Эхын сэдьхэл үридөө...Эрьехэ нарата юртэмсэдээрээ
Эхэhээ сэнтэй юун байха юм?
Эхэ мэтэ үргэн дэлхэй,
Аба мэтэ хүхэ мүнхэ тэнгэри
Эжы гэжэ хэлэндэ оронош,
Эхэеэ танин нюдөө тайланаш,
Эхын амтата уураг амсаhаар
Эльhэтэ тоонтодоо хүлөө шоройдонош.
Эльгэлэн зөөлэхэн альган дээрээ
Тэжээнэл үриёо эхэ бүхэн
Эхын аягалhан hайхан сай,
Эдижэ мэдэнэш халуун хилээмэ.
Эхын энхэргэн- сагаан сэдьхэл
Эхын энхэрэл- арюун hургаал
Энэрхы зохидоор, эльгэлэн, бөөмээлэн
Үриёо үлгыдэн, жаргалтай л эжым.
Эжын тахидаг угай бурхад
Аршалнал аюулhаа арад зоноо.
Уг гарбалайм бэлэглэhэн бэлэг
Элбэг дэлбэг эдье хоолтой,
Арюун аршаантай шэдитэ байгаали.
Бурхан багшын үршөөл болоhон
Үзэсхэлэнтэ hайхан- Буряад орон
Буянтай буурал баабайн- буряад хэлэн
Үргэмжэтэ шажан мүргэлэй үлгы тоонто
Юунтай сэнтэй юм?
Дэлхэйн шэмэг-Мүнхэ Сарьдаг
Дэлхэйн нангин hудал-Саяан уула
Хамар Даваан, Улаан Бургааhата
Буряад оронойм баян дайда!
Олон үеын үлзытэ буянгаар
Олзо болон олдоhон олзоёо
Эхэ мэтээр сэгнэн ябаял!
Эхэ мэтээр гамнан ябаял!
Эжы абатаяа хододоол байдагhайб!
Эльhэтэ дайдадаа хододоол жаргадагhайб!
Оршолонто юртэмсын жама ёhоор,
Арбан сагаан буян үйлэдэhөөр
Аман соогоо маани уншан
Аршалнал үриёо халуун галhаа.
Олонхон жэлнүүдтэ омогорхон манаараа
Омогтой дорюун ажаhуухыень
Эжынэры абарыт, үршөөгыт бүгэдыень
Эжын тахидаг угайм бурхад.......Ешиева Долгорсүрэн Баторовна
URL: http://www.choibalsan.mn/index.php?newsid=1624
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих