Монгол улсын Дархан аварга Агваансамдангийн Сүхбат УИХ-ын сонгуульд нэр дэвшихээ зарлаад байгаа билээ. Ардчилсан намын гишүүнчлэлээсээ татгалзсан тэрбээр одоохондоо намаас дэвших үү, бие дааж нэр дэвших үү гэдгээ шийдээгүй байгаа гэнэ. Түүний гол хүсэл мөрөөдөл нь "Хангалуун сайхан Монголыг бий болгох" юм байна. 

Хөдөө аж ахуй эрхэлж буй тэрбээр 2013-2015 онд Удирдлагын Академийн Төрийн захиргаа удирдлагын ангийг төгссөн бөгөөд Монгол орныхоо сайн сайхан бүхний төлөө өөрийгөө зориулах чин хүсэлтэй аж.

Мөн "Илгээлтийн эзэн" болоод буй Самандын Жавхлан сайд дарга нарыг сандал ширээ мөрөөдөж байх зуур ард түмнийхээ төлөө олон ажил хийж байгаа билээ. Хамгийн сүүлийн ажил нь анхны хослон дуулагч Т.Баясгалантайгаа хамтарсан тоглолт хийж малчдад туслахаар болсон. Тэрбээр бид хоёрт цэцэг барих биш ганц болтугай нэмнээ бариад ирээрэй гэсэн уриалга гаргасан. С.Жавхлан УИХ-д Чингэлтэй дүүрэг болон Увс аймагт нэр дэвшээд өвдөг шороодсон. Тухайн үед хүмүүсийн хандлага "Түүнийг дуугаа дуулаад л явж бай" гэдэг байсан бол одоо байдал өөрчлөгдөн маш их нэр хүндтэй болоод байгаа билээ. Харин тэрбээр сонгуульд нэр дэвшихээ хараахан шийдээгүй ба байдлыг ажиглаж байгаа бололтой. тун удахгүй Самандын жавхлан улс төрд орох уу гэдгээ зарлах биз ээ.

zaluu.com