"Маш нууц” сонин өнгөрсөн оны №19 дугаартаа Өвөрмонголын нэрт жүжигчин Б.Баасанжав Гал мичин жилийн Сар шинийн баяраар "Монгол тулгатны 100 эрхэм” нэвтрүүлгийн зочноор уригдаж орох тухай хамгийн анх мэдээлж байсан билээ. "Херо” энтертайнмент студийн залуучууд энэхүү телевизийн цуврал нэвтрүүлгийг бэлтгээд нэлээд хэдэн жилийн нүүрийг үзэж байгаа.
    
Сонгуулийн үеэр ганц нэг хэтэвч зузаантай хүмүүс уг нэвтрүүлэгт увайгүй дайрч орсныг эс тооцвол ер нь боломжийн хэмжээнд хийгдэж байгаа хэмээн үзэгч түмэн үнэлэх болсон. Төслийг хийж байгаа залуучууд нэвт­рүүлгийнхээ нэрийг бодсон ч тэр цаашид уг нэвтрүүлэгтээ дэлхий даяар оршин сууж буй Монгол тулгатны томоохон төлөөлөгчдийг оролцуулахаар болсон аж. Энэ ажлын эхлэл болгож ӨМӨЗО-ы нэгдүгээр дэсийн жүжигчин Б.Баасанжавыг оролцуулсан нэвтрүүлгийг саяхан цэнхэр дэлгэцээр гаргав.
    
Цаана нь эмийн ургамлаар шинэ эм бүтээж ихэд нэрд гарсан Боржигон Гэрэлт, Бээжин хотын их сургуулийн профессор эрдэмтэн, химич Чулуу, монголчуудын хэдийнэ таних болсон дуучин Тэнгэр, морин хуурч Чибулаг нарыг оролцуулж нэвтрүүлэг бэлтгэх ажил үндсэн­дээ хангагджээ. Улмаар ОХУ-ын Халимаг Улсын Ерөн­хийлөгч асан К.Үлэмжинов, дуучин Цагаанзам нарыг нэвтрүүлэгтээ урьж оруулахаар болсон гэнэ. Дараа нь ОХУ-ын Тува Улсын төлөөлөл нэр алдартай монгол тулгатныг нэвтрүүлэгтээ оролцуулахаар болжээ. Эх сурвалж www.wikimon.mn - See more at: http://www.wikimon.mn/content/66878.shtml#sthash.myv9Q7bL.dpuf

URL: http://www.choibalsan.mn/index.php?newsid=15007