Тэр бүр жижигчин хүүхэд наснаасаа мэдээж жүжигчин байгаагүй, харин дуучид дуулах урлагт ч суралцаж байгаагүй аж. Эдүгээ дэлхийд нэрд гарсан одод хүүхэд, залуу насандаа ямар ажил хийж, хэрхэн мөнгө олж байсан юм бол? Үүнийг мэдэхэд сонин байх нь лав.

Жүжигчин Николас Кейж (Nicolas Cage) хүүхэд байхдаа Лос-Анжелес хотын "Fairfax” театрт попкорн худалддаг байжээ.

Брэд Питт (Brad Pitt) багадаа Лос-Анжелес хотын түргэн хоолны"El Pollo Loco” түргэн хоолны газрын үүдэнд тахианы дэгдээхийг дууриалгаж хийсэн хувцас өмсөөд, зарын хуудас тараадаг байж. Мөн тэрээр дэлхийд нэртэй жүжигчин болохоосоо өмнө бармен, худалдагч, үйлчлэгч, жолооч, тэр бүү хэл ачигчаар ажиллаад амжжээ

Кантрийн од Кэрри Андервуд (Carrie Underwood)бас олон ажил сольж, жишээ нь пицца тарааж явсан байна. Үүнээс гадна, тэр шатахуун түгээгүүрийн газар, зочид буудал, тэр ч байтугай мал эмнэлгийн клиникт ажиллаад амжсан байна.
Харин Женнифер Лопес (Jennifer Lopez) сургуулиа төгсөөд, эцэг, эхийнхээ зөвлөснөөр, хууль зүйн конторт туслахаар ажилд орж байжээ.

Женнифер Энистон (Jennifer Aniston) залуудаа зарлага, цэвэрлэгч, зөөгчөөр ажиллаж байжээ.

Жулия Робертс (Julia Roberts) тухайн үедээ "Baskin Robbins”-т зайрмаг аягалж, түүнчлэн гутлын дэлгүүр болон Макдональдс-т ажиллаж байж.

Том Круз (Tom Cruise) жүжигчин болох хүртлээ зочид буудалд үйлчлэгч, зарлагаар ажиллаж байжээ. Бүр залуухан байхдаа санваартан болохоор завдаж, шашны сургуульд нэг жил сурсан байна. Гэвч сүүлд нь тэр энэ сургуулиа хаяж, жирийн коллежид шилжжээ.

Гоцлол дуучны хувиар алдарших хүртлээ Шерил Кроу (Sheryl Crow) Майкл Жексоны бэк-вокалд дуулж байжээ. Үүнээсээ өмнө бага ангийн багшаар ажиллаж байсан байна.

Хью Джекман (Hugh Jackman) тухайн үедээ алиалагчаар ажиллаж, шоунд оролцсоноор 50 доллар авдаг байжээ.

Жонни Депп (Johnny Depp) утсаар үзэг худалддаг байсан байна.

Ума Турман (Uma Thurman)15 настайдаа Нью-Йоркт гэрээсээ зугадаж, пиццаны газарт аяга таваг угаагчаар орж байжээ.

Памела Андерсон (Pamela Anderson) Ванкувер хотод анх фитнес-клубийн багшаар ажиллаж байсан байна.

Мик Жаггер (Mick Jagger) залуудаа зайрмаг худалдаж, Лондоны эдийн засгийн сургуульд элссэн орсныхоо дараа сэтгэл мэдрэлийн эмнэлэгт үүдний жижүүрээр ажиллаж мөнгө олдог байжээ.

Домогт гитарчин Кит Ричардс (Keith Richards) хүүхэд байхдаа теннисний талбайд бөмбөг зөөж өгдөг байж.

Меган Фокс (Megan Fox) өсвөр насандаа дэлгүүрт ажиллаж, ажил дээрээ бананан өмдөөр гангардаг байж.

Вупи Голдберг (Whoopi Goldberg) амьдралдаа өрлөгчин, шөнийн манаач, тэр ч байтугай шарил хадгалагч газарт нүүр будагчаар ажиллаад амжжээ.

Дэнни Де Вито (Danny DeVito) хүүхэд байхдаа өөрийн гэр бүлийн угаалгын газарт цэвэрлэгч байжээ. Дараа нь тэр үсчин болж, эгчийнхээ гоо сайхны салонд ажилд орж, энд гоо сайханчаар ажиллан мөнгө олдог байв.

Жүжигчин Эми Адамс (Amy Adams) сургууль төгссөнийхөө дараа анхны машинаа худалдан авахын тулд зөөгчөөр ажиллаж байсан байна.

Квентин Тарантино (Quentin Tarantino) 17 настайдаа сургуулиа хаяж, порно кино театрт тасалбар худалдагчаар хэсэг хугацаанд ажиллаж байжээ. Сүүлд нь тэр дүрс бичлэг борлуулдаг дэлгүүрт худалдагч болж, үүнийхээ сацуу жүжигчний ур чадварын сургуульд элсэн оржээ.

Дуучин Гвен Стефани (Gwen Stefani) залуудаа сүүний дэлгүүрт цэцэрлэгчээр ажиллаж байсан байна.

Дуучин Род Стюарт (Rod Stewart) олон газарт ажиллаж байжээ. Хамгийн сонин нь булшны нүх ухагчаар ажиллаж байсан байна.

Бейонсе (Beyonce) урьд нь ээжийнхээ үсчинд цэвэрлэгчээр ажиллаж байжээ.

Сильвестр Сталлоне (Sylvester Stallone) цэнгээний газарт хамгаалагч, бас амьтны хүрээлэнгийн тор цэвэрлэгч, хөзрийн мэргэжлийн тоглогч байжээ.

Дастин Хоффман (Dustin Hoffman) оюутан байхдаа ресторанд сав угаагч байжээ.

Ален Делон (Alain Delon) мэргэжлээрээ дипломтай махны худалдагч байж.

Харин Жим Керри (Jim Carrey) залуудаа машины дугуйны үйлдвэрт шал угаагч, түүнчлэн хамгаалагч, хаалгач байжээ.

С.Инда