УИХ-д нэр дэвшинэ гэж зоригтой дуугарч, түүнийхээ төлөө олон доромжлол магтаал хоёрын эзэн болоод байгаа дуучин М.Нарантуяа дахиад олны анхааралд орж ирлээ. Шинээр байгуулагдаж буй телевизийн шууд нэвтрүүлэгт тэрбээр анхны зочин нь болж уригдан оролцсон ба нэвтрүүлэгийн хөтлөгчийн цагаа олоогүй асуулт, дээрэнгүй байдлыг удаан тэвчсэний эцэст хэдэн хатуухан үг хэлээд нэвтрүүлэгийг орхин одлоо. Тэрбээр гэртээ ирсэний дараа ийнхүү бичжээ.

"15н Раунд" шууд нэвтрүүлгийг дундаас нь орхиж гарсандаа энэ нэвтрүүлгийг үзэж байсан нийт үзэгчдээс албан ёсоор хүлцэл өчье
Энэ нэвтрүүлгийн дуудлагыг худалч, хулгайч биш учраас хүлээн авч очсон. Харамсалтай нь хөтлөгчийн харилцааны өнгө аяс, хэт дорд үзсэн байдал дээд намайг биеэ барьж чадахгүй орхиж явахад хүргэлээ.

Уг нэвтрүүлэг шинээр дөнгөж хийгдэж байгаа ч сэтгүүл зүйн ёс зүй, ер нь хүн ёсны харьцааг уландаа гишгэсэн нэвтрүүлэг гэдэг эхнээсээ ойлгомжтой болов. Тэд Нараг унагаах гэсэн биш харин ч түүнд маш ашигтай PR хийгээд өгчихөв. Цоглог дуучин бүсгүй эмэгтэй хүний тэвьчээр, ухаан хоёроо зэрэг ажиллуулж өөрийгөө эвтэйхэн аваад гарсан бол, хөтлөгч залуу нь өрөө нэвтрүүлэгийн дундаас нокаутанд орж томоос том булдруутай үлдэв.

---