17-р жарны "Согтууруулагч” хэмээх модон хонин жилийн ололт амжилтаа дүгнэж, сар шинийнхээ босгон дээр алдартнуудаа тодруулаж шагналыг нь гардуулаж өглөө.
Аймгийн Засаг захиргааны анхан шатны нэгж "Багийн хөгжлийг дэмжих дэд хөтөлбөр”-ийн хүрээнд зарлагдсан болзолт уралдаанд шалгуур үзүүлэлтийг хангаж хөдөөгийн сумын "Тэргүүний баг”-аар Галуут баг шалгарлаа.
Аймгийн "Тэргүүний ажилтан” цол тэмдэгээр сумын Засаг дарга Зоригт Гэрэлт-Од, Эрүүл мэндийн төвийн статистикч бага эмч Баатар Бадамсайхан, Ерөнхий боловсролын сургуулийн түүх, нийгмийн багш Оюунбаатар Наранцэцэг, Ерөнхий боловсролын сургуулийн математикийн багш Папанин Мягмаржав, Хүүхдийн цэцэрлэгийн галч Махбараа Ганхуяг, Галуут багийн малчин Нэхийт Цэцгээ нар шагнагдлаа.
Монгол үндэстний уламжлалт баяр билгийн улирлын "Цагаан сар”-ыг тохиолдуулан 2015 онд ажил үйлсээрээ шалгарсан нэр бүхий иргэдийг сумын шагналаар шагнагдлаа.
"Сумын сайн малчин” тэмдэг, үнэмлэхээр Галуут багийн малчин Гандоржийн Батбүргэд, Цагаанчулуут багийн малчин Алтансувдын Ганбаяр
"Сумын тэргүүний ажилтан” тэмдэг, үнэмлэхээр Дэлгэр багийн иргэн, Хүүхдийн цэцэрлэгийн багш Чулуунбаатарын Сарангэрэл
"Сумын тэргүүний тариаланч” тэмдэг, үнэмлэхээр Дэлгэр багийн иргэн Шаравын Нэргүй
"Малд нүдтэй хүүхэд” цол, өргөмжлөлөөр Галуут багийн иргэн, Д.Нямсүрэнгийн нэрэмжит Бүрэн дунд сургуулийн суралцагч Жамбалдоржын Манлайбаатар