Сүүлийн үед Твиттер , Фэйсбүүк гэх мэт сошиал ертөнцөд нэгэн зураг шуугиан тариад байгаа билээ. Нэгэн бяцхан хүү Дэлхийн 5 удаагийн шилдэг хөлбөмбөгчин Аргентин од Лионель Месси-н нэр болон зүүдэг дугаарыг Аргентины шигшээ багийн өнгийн гялгар уутан дээр бичин өмссөн зураг бөгөөд сошиал ертөнцөөр ихээхэн тарсан энэ зургийг алдарт хөлбөмбөгчин харсан даруйдаа бяцхан хүүг хайж эхэлсэн гэнэ.

Одоогийн байдлаар хүүг олоогүй байгаа бөгөөд энэ зургийг хамгийн анх Твиттер хуудсанд байршуулсан хүн энэ хүүг Иракын Дохук хэмээх газар амьдардаг гэсэн боловч энэ нь худлаа мэдээлэл байсныг олж тогтоосон байна. Ямар ч байсан алдарт хөлбөмбөгч өөрийн бяцхан фентэйгээ уулзах хүртэлээ энэ эрэлээ зогсоохгүй гэдгээ мэдэгдсэн байна.