"МИАТ”-ийн Бодлого төлөвлөлтийн газрын дарга асан С.Билэгсайхан, инженер Ц.Бат нарын хэрүүл тогооноосоо хальж, цахим ертөнцөд өрнөдөг байсан цаг саяхан. Бие биеэ идсэн ууснаараа дуудалцаж суусан хоёр байгууллагын нууц задруулсан гэх үндэслэлээр нэг л өдөр хөтлөлцөөд ажлаасаа халагдсан. С.Билэгсайханы тухайд АТГ-т өөрийгөө шалгуулах хүсэлт гаргасан гэж байв. Харин Ц.Бат инженер "С.Билэгсайханыг "МИАТ”-ээс зайлуулах хэрэгтэй” хэмээн өдөр шөнөгүй жиргэж байтал хамтдаа халагдчихсан. Гэвч тэрбээр "МИАТ”-ийн удирдлагуудаа шантаажилсаар эргээд ажилдаа орох гэж байгаа тухай эх сурвалж мэдээллээ.

Ингэхээр Ардчилсан холбоо эвсэл төрийн эрх барих үед УИХ дахь хөдөөгийн фракцийнхан буюу "Элсний 13"-ын нэгд ч багтаж явсан С.Билэгсайхан золигт гарч буй бололтой.

Харин Ц.Бат инженерийн тухайд давхар дээлийг би дэмжиж байна гэсэн шигээ суугаа аж. Төрсөн эгч нь шинэчлэлийн Засгийн газарт давхар дээлтэй сайд хийж байгаа болохоор арга ч үгүй биз.

Мөн өдөр шөнөгүй "МИАТ”-ийг баалдгаа болиод "Женко байж болох хувилбар” гэх болсон байна лээ. Үндсэндээ экс удирдлагуудаа шантаажилж, нүхээ малтчихаад суугаа бололтой. Ямартай ч С.Билэгсайханыг зайлуулах "мөрөөдөл” нь биелэчихсэн болохоор одоо ажлаа хүлээх л үлдсэн биз ээ.