2009 оноос хойш хүлээлт үүсгээд буй Чойбалсан-Өндөрхаан чиглэлийн хатуу хучилттай замыг сонгуулийн өмнө бүрэн ашиглалтад оруулна хэмээн эрх баригчид мэдэгдэж байна.

70 хувийн гүйцэтгэлтэй байгаа уг замыг бүрэн барьж дуусгахаар "Насны зам”, "Бадрал ойл”, "Өвөр залаат”, "Хансуун зам”, "Арж капитал” компаниуд зэрэг ажиллаж буй. Тэд өнгөрсөн намар гэхэд ашиглалтад оруулах төлөвлөгөөтөй байсан ч сунжирсаар дахин нэг жилийг ардаа орхиод байгаа юм.

Замын компаниуд ирэх даваа гарагаас ажилдаа гарах бөгөөд үлдсэн 143 км замыг хуваан авч гүйцэтгэх аж.