Хойд Солонгос өнөөдөр хэд хэдэн пуужин хөөргөж тэдгээр нь Япон тэнгист унажээ. Хойгийн зүүн эрэгт энэхүү ажиллагааг явуулсан байна.

Вонсан хотын ойролцоох бүсээс, орон нутгийн цагаар өглөөний 10 цагийн үед пуужингууд хөөрчээ. Энэ тухай Ёнхап агентлаг, Хойд Солонгосын цэргийн хэвлэлийн төлөөлөгчийн мэдээллийг дамжуулжээ.

БНСУ-ын Батлан хамгаалах яамны хэвлэлийн төлөөлөгч Мун Сан Гюн хойдын хөөргөсөн пуужин бүгд далайд унасан гэж тайлбарласан байна.

Хойд Солонгос нь хоёрдугаар сарын 7-нд хиймэл дагуул бүхий баллистик пуужин хөөргөсөн билээ. Пхеньян хиймэл дагуулаа амжилттай хөөргөсөн гэж зарласан боловч бусад улс орнууд цэргийн туршилт буюу баллистик пуужингийн туршилт хийсэн гэж мэдэгдсэн. НҮБ-ын Аюулгүйн Зөвлөл БНАСАУ-ын энэ үйл ажиллагааг буруушаасан юм.