10.00 цагт:

• МУЗН-ийн байранд Хөдөлмөрийн сайд Г.Баярсайхан өвөлжилт хүндэрсэн малчдад эд материалын тусламжийг Монголын Улаан загалмай нийгэмлэгт тусламжийг гардуулан өгөх арга хэмжээ болно. Утас: 96006901

• Баянгол дүүргийн 20 дугаар хорооны байранд Нийслэлийн Эрүүл Мэндийн Газрын харьяа Наркологийн эмнэлгээс эмнэлгийн үйл ажиллагаа танилцуулах, "Стрессээс хэрхэн ангижрах вэ?” сэдэвт нээлттэй хаалганы өдөрлөгийг зохион байгуулна. Утас: 99637986, 99157931

• "Унадаг дугуйтай Улаанбаатар” хэлэлцүүлэг Монголын Залуучуудын Холбооны байрны 2 давхарын 209 тоот болно. Тус хэлэлцүүлгээр "Унадаг дугуйтай Улаанбаатар” хөтөлбөрийн өнгөрсөн 3 жилийн хэрэгжилт, үр дүн, цаашдын бодлогыг хэлэлцэж, дугуйчдын аюулгүй байдал, хууль эрх зүйн орчинг хэрхэн хангах, унадаг дугуйн замыг шинээр байгуулах боломж, унадаг дугуйн хэрэглээг хэрхэн нэмэгдүүлэх зэрэг асуудлуудыг хөндөнө. Утас: 88020633

• Төрийн ордны "Нээлттэй сонсголын танхим"-д иргэдээс Өргөдлийн байнгын хороонд ирүүлсэн өргөдлийн дагуу иргэд, холбогдох албан тушаалтнуудаас тайлбар авах уулзалт болно.

11.00 цагт:

• "Найман шарга" валютын захын Капитал банктай байрны 7 давхрын 703 тоотод "Сентерра гуолд" компани болон Ноён уултай холбоотой асуудлаар хуульч, өмгөөлөгч нар болон нутгийн иргэд мэдээлэл хийнэ. Утас: 77497739

• "Зууны мэдээ" сонины Үндэсний мэдээллийн төвд Төмөрлөг автомашин үйлдвэрлэл инженерингийн холбооноос Сонгуулийн мөрийн хөтөлбөрт Аж үйлдвэржилт ба эдийн засгийн аюулгүй байдал сэдвийн хүрээнд тусгах саналын талаар мэдээлэл хийнэ.

11.30 цагт:

• "Найман шарга" валютын захын Капитал банктай байрны 7 давхрын 703 тоотод БЗД-ийн засаг дарга Д.Пүрэвдаваад удаа дараа зодуулсан гэх тус дүүргийн Хүүхэд гэр бүл, хөгжлийн газрын дарга Н.Эрдэнэ  баримт нотолгоотой мэдээлэл хийнэ. Хэвлэлийн бага хурал болно. Утас: 77497739

• "Зууны мэдээ" мэдээллийн төвд МАХН-ын залуучууд хэвлэлийн хурал зарлалаа. Хурлаар МАХН-ын дарга Н.Энхбаяр болон намын гишүүд, удирдлагуудыг АТГ-аас хилс хэрэгт татаж хэлмэгдүүлж байна хэмээн эсэргүүцэн шат дараатай арга хэмжээ авахаар болсон талаараа мэдээлэл өгнө.

11.40 цагт:

• Офицеруудын ордонд 1939 оны Халх гол, 1945 оны Чөлөөлөх дайнд оролцсон цорын ганц урлагийн байгууллага, Монголын мэргэжлийн ууган байгууллага Цэргийн Дуу Бүжгийн Эрдмийн Чуулгын Чөлөөлөх дайнд оролцсон тухай номын нээлт болно. Номын нээлтэнд БХЯ, ЗХЖШ-ын удирдлагууд, УИХ-ын гишүүд, Чөлөөлөх дайнд оролцсон уран бүтээлчдийн ар гэр, үр хүүхэд оролцоно.  Утас: 93333033

12.00 цагт:

• Хангарди ордны 14 давхарт Нийслэлийн удирдлагын зөвлөлийн ээлжит бус хуралдаан болно. Хуралдаанаар Нийслэлд 2016 онд хийгдэх автозамын бүтээн байгуулалтын асуудлыг хэлэлцэнэ. Утас: 91040607

• МҮЭХ-оос Үйлдвэрчний эвлэлийн нэгдсэн хорооны татварыг зогсоосонтой холбогдуулан шүүхэд нэхэмжлэл гаргаад байгаа тухай мэдээлэл хийнэ . Утас: 88815599

14.00 цагт:

• Гадаад хэргийн яамнаас долоо хоног бүр зохион байгуулдаг "Мэдээллийн цаг" уулзалт тус яамны "Зөвшилцөл" танхим болно. Энэ үеэр Монгол улс албан ёсоор БНХАУ-руу мах экспортлодог болсон тухай болон АСЕМ-ын бэлтгэл ажилтай холбоотой мэдээлэл хийнэ. Утас: 89010515

URL: http://www.choibalsan.mn/index.php?newsid=15076