Улаанбаатар хотын Замын цагдаагийн газар өчигдөр /2016.03.29/ 260 дуудлага мэдээлэл хүлээн авснаас зам тээврийн ослын 260 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл ес бүртгэгдэж, 12 хүн хүнд хөнгөн гэмтжээ. Энэ үеэр согтуугаар тээврийн хэрэгсэл жолоодсон 35 жолоочийг журамласан байна.
СБД-ийн нутаг Чингэлтэй өргөн чөлөө 32-ын тойргийн Сансар төвийн замд Тэнүүн дэлгэр ХХК-ны DaewooBS-106 маркийн автобусны жолооч Г нь явган зорчигч 32 настай эрэгтэй Ц-г мөргөж гэмтээсэн.
Хөдөө орон нутагт: Сүхбаатар аймгийн Эрдэнэцагаан сумаас зүүн урагш Хар энгэр гэх шороон замд Б нь мотоцикльтой явж байгаад онхолдож нас барсан.
Дорнод аймгийн Дашбалбар сум Бат тойрон гэх газар шороон замд M.Familla маркийн А жолоочтой авто машин онхолдож жолооч нас барсан.
Сэрэмжлүүлэг:
Өнөөдрөөс эхлээд ихэнх нутгаар цас орж, хүйтрэх тул орон нутгийн замд зорчих гэж буй жолооч та бүхэн тээврийн хэрэгслийн техникийн бүрэн бүтэн байдлыг сайтар хангах, замын зорчих хэсэг гадаргууны байдалд хурдаа зөв тохируулан анхаарал болгоомжтой аюулгүй байдлаа сайтар хангаж замын хөдөлгөөнд оролцохыг зөвлөж байна.

Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих