын 15 хүн,

Цэргийн хүндэт медалиар

• Дорнод аймгийн ОБГ-ын Техник тоног төхөөрөмж хариуцсан мэргэжилтэн Бат-Очирын Үнэнбат
• Дорнод аймгийн ИГХНН-ийн салбарын эргүүлийн жижүүр Чанравын Ганбаатар нар тус тус шагнагдлаа.

URL: http://www.choibalsan.mn/index.php?newsid=13619