Түүний нэрийг Дуэйн Жонсон гэдэг. Нохой зодооны од, бас жүжигчин. Үзэгчид түүнийг "Хилэнцийн хаан” киногоор нь сайн танина. Бас "Галзуу хурд” киноны дүрээр ч мэднэ. Аялах, тэр дундаа эрсдэлтэй аялал хийх хоббитой тэрбээр ирэх оны зургадугаар сард төв Азийн нэрийн хуудас болсон говиор аялахаар төлөвлөж байгаа тухайгаа "okmagazine”-д ярьжээ. Дуэйн Жонсон” Цөлийн гайхалтай нууцлаг байдал миний сонирхлыг их татдаг. Аливаа зүйл нууцлаг, айдас төрүүлэм байх тусмаа аялагчдын хувьд "амтгай” байдаг. Би олон газраар аялж байсан ч зүрхийг минь чичрүүлсэн нь одоогоор алга.

 

Харин энэ удаа төв Азийн говиор аялахаар шийдээд байна. "Хилэнцийн хаан” киноны зургийг уг нь Алашаний говьд авахаар төлөвлөсөн байсан юм билээ. Тодорхойгүй шалтгааны улмаас киноны зураг авах багийнхан тэнд очиж чадаагүй. Би тэнд очиж чадаагүйг ч хэлэх үү, говиор аялах найзынхаа саналыг дуртайяа хүлээж авсан. Аташанийн говьд заавал очно. Монгол, Хятадын хүнгүй нутгаар явахад бэрхшээл гарах л байх. Гэхдээ манай багийнхан шантрахгүй” гэж онцолсон байна.

 

Эдүгээ 42 настай тэрбээр нохой зодооноор алдаршсан нэгэн. Цагтаа "төмөр” Майк Тайсоныг дэвжээнд дуудаж байжээ. Тухайн үед Леннокс Льюист хүнд цохилтоор ялагдаад байсан Тайсон айсандаа "Хилэнцийн хаан”-ы дуудлагаас татгалзсан гэдэг. Дуэйн Жонсон их сонирхолтой, бас нууцлаг хүн. Түүний булчин шөрмөс болсон биеийг харсан хэн ч "толгой нь хоосон эр” гэж бодох байх. Тэгвэл Дуэйн Жонсон шүлэг бичдэг, "The Rock Says” номоо худалдаанд гаргасан авьяаслаг залуу. Өөрийнхөө амьдралыг өгүүлсэн энэ ном Америкийн хамгийних борлуулалттай номын жагсаалтыг хоёр сарын турш тэргүүлж байсан билээ.

 

Дуэйн Жонсон зартай алан хядагч Осама бин Ладены үхлийг хамгийн түрүүнд мэдсэн цөөн хэдэн хүний нэг. Энэ тухайгаа, "тэр хүн амь үрэгдсэн гэдгийг би мэдчихсэн л дээ. Тэгээд ойр дотныхондоо хэлсэн. Удалгүй маш олон хүн мэдсэн. Тэгтэл Цагаан ордноос мэдээлэл хийж Осама бин Ладеныг устгасан гэдгийг нотолсон. Үнэнийг хэлэхэд, би зүүдэндээ энэ тухай мэдсэн юм. Тэгэхэд л өөрийгөө мэдрэмжгэй юм байна гэдгийг ойлгосон” гэж тайлбарласан удаатай. Түүний удамд хар домын шидтэн байсан талаар "The Rock Says” номондоо бичиж байсан юм.

ҮНДЭСНИЙ ШУУДАН

---