Хоёрдугаар сарын 21. Ливийн цэргийн тээврийн Ан-26 Тунисын дагуул хотын нисэх буудал хүрэхээр явах замдаа Набель мужийн Громбалия дүүрэгт осолдсон. Энэ үеэр хөлгийн бүхээгт явсан 11 хүн амиа алджээ .

Хоёрдугаар сарын 16. Балбын агаарын тээврийн "Nepal Airlines” компанийн хөлөг Жумла орохоор Покхарын нисэх буудлаас хөөрснөөс хойш 15 минутын дараа холбоо тасарсан. Цаг агаарын таагүй байдлаас болж сүйрсэн онгоцыг олсон ч "RA-183” чиглэлд нисч явсан хүмүүс бүгд үрэгдсэн. 15 зорчигчийн нэг нь хүүхэд байсан юм.  
Хоёрдугаар сарын 11. Алжирт Умм-эль-Баваки суурингийн ойролцоо цэргийн тээврийн онгоц унав. Дор хаяж 119 хүн энэ ослын хохирогч болсон юм. Онгоц Алжирын Варкалегаас зүүн хойд хэсгийн Константин орохоор нисч явжээ.

2013

Арванхоёрдугаар сарын 29. "Mozambican Airlines” компанийн Мозамбикаас  Ангол руу нисч явсан 28 зорчигч, нисэх багийн зургаан гишүүнтэй онгоц Ботсвантай хил залгаа Намибийн үндэсний парк Бвабватагийн нутаг дэвсгэрт ширэнгэн ойд  осолдсон. Эндээс мөн л амьд хүн үлдээгүй.
Арваннэгдүгээр сарын 17. Москвагаас хөөрсөн "Татарстан” авиакомпанийн "Boeing 737” Казанийн нисэх буудалд газардах үедээ осолдож багийн зургаан гишүүн болон 44 зорчигчийн амийг авч одсон.
Аравдугаар сарын 19. Бельгид шүхэрчдийг тээвэрлэж явсан "Pilatus PC-6 Turbo Porter” унав. Энэ үеэр зургаан шүхэрчин, нисгэгч амиа алдсан.
Аравдугаар сарын 16. Лаост зорчигч тээврийн ATR 72 Паксе хотын нисэх буудалд газардахын өмнө осолдож нисэх багийн таван гишүүн, 44 зорчигч үрэгдэв.
Нэгдүгээр сарын 29. Казахстанд SCAT компанийн Кокчетаваас Алматы чиглэлд нисч явсан CRJ-200 онгоц буух газраасаа таван км-ын наана сүйрч дотор нь явсан багийн таван гишүүн, 16 зорчигчоос хэн ч амьд үлдэж чадаагүй.  

2012

Арванхоёрдугаар сарын 25. Казахстаны Үндэсний аюулгүйн хорооны Хилийн албаны онгоц Астанагаас хөөрч  Чимкентэд буухын даваан дээр осолдож 34 хүний аминд хүрсэн. Энэ ослын шалтгааныг онгоц техникийн хувьд бүрэн бус байснаас гадна нисгэгч нарын буруу шийдвэртэй холбоотой хэмээн үзжээ.
Есдүгээр сарын 27. Хятад болон Британийн жуулчин 12 зорчигчтой явсан "Sita Air”-ийн "Dornier” агаарын хөлөг Балбын нийслэл Катмандугийн нисэх буудлаас холгүй унаж зорчигчдоос гадна нисэх багийн долоон хүн бүгд амиа алдсан.
Есдүгээр сарын 11. ОХУ-д болсон ослоор 10 хүн амиа алджээ. Камчаткийн  Петропавловскаас Палан тосгонд очихоор явах замдаа осолдсон онгоцыг буух ёстой газраас нь арав орчим км-т хушин ойд хажуугаараа унасан байхыг олсон бөгөөд азаар гурван хүн амьд гарсан.
Зургадугаар сарын 3. Нигерийн нийслэл Абужигаас Лагос чиглэлд нислэг үйлдэж явсан "Dana Air”  компанийн MD-83 агаарын хөлөг Лагосын хүн ам олноор суурьшсан хэсэгт унаж, дундуураа тасран шатжээ. Онгоц унах үедээ хоёр давхар орон сууцны байшинг мөргөсөн. Энд 40 орчим хүн амьдардаг байсан гэнэ. Онгоцны бүхээгт 153 хүн явсан нь бүгд амь үрэгджээ.
Тавдугаар сарын 9. Индонезид Sukhoi SuperJet-100 (SSJ-100) осолдов. Үзүүлэх нислэгийн үеэр SSJ-100-гийн бүхээгт  45 хүн явсан бөгөөд Салакийн уулсыг мөргөж 1.6 км-ын өндөрт осолдсон юм.
Тавдугаар сарын 14. Балбын баруун хойд хэсэгт "Agni Air” компанийн  "Dornier” маркийн онгоцоор нисч явсан 17 хүн амь үрэгдэв. Покхараас Жомс чиглэлд нислэг үйлдэж явсан уг онгоц газардахаар нислэгийн зурваст орж ирэхийн өмнө осолдсон.
Дөрөвдүгээр сарын 20. Карачигаас хөөрсөн  "Bhoja Airline”-ийн зорчигч тээврийн "Boeing 737”  Пакистаны Исламбад хотоос холгүй Чаклалагийн цэргийн баазын дэргэд унахад 127 хүн амиа алдсан.
Дөрөвдүгээр сарын 2. Тюмень-Сургут чиглэлд нислэг үйлдэж байсан  Оросын агаарын тээврийн "ЮТэйр” компанийн ATR-72 онгоц Тюменийн нисэх буудлаас хөөрөх үедээ осолдсон. Энэ үед онгоцонд нисэх багийн дөрвөн хүнээс гадна  39 зорчигч явжээ. Тэднээс азаар 10 хүн амьд үлдсэн.

URL: http://www.choibalsan.mn/index.php?newsid=1444