НАРНЫ АЙМАГНарны аймагт амьдран суух цагаар
Насны улирлуудыг хэмжин уйлана, дуулна.
Тохой биетэй байлаа.
Тойлж өсгөх ээжтэй явлаа. Би.
Ээж минь миний нялх задгай хаврыг
Ээж минь миний дэлгэр өсгөлүүн зуныг
Эвлүүлж зүйж өгөөд
Ээж минь намар болов доо.
Нарны аймагт амьдран суухад
Насны дөрвөн өнгөт улирал үүснэ, үргэднэ.
Сүн далай шиг сүүт мээмтэй байлаа
Сүүт эхийн ачаар сөөм сөөмөөр суга өслөө. би.
Өлгийдөж өсгөсөн ээж минь зул болов оо.
Үлгэрт ертөнцийн үнэн гэвэл энэ дээ.
Сансар ертөнцийн шунхат нарны аймагт
Шаргал дүрт сайхан ээжтэй байлаа
Шар солонго болоод
Салж надаас одлоо доо.
Нарны аймаг орноор
Намтраа зуран уйдан суухад
Наран мөнхөд гаравын орноо ээж минь
Намайгаа гэж нааш харан инээхийг үзэв дээ.
Нарны аймгийн өнгөт дөрвөн улиралыг нээж өгөөд
Намайгаа нилэмгэр хөх тэнгэрийн гуниг дотор орхиод
Нэг л өдөр нисэн одсон ээж минь дээ, таньдаа би чинь
Нэгэн насаараа гомдох шахлаа даа.
Найган ганхах цэцэгс, цэцгэсээс өөр
Надад төрсөн гэрэлт цэцгийн дэлбээнд
Намхан ээжийгээ гэнэт сая олж хараад
Нулимс татарлаа, Наргиантай ч болдоо та минь
Нарны аймагт буулгаж төрүүлээд
Намайгаа сургасан ээж минь дээ
Нэн их нинжийг чинь мэдэрдэг сэн
Нээрээ тийм байлгүй дээ. Мартах шахав даа.
Огторгуйн алтан цагирагт нарны аймаг нь
Өө, Хөөрхий орж гарахын үүдтэй л билээ
Өнгөт дөрвөн насны улирлыг чинь төөлж хэмжээд
Өөрийнхөө намтарыг олзолж дүүргээд
Үлгэрийн үлгэрт дээд орноо, өршөөлт ээж өөдөө
Үзэсгэлэнт гэгээ татуулаад одно доо. Би.
b.batregzedmaa (REGZED)
Төгөлдөр АСОАДАРЭ дэлхийн шүлгүүд
URL: http://www.choibalsan.mn/index.php?newsid=1639
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих