Даваа гарагт Хятадын 32 чингэлгийн галт тэрэг Ираны нийслэл Тегеран хотод ирсэн байна. Энэ галт тэрэг Хятадын Жөжян мужаас 14 хоногийн турш явж Иранд иржээ.
Зүүнийг Европтой холбож буй эртний худалдааны замыг сэргээснээр холын зайн тээврийн галт тэрэг Хятадаас Иран руу бараа тээвэрлэн явж байна. Даваа гарагт Хятадын 32 чингэлгийн галт тэрэг Ираны нийслэл Тегеран хотод ирсэн байна. Энэ галт тэрэг Хятадын Жөжян мужаас Казахстан, Туркменистаныг дамжин 10399 км-ийг туулахдаа 14 хоног явж Тегеранд ирлээ. Хамгийн гол зорилго нь Ираныг тивийн хамгийн гол чиглэлээр сонгож, Европ руу төмөр замыг тэлэх юм хэмээн Ираны албаны хүмүүс хэлж байна. Хятадын Жөжян мужаас хөдөлсөн энэхүү галт тэрэг Ираныг зорихдоо өдөрт 700 гаруй км-ийг туулжээ.Хятад улс Ираны худалдааны хамгийн том түнш юм. Тегераны цөмийн хөтөлбөрт урт хугацааны турш Олон Улсын хориг тавьсныг үл харгалзан Хятад улс Ираны худалдааны түнш нь байсаар ирсэн. Өнгөрсөн нэгдүгээр сард Ираны цөмийн хөтөлбөрийн эсрэг Олон Улсын хоригийг цуцалсны дараа Хятад улсын дарга Си Зиньпин Иранд айлчилсан анхны дэлхийн лидер байлаа. Хоёр орон ирэх 10 гаруй жилд 600 тэрбум долларын худалдаа хийхээр гэрээ хийсэн юм. Дахин сэргээсэн торгоны зам нь Хятад улсын "Нэг бүс, нэг зам” нэртэй эдийн засгийн хөгжлийн стратегийн нэг хэсэг болно. Өнгөрсөн сард Ираны тээврийн усан онгоц 978 чингэлэгт ачааг тээвэрлэн Хятад улсын Гуанси мужид очсон билээ.
Э.Лхагва
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих