Хойд Солонгос дахин баллистик пуужингийн туршилт хийж байна гэж Ёнхап агентлаг мэдээлсэн байна. Агентлагийн мэдээлснээр "Нодон” дунд тусгалын пуужин Япон тэнгист унасан гэж РИА Новости мэдээллээ.

Хойд Солонгос нь Өмнөд Солонгос, АНУ-ын хамтарсан томоохон хэмжээний цэргийн сургуулилтыг өдөөн хатгалга гэж үзэж байгаагаа Пхеньяны өндөр албан тушаалтан илэрхийлсэн үед ийнхүү пуужин хөөргөсөн гэнэ. Хойд Солонгосын удирдагч Ким Чен Ун цөмийн туршилт болон баллистик пуужин хөөргөх тухай зарласан билээ.

Долоо хоногийн өмнө, гуравдугаар сарын 10-нд Хойд Солонгос богино зайны хоёр баллистик пуужин хөөргөсөн нь Япон тэнгист унасан.

М.Баяр

---