Япон Улсын Засгийн газраас Монгол Улсын иргэдэд гурван жил хүртэлх хугацаатай олон удаагийн виз олгох шийдвэр гаргажээ.  Энэ шийдвэр нь 2016 оны наймдугаар сарын 10-ны өдрөөс хүчин төгөлдөр хэрэгжиж эхэлнэ гэж Гадаад хэргийн яамнаас мэдээлэв.

Нэг удаа зорчиход 15 хоног хүртэл хугацаатай байх ба үндэсний энгийн паспорт эзэмшигчдэд хамаарах юм байна.

Ийнхүү Япон улс руу чөлөөтэй зорчих болсноор Монгол жуулчдын тоо нэмэгдэх, худалдааны урсгал сайжрах цаашлаад хоёр орны харилцаа, хамтын ажиллагааг өргөжүүлэх ач холбогдолтой аж.