2016 оны 01 дүгээр сарын  06-ны өдөр Дорнод аймгийн ихэнх нутгаар ялимгүй цас орж, салхи баруунаас 07-12 м/с хүрч, цасан шуурга шуурч хүйтэрнэ. Иймд:
• Иргэд шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх, түүнчлэн малчид малын бэлчээрлэлтэд анхаарах;
• Хүчтэй салхи шуурганы үеэр авто замд хальтиргаа гулгаа үүсч, үзэгдэх орчин түр хугацаагаар хязгаарлагдах хүндрэлүүд үүсдэг тул хол, ойрын замд гарахдаа тээврийн хэрэгслийн найдвартай байдлыг хангаж, бензин, шатахууны нөөцтэй, дулаан хувцаслах;
• Хэрлэн, Онон, Улз, Халх гол болон томоохон нуурууд мөсөн бүрхүүлтэй, мөсний зузаан харилцан адилгүй байгаа ба мөсний даац хүн, мал, машин тэрэг явахад аюулгүй хэмжээнд хүрч бэхжээгүй байгаа тул ард иргэдийг зам товчлох, цаг хожих зэргээр мөсөн дээгүүр явахгүй байхыг онцгойлон анхааруулж байна.

---